NGÉ SARYA 3:1 - Bibəl ta Sar̄

¹ Ni-əya̰də́ adə̄ ndin̄ kem ɓēé i yā nāań ngán Israel gə̄ ń rɔ̄ɔ̄n̄ yā taāń dɔ nang kə́ Kanaan kété aĺ ɓáý ní.

Bible sar

¹ Ni-əya̰də́ adə̄ ndin̄ kem ɓēé i yā nāań ngán *Israel gə̄ ń rɔ̄ɔ̄n̄ yā taāń dɔ nang kə́ Kanaan kété aĺ ɓáý ní.

NGÉ SARYA 3:1 Referans Kwoze

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

NDŪ NAJƏ̄ 7:22

Ni a tə̄ɓādə́ sḛ́ý sḛ́ý kɔ̄ɔ́ nosí tə́. Ā ásiī tɔ̄l̄də́ malang gidə kógə̄ḿ alé, ré i beé aĺ anī dā̰ kə́ bembeé gə̄ a ojən̄ naā ngá̰ý kadə̄ a tél a rāān̄sí majaĺ.

JEREMI 6:27

M-ə̄ndāī kadə̄ ḭ̄ i nge nāā gír deē yāḿ gə̄ ō, kadə̄ ḭ̄ i tītə̄ kújə kə ngan̄g ngá̰ý ō, m-ə̄ndāī kadə̄ ḭ̄ i yá̰á̰ kə́ ngan̄g kə́ nge nāā gír deē yāḿ gə̄ ō, nge kəndā ma̰ȳ háĺdə́ ō, nge ger̄ háĺdə́ ō.

Makətūbə̄ yā Job 23:10

Tá ni ger̄ róbə́ ń m-úń ní majə. Ré ni nāām̄ anī, m-ā m̄-teē kum tə́ ō, m-ā m-ūnjə̄ njáý njáý tītə̄ lɔ́r beé ō.

NGÉ SARYA 2:10

Go tə́ anī de kə́ ɓāl̄ yān tə́ gə̄ oyn̄ ō. De gə̄ ń utə̄n̄ gīdə́ ní gerə̄n̄ Kɔ́ɔ̄ɓē aĺ ō, gerə̄n̄ kəla gə̄ ń Kɔ́ɔ̄ɓē rāā tām̄ yā ngán Israel gə̄ tə́ ní aĺ ō.

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

1 PIYER 4:12

Kó tár gə̄, yá̰á̰ kə́ tōr̄ ń rāā rɔ̄n i hor kə́ təngā ngá̰ý kə́ to dansí tə́ yā nāāsí ní, ī-lōōī kadə̄ ɔr kumsí tītə̄ kə́ i yá̰á̰ kə́ jákə́ n a rāāsí beē.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

JA̰A̰ 2:24

Ba Jeju ənī kemən adə̄də́ alé, tɔdɔ̄ ni-ger̄də́ malang majə.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

Teē Ngán Israel gə̄ 15:25

Moijə nōō kə̄ dɔ Kɔ́ɔ̄ɓē tə́ anī Kɔ́ɔ̄ɓē ɔjən kāgə̄ kə́rēý. Ni-ənī kāgə̄ ní kum man̄ tə́ anī, man̄ tél sɔl̄ to ka̰ȳ. Kɔ́ɔ̄ɓē adə̄ ngán Israel gə̄ ndū najə̄ gə̄ ō, ɔjədə́ yá̰a̰ kāgə̄ ɓē gə̄ ō, i loo ń noō tə́. Nāādə́ i loo ń noō tə́ ō.

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

NGÉ SARYA 2:23

Adə̄ Kɔ́ɔ̄ɓē əya̰ nápar de gə̄ ń ni əladə́ kem jī Jojue tə́ aĺ ní adə̄ ndin̄ kem ɓēé. Ni-tə̄ɓādə́ kɔ̄ɔ́ láẃ alé.

NGÉ SARYA 3:2

Ni-sāā i kadə̄ ngán Israel kə́ gō gogə́ gə̄ ń rɔ̄ɔ̄n̄ kété aĺ ɓáý ní ndóōnəń loo rɔ̄ɔ̄.

1 MBAN̄G GƏ̄ 9:21

Ngáńdə́ gə̄ ń nayn̄ gotədə́ tə́ kem ɓēé á ngán Israel gə̄ asən̄ tɔ̄l̄də́ malang kɔ̄ɔ́ aĺ ní, Salomo̰ ɔydə́ adə̄ rāān̄ kəla ngámbá bátə́ ɓōólaā.