NGÉ SARYA 3:7 - Bibəl ta Sar̄

⁷ Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

Bible sar

⁷ Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ *Baal gə̄ ō, *Asera gə̄ ō.

NGÉ SARYA 3:7 Referans Kwoze

Teē Ngán Israel gə̄ 34:13

Ā ī-tɔ̄ɔ̄ī loo tun̄ yá̰a̰ yādə́ gə̄ kɔ̄ɔ́ ō, ā ī-tɔ̄ɔ̄ī mbal̄ yādə́ gə̄ ń túdə̄n̄ kə nja kə́ dɔɔ́ ní kɔ̄ɔ́ ō, ā ī-jéngī kāgə̄ ɓesə̄ yādə́ kə́ yā ɓōĺ gidə gə̄ ń túdə̄n̄ ní kɔ̄ɔ́ ō.

2 MBAN̄G 23:6

Ni un kāgə̄ ɓesə̄ Asera kem kújə yā Kɔ́ɔ̄ɓē tə́ aw̄ń gidə ɓē kə́ Jerusalem tə́ ndágá adə̄ róōn̄ horoó wól loo kə́ Sedəron tə́. Róōn̄ kāgə̄ ɓesə̄ Asera ní ba ɔyn̄ būn ɓōkə́n̄ dɔ ɓádá ń kə́nə̄n̄ nīń kósə de gə̄ kemeé tə́ ní.

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

2 YÁ̰A̰ GƏ̄ 33:3

Loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní ni tél rāādə́ gogə́ rang. Ni rāā loo tun̄ yá̰a̰ gə̄ kə́ yā tunəń yá̰a̰ kadə̄ ɓesə̄ Baal gə̄ ō, túdə̄ kāgə̄ ɓesə̄ kə́ yā ɓōĺ gidə gə̄ ō, ɔsə non nang tə́ no tə́yō̰ gə̄ malang kə́ dɔ rā̰ tə́ tə́ rɔȳńdə́ ō, rāā kəla adə̄də́ ō.

2 YÁ̰A̰ GƏ̄ 24:18

Adə̄ nin̄ əya̰n̄ kújə yā Kɔ́ɔ̄ɓē Nə́ɓā yā kaadə́ gə̄ kɔ̄ɔ́ ba rāān̄ ɓesə̄ kāgə̄ kə́ yā ɓōĺ gidə gə̄ ō, ɓesə̄ kə́ rang gə̄ ō. Yá̰á̰ kə́ gōtə́ aĺ ń nin̄ rāān̄ ní rāā adə̄ wōn̄g rāā Nə́ɓā kə dɔ nang yā Juda ō, kə ɓē kə́ Jerusalem ō.

2 YÁ̰A̰ GƏ̄ 15:16

Loo kə́ to rɔȳ ń əndān̄ Maaka kaa mban̄g Asa tū tə́ a mēr̄ kadə̄ a ɓārə́n̄ kaan na i dəyá̰ kə́ bo ní, Asa ɔrə̄n tū tə́ kɔ̄ɔ́. Tɔdɔ̄ Maaka udə ɓesə̄ kógə̄ḿ kə́ majaĺ ngá̰ý yā rɔȳń Asera. Asa tə́gā ɓesə̄ kə́ majaĺ ngá̰ý ní kɔ̄ɔ́. Ni tə́tə̄n rárák ba əla hor dɔ tə́ kum wól loo kə́ Sedəro̰ tə́.

2 MBAN̄G 23:14

Ni tɔ̄ɔ̄ mbal̄ kə́ kudə dɔɔ́ gə̄ kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, ba kán̄ kə̄ngā de gə̄ gotoó.

1 MBAN̄G GƏ̄ 18:19

Banī kə́ ngɔr ń toō tə́ ní ə́la de gə̄ ādə̄ ɓārə́n̄ Israel gə̄ malang ādə̄ reēn̄ rɔ̄ḿ tə́ dɔ mbal̄ Karmel tə́ ō, ādə̄ ngé koō ta gə̄ ɓú sɔ́ yā ɓesə̄ Baal ɓú sɔ́ kə kutə mí ō, ngé koō ta gə̄ kə́ yā ɓesə̄ Asera ō ń a əsan̄ yá̰a̰ ta tábəl yā Jesabel tə́ ní adə̄ reēn̄ ō.

1 MBAN̄G GƏ̄ 16:33

udə ɓesə̄ Asera kem kújə́ ní tə́ ō. Yá̰a̰ gə̄ ń Akab rāā kadə̄ wōn̄g rāā Kɔ́ɔ̄ɓē Nə́ɓā yā Israel ní i ngá̰ý tɔȳ yā mban̄g kə́ Israel tə́ kə́ kété non tə́ gə̄ malang.

NGÉ SARYA 6:25

Ndɔ̄ɔ́ ndɔ̄ nəkɔ́ ń noō tə́ Kɔ́ɔ̄ɓē əda Jedeo̰ na kə əhɔ man̄g kə́ bəra kə́ nge ko̰ jōó yā bɔbə̄n ń ɓālə̄n i sīrí ní ō, kə nujə loo ń bɔbə̄n a tun̄ yá̰a̰ tū tə́ adə̄ ɓesə̄ Baal ní ō, kə tə́gā kāgə̄ ɓesə̄ kə́ yā ɓōĺ gidə ń i kə́ kudə kadə loo tun̄ yá̰á̰ tə́ ní kɔ̄ɔ́ ō.

NGÉ SARYA 3:12

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē aĺ ɓáý to̰. Adə̄ Kɔ́ɔ̄ɓē sə̄lā Egəlon mban̄g kə́ Moab dɔdə́ tə́.

NDŪ NAJƏ̄ 16:21

Ā údə kāgə̄ kógə̄ḿ tām̄ yāí tə́ kadə loo tun̄ yá̰á̰ ń ā ī-rāā tām̄ yā Kɔ́ɔ̄ɓē Nə́ɓā yāí tə́ ní alé.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

2 YÁ̰A̰ GƏ̄ 34:7

Aw̄ nujə loo tun̄ yá̰a̰ gə̄ ō, kāgə̄ ɓesə̄ kə́ yā ɓōĺ gidə kə́ túdə̄ gə̄ ō, ɓesə̄ kə́ rang gə̄ ō ní, ni tétə̄də́ rárák adə̄ ojən̄ butə̄ bét bét ō, nujə loo róō ndujə̄ yá̰á̰ kə́ kotə majə gə̄ kə́ dɔ nang kə́ Israel tə́ malang kɔ̄ɔ́ ō. Gō tə́ anī tél dɔ tə́ reē gogə́ Jerusalem.

2 YÁ̰A̰ GƏ̄ 34:3

Kem ɓāl̄ ko̰o̰ ɓē yān kə́ nge ko̰ sɔ́sɔ́ tə́, adə̄ dan ń ni i son̄g deē ɓáý ní, əla gír sāā Nə́ɓā yā kaan Dabid. Ba kem ɓāl̄ ko̰o̰ ɓē yān kə́ nge ko̰ kutə gidə i jōó tə́ anī, ni nujə loo ndɔ̄ȳ gə̄ ō, ró̰ȳ ɓesə̄ kāgə̄ kə́ túdə̄ gə̄ kɔ̄ɔ́ ō, ɓesə̄ kāgə̄ kə́ tɔ́sə̄ kə́ yā ɓōĺ gidə gə̄ ō, ɓesə̄ gində̄ kə́ nō horoó gə̄ ō ní ni nujəń kɔ̄ɔ́.

NGÉ SARYA 3:8

Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

NGÉ SARYA 8:34

Ba dɔdə́ ndígə̄nal Kɔ́ɔ̄ɓē Nə́ɓā yādə́ ń gān̄g dɔdə́ jī madə̄ ba̰ā̰də́ gə̄ ń ndin̄ gīrə̄n̄ gidədə́ əlan̄ ta naā tə́ ní kɔ̄ɔ́.

1 SAMUEL 12:9

Ba dɔ kaasí gə̄ ndígə̄nal Kɔ́ɔ̄ɓē Nə́ɓā yādə́ kɔ̄ɔ́. Adə̄ Kɔ́ɔ̄ɓē əya̰ Sisəra ń i ngol ngé rɔ̄ɔ̄ gə̄ kə́ Hasor ní ō, Pilistin gə̄ ō, mban̄g kə́ Moab ō, adə̄ rɔ̄ɔ̄n̄ kaasí gə̄ tetən̄də́.

1 SAMUEL 12:10

Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

PĀ GƏ̄ 106:7

Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.

JEREMI 23:27

Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.

NDŪ NAJƏ̄ 8:11

Ə̄ndāī kumsí gíŕ yá̰a̰ yā Kɔ́ɔ̄ɓē Nə́ɓā yāsí kə́ yā rāā gə̄ tə́ ō, jī-bēl̄ loo rāā yá̰a̰ yān gə̄ tə́ ō, ndū najə̄ yān gə̄ tə́ ō ń m-ādə̄sí ɓōólaā ní, na sōgə́ dɔsí ndígə̄nal dɔ Kɔ́ɔ̄ɓē Nə́ɓā yāsí tə́.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

NGÉ SARYA 8:33

Dan ń Jedeo̰ oy kɔ̄ɔ́ ní ngán Israel gə̄ tél ndɔ̄ȳn̄ ɓesə̄ Baal gə̄ ɓáý to̰. Nin̄ rāān̄ Baal Berit i nə́ɓā yādə́ tə́.

PĀ GƏ̄ 106:35

Tə́lan̄ rɔ̄də́ dan ngé rāā ɓesə̄ gə̄ tə́, ndóōn̄ yá̰a̰ rāādə́ gə̄.

PĀ GƏ̄ 106:36

Dan ń rāān̄ ɓesə̄ yādə́ gə̄ tītə̄ ń toō ní, əsōn̄ i kum gūmbə̄ ń əyān̄ nodə́ tə́ ní.