Biblia Todo Logo
Bib sou entènèt

- Piblisite -




NGÉ SARYA 3:10 - Bibəl ta Sar̄

10 Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

Gade chapit la Kopi

Bible sar

10 Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán *Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

Gade chapit la Kopi




NGÉ SARYA 3:10
24 Referans Kwoze  

Dan ń Saul oō najə̄ ní anī, Ndíl yā Nə́ɓā reē dɔn tə́ kə tɔ́gɔ́ adə̄ wōn̄g rāān ngá̰ý.


Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ Samso̰ aw̄ Askalon tɔ̄l̄ de kə́ kemeé gə̄ kutə mətá, ba ró̰ȳ kūbə̄ kə́ rɔ̄də́ gə̄ reēń adə̄ de gə̄ ń ədanən̄ kum səngó ní. Gō tə́ anī télaw̄ gogə́ ɓē bɔbə̄neé kə wōngōó.


Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ əhɔ ɓɔl ní rə̄yā̰n naā tə́ jōó tītə̄ loo rə̄yā̰ ngōn̄ bə̄yā̰ beé, kanjə̄ kadə̄ yá̰á̰ kógə̄ḿ i jīn tə́. Banī yá̰á̰ ń rāā ní əda bɔbə̄n nin̄ kə kó̰o̰neé gotə alé.


Ndíĺ Kɔ́ɔ̄ɓē əla gír rāā Samso̰ i Mahane Dan, dɔ dán ɓē kə́ Sora kə ɓē kə́ Esətaol tə́.


Ndíĺ Kɔ́ɔ̄ɓē reē dɔ Jepte tə́, adə̄ un gō loo kə́ dɔ nang ká Galaad tə́ ō, kə́ Manase tə́ ō, aw̄ Misəpe kə́ Galaad tə́ ba ra noó ənda dɔ nin̄ dɔ nang yā ngán Amon gə̄ gān̄g.


Banī Kɔ́ɔ̄ɓē əla ndílən rɔ̄ Jedeo̰ tə́ tītə̄ kūbə̄ kə́ kəla rɔ̄ deē tə́ beē adə̄ ni kɔ̄ŕ tōw̄ ɓāŕəń Abiejer gə̄ ō,


Ajaria ngōn̄ Oded ń Ndíĺ Nə́ɓā i dɔn tə́ ní


Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,


Najə̄ yā ngé gə̄ ń tél a rāān̄ háĺ kə́ majaĺ gogə́ ní. Nə́ɓā rāā adə̄ loo unjə̄ kow dɔdə́ tə́ nja kógə̄ḿ. Nin̄-nāān̄ nel̄ kadə̄ karī kə́ dɔ rā̰ tə́ ō, əngen̄ Ndíĺ kə́ Táĺ ō.


Ún kumií kɔ̄ɔ́ ta yá̰á̰ kə́ majaĺ gə̄ ń m̄-rāā tə́ ní. Ɔ̄l̄ yá̰á̰ kə́ gōtə́ aĺ gə̄ malang ń m̄-rāā ní kɔ̄ɔ́.


Loo ń noō tə́ Ndíĺ Kɔ́ɔ̄ɓē reē dɔ Yajiel tə́ dan ngé kán̄ naā gə̄ tə́. Yajiel i ngōn̄ Jakari kə́ ngōn̄ Benaya kə́ ngōn̄ Matania. Ni i ngōn̄ Lebi kə́ dan ngán Asap gə̄ tə́.


Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.


Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.


Kɔ́ɔ̄ɓē tél əda Moijə na: Jojue ngōn̄ Nun i de kə́ ndílə́ḿ rāā kəla kemən tə́. Ī-ɓārə́n ba ə̄ndā jīí dɔn tə́.


Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.


Kɔ́ɔ̄ɓē risə dan kil̄ man̄ tə́ ɔr̄ najə̄ kə Moijə. Ni-kēgə̄ Ndíĺ ń ndi kem Moijə tə́ ní sḛ́ý adə̄ kum kɔɔ̄ gə̄ ní. Dan nəkɔ́ ń ndíl əhɔ loo dɔdə́ tə́ bang ɓá ní a, əlan gír kɔr̄ najə̄ kə́ ngé koō ta gə̄ tə́, banī nayn̄ kə̄ loo kɔr̄ tə́ alé.


M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.


Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.


Loo ń noō tə́ ɓē tél ndi lɔm ɓāl̄ kutə sɔ́. Gō tə́ anī Otəniel ngōn̄ Kenas oy.


Ni teē tə́nī tadə́ ba ədadə́ na: Ré ī-reēī kəngeḿ tə́ i najə̄ lápə́ya tə́ ō, i najə̄ kɔsə kílə́ḿ tə́ kə̄ dɔɔ́ ō anī, m̄-ndigə̄ ngá̰ý kadə̄ m̄-ɓo rɔ̄ḿ yāsí tə́ kə ngarā̰ kemḿ mámák. Ba ré ī-reēī i gólə̄m̄ tə́ yā kəlam̄ jī madə̄ ba̰ā̰ḿ gə̄ tə́, tá m̄-rāā yá̰á̰ kógə̄ḿ kə́ majaĺ alé anī, ādə̄ Nə́ɓā yā kaají gə̄ i kə́ kum tə́ ō, rāāsí yá̰á̰ kə́ tōr̄ tām̄ majaĺ yāsí tə́ ō.


Jepte ənda dɔ nin̄ dɔ nang yā ngán Amon gə̄ gān̄g aw̄ ənīńdə́ rɔ̄ɔ̄ ō, Kɔ́ɔ̄ɓē ədadə́ kem jīn tə́ ō.


Dan ń Samso̰ reē ugə̄ ngɔr kə̄ kadə ɓē kə́ Lehi tə́ anī Pilistin gə̄ teē tə́nīn̄ tan kə kɔŕ tetə rɔ̄ɔ́. Banī Ndíĺ Kɔ́ɔ̄ɓē udə kem Samso̰ tə́, adə̄ kəla gə̄ ń tṵ́ṵ̄nəń jīn ní tél ton̄ i tītə̄ kəlā kūbə̄ lḛ́ḛ́ kə́ hor o̰o̰ beé adə̄ gángə̄n̄ i láẃ ngá̰ý.


Dan ń Saul nin̄ kə nge kəla yānneé ugə̄n̄ Gibea anī, əngen̄ ɓūtə̄ ngé koō ta gə̄ kə́ a reēn̄ kum kə̄ rɔ̄də́ tə́. Loo ń noō tə́ Ndíl yā Nə́ɓā reē dɔ Saul tə́ kə tɔ́gɔ́ adə̄ udə dandə́ tə́ ba rāā yá̰a̰ tītə̄ kə́ yá̰a̰ rāān beé.


Swiv nou:

Piblisite


Piblisite