NGÉ SARYA 21:6 - Bibəl ta Sar̄

⁶ Kum Israel gə̄ o̰o̰də́ ngá̰ý tām̄ yā ngákó̰ó̰də́ kə́ Benjamḛ gə̄ tə́, adə̄ ədan̄ na: Ɔrə̄n̄ gír ɓē kógə̄ḿ kɔ̄ɔ́ ɓōólaā dan gír ɓē gə̄ kə́ Israel tə́.

Bible sar

⁶ Kum Israel gə̄ o̰o̰də́ ngá̰ý tām̄ yā ngákó̰ó̰də́ kə́ Benjamḛ gə̄ tə́, adə̄ ədan̄ na: Ɔrə̄n̄ gír ɓē kógə̄ḿ kɔ̄ɔ́ ɓōólaā dan gír ɓē gə̄ kə́ Israel tə́.

NGÉ SARYA 21:6 Referans Kwoze

NGÉ SARYA 21:15

Kum ngán Israel gə̄ o̰o̰də́ kə Benjamḛ gēé, tām̄ Kɔ́ɔ̄ɓē ɔr̄ gír ɓē kógə̄ḿ kɔ̄ɔ́ dan gír ɓē gə̄ kə́ Israel tə́ adə̄ gotə loo ra wōȳ.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

2 SAMUEL 2:26

Abner ɓāŕ Joab ədan na: J-a jə-tɔ̄lī naā kə kaskaraá i kə́ njɔ́ḿ gə̄ tə́ kanjə̄ dəba a? Ta tɔ̄l̄ ta anī rɔ̄nel̄ a gətóó ní ī-ger̄ aĺ a? I rə́ngáý tə́ n ā ə́da deē yāí gə̄ kadə̄ asədə́ ngɔ̄də̄ ngákó̰ó̰də́ gə̄ ní?

NGÉ SARYA 11:35

Dan ń Jepte a̰a̰n anī əhɔ kūbə̄ kə́ rɔ̄n nəkɔ́ tə́ rə̄yā̰ ba əda na: Aa, ngōnə̄ḿ. ī-rāām̄ ādə̄ rɔ̄ḿ óý yélélé kɔ̄ɔ́. Ḭ̄ i dan ngé reē kə yá̰á̰ kə́ to kum kaȳ aĺ dɔḿ tə́ gə̄. M-ə̄nā ndūḿ m-ādə̄ Kɔ́ɔ̄ɓē kɔ̄ɔ́ ɓá, adə̄ m-ā m̄-tūr̄ to̰ alé.

NGÉ SARYA 21:5

Gō tə́ anī ngán Israel gə̄ dəjen̄ naā dɔ dáńdə́ tə́ na: Dan gír ɓē gə̄ malang kə́ Israel tə́ ní, i nge kə́ rá n aw̄ kán̄ naā Misəpa aĺ ní? Tɔdɔ̄ na n-ənīn̄ ndūdə́ adə̄ gō ngan̄g ngá̰ý n-ədan̄ na deē ń a aw̄ kán̄ naā kə́ Misəpa tə́ aĺ ní na n-a n-tɔ̄l̄nən̄.

NGÉ SARYA 21:7

Tá j-ənī ndūjí ta kum Kɔ́ɔ̄ɓē tə́ kadə̄ j-adə̄ Benjamḛ gə̄ ngánjí kə́ dəyá̰ gə̄ kadə̄ taān̄ alé ní j-a jə-rāāī i ba̰ý n j-a j-əngeīń dəyá̰ gə̄ yā kadə̄ ngé gə̄ ń na̰yn̄ ní ní?