NGÉ SARYA 21:7 - Bibəl ta Sar̄

⁷ Tá j-ənī ndūjí ta kum Kɔ́ɔ̄ɓē tə́ kadə̄ j-adə̄ Benjamḛ gə̄ ngánjí kə́ dəyá̰ gə̄ kadə̄ taān̄ alé ní j-a jə-rāāī i ba̰ý n j-a j-əngeīń dəyá̰ gə̄ yā kadə̄ ngé gə̄ ń na̰yn̄ ní ní?

Bible sar

⁷ Tá j-ənī ndūjí ta kum Kɔ́ɔ̄ɓē tə́ kadə̄ j-adə̄ Benjamḛ gə̄ ngánjí kə́ dəyá̰ gə̄ kadə̄ taān̄ alé ní j-a jə-rāāī i ba̰ý n j-a j-əngeīń dəyá̰ gə̄ yā kadə̄ ngé gə̄ ń na̰yn̄ ní ní?

NGÉ SARYA 21:7 Referans Kwoze

NGÉ SARYA 21:1

Dan ń de kə́ dəngam kə́ Israel tə́ gə̄ ɔsən̄ dɔdə́ naā tə́ Misəpa ní, túbən̄ njadə́ ədan̄ na deē kógə̄ḿ dandə́ tə́ a adə̄ Benjamḛ deē ngōnən kə́ dəyá̰ kadə̄ taā alé.

1 SAMUEL 14:45

Banī de gə̄ ədan̄ Saul na: Jonatan ń tetə rɔ̄ɔ̄ kə́ bo ngá̰ý ń toō adə̄ ngán Israel gə̄ ní kə oy a? Nge ń noō i yá̰á̰ kə́ majaĺ bátə́. Tītə̄ ń Kɔ́ɔ̄ɓē ndiń kə kumneé noō, nənga dɔn kógə̄ḿ gə̄gē a əsō nang tə́ alé. Tām̄ yá̰á̰ ń ni-rāā kem ndɔ̄ kə́ ɓōólaā tə́ ní nin̄ rāān̄ i naā tə́ kə Nə́ɓāá. I beé n ngán Israel gə̄ taān̄neé Jonatan ta yo tə́ ní.

NGÉ SARYA 21:18

Banī jḭḭ̄ kɔ́ gə̄ j-asiī kadə̄də́ ngáńjí kə́ dəyá̰ gə̄ kadə̄ taān̄ alé. Tɔdɔ̄ kété ní j-ənī ndūjí j-ədaī na: Ndɔ̄l i dɔ deē ń a adə̄ Benjamḛ deē ngōnən kə́ dəyá̰ kadə̄ ta ní tə́.

NGÉ SARYA 21:6

Kum Israel gə̄ o̰o̰də́ ngá̰ý tām̄ yā ngákó̰ó̰də́ kə́ Benjamḛ gə̄ tə́, adə̄ ədan̄ na: Ɔrə̄n̄ gír ɓē kógə̄ḿ kɔ̄ɔ́ ɓōólaā dan gír ɓē gə̄ kə́ Israel tə́.

NGÉ SARYA 21:8

Tā anī ədan̄ na: Dan gír ɓē gə̄ kə́ Israel tə́ ní, de kə́rēý kə́ aw̄ ta kum Kɔ́ɔ̄ɓē tə́ Misəpa aĺ i noó? Anī nin̄ a̰a̰n̄ kadə̄ de kə́ kem ɓē kə́ Yabes kə́ Galaad tə́ ní aw̄n̄ kán̄ naā alé.

NGÉ SARYA 21:22

Ré bɔbə̄də́ gə̄ aláa ngákó̰ó̰də́ gə̄ reē nōōn̄ rɔ̄də́ rɔ̄jí tə́ anī j-a j-ədadə́ na: Jə-rāāsí ɓɔ́, ī-rāāī kem majə sedə́, tɔdɔ̄ j-ənge dəyá̰ ta rɔ̄ɔ̄ kə́ Yabes tə́ adə̄ tɔ́sə̄ dɔdə́ alé. Tá dan ń i sḭḭ̄ kɔ́ gə̄ n ādīdə́ ngáńsí kə́ dəyá̰ gə̄ kə jīsí aĺ ní i náā n a əndā najə̄ dɔsí tə́ ní?