NGÉ SARYA 21:4 - Bibəl ta Sar̄

⁴ Teē kə ndō kə́ noō anī ḭḭn̄ dɔɔ́ kə gír looi ɓatə rāān̄ loo tun̄ yá̰a̰ loo ní tə́, ba róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō dɔ tə́.

Bible sar

⁴ Teē kə ndō kə́ noō anī ḭḭn̄ dɔɔ́ kə gír looi ɓatə rāān̄ *loo tun̄ yá̰a̰ loo ní tə́, ba róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō dɔ tə́.

NGÉ SARYA 21:4 Referans Kwoze

2 SAMUEL 24:25

Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.

HEBƏRO 13:10

Jḭḭ̄ j-awī kə loo tun̄ yá̰á̰ kə́ ngé gə̄ ń rāān̄ kəla yā Nə́ɓā kem kújə tandā yā Moijə tə́ ní asən̄ kəsa yá̰a̰ ndējə̄ kə́ tun̄ dɔ tə́ alé.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

1 MBAN̄G GƏ̄ 8:64

Ndɔ̄ ń noō tə́ mban̄g ɔr̄ kam̄ ndágə loo kə́ gīr̄ gidə kújə yā Kɔ́ɔ̄ɓē kə́ danaá ń to ta kújə yā Kɔ́ɔ̄ɓē tə́ ní, tām̄ loo tun̄ yá̰á̰ kə́ rāā kə gində̄ nə̄ngá kasaá ń ra no Kɔ́ɔ̄ɓē tə́ ní asə alé. asə kadə̄ deē ɓōkə́ yá̰a̰ ndējə̄ gə̄ dɔ tə́ alé. Adə̄ ni ndējə̄ Kɔ́ɔ̄ɓē dā̰ kə́ róō horoó ō, kōō ō, yibə̄ dā̰ kə́ tun̄ tām̄ yā kem kógə̄ḿ tə́ ō, i ndágə loo ní tə́.

2 SAMUEL 24:18

Ndɔ̄ nəkɔ́ ń noō tə́ Gad aw̄ ənge Dabid ba ədan na kə aw̄ kə rāā loo tun̄ yá̰a̰ loo ń Arona a ənda kōō yān tū tə́ ní tə́, kə adə̄ Kɔ́ɔ̄ɓē.

NGÉ SARYA 6:26

Kə rāā loo kə́ yā tunə̄ń yá̰a̰ kadə̄ Kɔ́ɔ̄ɓē Nə́ɓā yān kə gōó kadə̄ majə ta tél mbal̄ tə́ dɔɔ́ ō, kə əhɔ man̄g kə́ bəra ní kə tɔ̄l̄ ba kə róō horoó adə̄ Nə́ɓā kə kāgə̄ ɓesə̄ kə́ yā ɓōĺ gidə ń ni tə́gā ní ō.

NDŪ NAJƏ̄ 12:5

I loo ń Kɔ́ɔ̄ɓē Nə́ɓā yāsí a gə̄rā dɔ nang kə́ gír ɓē yāsí tə́ yā kəndā rīn dɔ tə́ ō, yā ndi tū tə́ ō ní ngóy n ā āwī tū tə́ yā ndɔ̄ȳn ní.

NGÉ SARYA 21:3

ba ədan̄ na: Kɔ́ɔ̄ɓē Nə́ɓā yā Israel, i tām̄ rí tə́ ɓōólaā anī gír ɓē kógə̄ḿ gətóo dan gír ɓē gə̄ kə́ Israel tə́ ní?

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.