NGÉ SARYA 20:1 - Bibəl ta Sar̄

¹ Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

Bible sar

¹ Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

NGÉ SARYA 20:1 Referans Kwoze

NGÉ SARYA 11:11

Loo ń noō tə́ Jepte aw̄ naā tə́ kə́ kum kɔɔ̄ kə́ Galaad gə̄. Adə̄ de gə̄ aw̄ əndānən̄ ngār dɔdə́ tə́ ō, ngol ngé rɔ̄ɔ̄ yādə́ gə̄ ō. Jepte téĺ tə́da najə̄ kɔrə̄n gə̄ malang ta kum Kɔ́ɔ̄ɓē tə́ Misəpa.

2 SAMUEL 3:10

Kɔ́ɔ̄ɓē túbə əda na n-a n-taā ko̰o̰ ɓē jī de gə̄ kə́ gír kojə yā Saul tə́, na n-a n-rāā kadə̄ Dabid o̰o̰ ɓē dɔ Israel tə́ ō, dɔ Juda tə́ ō, a əla gír i Dan bátə́ Beer Seba.

1 SAMUEL 10:17

Samuel ɓāŕ ngán Israel gə̄ malang adə̄ kánə̄n̄ naā rɔ̄ Kɔ́ɔ̄ɓē tə́ kem ɓē kə́ Misəpa tə́,

1 SAMUEL 3:20

I beé n de gə̄ malang kə́ dɔ nang kə́ Israel tə́ ń əla gír dɔ ɓē kə́ Dan tə́ bátə́ ugə̄ń Beer Seba ní gerə̄n̄neé kadə̄ Samuel i nge koō ta yā Kɔ́ɔ̄ɓē kə́ rɔ̄kum ní.

NGÉ SARYA 21:5

Gō tə́ anī ngán Israel gə̄ dəjen̄ naā dɔ dáńdə́ tə́ na: Dan gír ɓē gə̄ malang kə́ Israel tə́ ní, i nge kə́ rá n aw̄ kán̄ naā Misəpa aĺ ní? Tɔdɔ̄ na n-ənīn̄ ndūdə́ adə̄ gō ngan̄g ngá̰ý n-ədan̄ na deē ń a aw̄ kán̄ naā kə́ Misəpa tə́ aĺ ní na n-a n-tɔ̄l̄nən̄.

JOJUE 22:12

Dan ń ngán Israel gə̄ oōn̄ najə̄ ń noō ní kánə̄n̄ naā malang Silo yā kaw̄ rɔ̄ɔ̄ gír ɓē gə̄ kə́ dām̄ kə́ gīr ɓē tə́.

NEHEMI 8:1

Kə ndɔ̄ kə́ ta kəga dɔ yā nāā kə́ nge ko̰ sīrí anī ngán Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

2 SAMUEL 24:2

adə̄ Dabid əda Joab ń i ngol ngé rɔ̄ɔ̄ gə̄ ń ra kadən tə́ ní na kə njə̄rān̄ kə gō gír ɓē gə̄ malang kə́ Israel tə́, kə əlan̄ gír Dan bátə́ Beer Seba. Kə tə́dan̄ de gə̄ malang kadə̄ n-gerə̄ń kutədə́.

ESDRAS 3:1

Dan ń nāā kə́ nge ko̰ sīrí ugə̄ anī, ngán Israel gə̄ malang ń ndin̄ kə̄ kem ɓē yādə́ gə̄ tə́ ní, ḭḭn̄ dɔɔ́ gidə kógə̄ḿ ba reē əngen̄ naā Jerusalem.

1 YÁ̰A̰ GƏ̄ 21:2

Adə̄ Dabid əda Joab ō, ngār gə̄ kə́ dɔ ngán Israel gə̄ tə́ ō, na kə aw̄ kə tə́dan̄ kutə Israel gə̄. Kə əlan̄ gír Beer Seba bátə́ kadə̄ ugə̄n̄neé Dan, ba kə reē kə ɔjənən̄ kutədə́ kadə̄ kə n-ger̄.

2 MBAN̄G 25:23

Dan ń ngol áskar gə̄ malang kə deē yādə́ gēé oōn̄ kadə̄ mban̄g kə́ Babilon əndā Gedalia dɔ ɓē tə́ anī, reēn̄ kə de gə̄ yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael kə́ ngōn̄ Netania ō, Yohanan kə́ ngōn̄ Karea ō, Seraya kə́ ngōn̄ Tanəhumet kə́ Netopa ō, Yajania ń i de kə́ gír kojə yā Maaka tə́ ní ō.

2 SAMUEL 19:14

Ba gō tə́ anī kə dəjen̄ Amasa na ké ni i kojə yān aĺ wa. Ré ni Dabid n-əndān ngol áskar yān gə̄ tə́ kum gotə Joab aĺ anī, kadə̄ Kɔ́ɔ̄ɓē rāān yá̰á̰ kə́ tōr̄ ń toō ō, tél rāān nge kə́ tōr̄ ń toō ō.

2 SAMUEL 2:9

Ni-aw̄ əndān mban̄g dɔ de kə́ Galaad gə̄ tə́ ō, Aser gə̄ tə́ ō, Jisreel gə̄ tə́ ō, Epəraim gə̄ tə́ ō, Benjamḛ gə̄ tə́ ō, dɔ Israel gə̄ tə́ malang.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

NGÉ SARYA 20:11

I beé n ngán Israel gə̄ malang əndānəń rɔ̄də́ naā tə́ yā kaw̄ rɔ̄ɔń ɓē kə́ Gibea ní.

NGÉ SARYA 20:8

De gə̄ malang ḭḭn̄ dɔɔ́ gidə kógə̄ḿ ba ədan̄ na: De kógə̄ḿ danjí tə́ kə́ yā tél kaw̄ gogə́ kem kújə tandā yān tə́ ō, ɓēé looneé ō ní a gətóo.

NGÉ SARYA 20:2

Ngār gə̄ ō, gír ɓē gə̄ ō, malang yā ngán Israel gə̄ i kum kán̄ naā yā gír deē yā Nə́ɓā gə̄ ní tə́. Ngé njə̄rā kə njaá rɔ̄ɔń kə kaskaraá gə̄ i deē dūbūú ɓú sɔ́.

NGÉ SARYA 18:29

Túrə̄n̄ gír rī kə́ kété ń na i Lais ní kɔ̄ɔ́ ba əndān̄ rī kaadə́ Dan ń i ngōn̄ Jakob ní tá dɔ tə́.

NGÉ SARYA 10:17

Ngán Amon gə̄ kánə̄n̄ naā ba aw̄ əndān̄ gérger yādə́ dɔ nang kə́ Galaad tə́ ō, ngán Israel gə̄ kánə̄n̄ naā ba aw̄ əndān̄ yādə́ Misəpa ō.

JOJUE 17:1

De kə́ gír ɓē yā Manase tə́ gə̄ əngen̄ dɔ nang yādə́ ō. Manase i hágə Jəjep. Makir ń i go̰ rɔ̄ɔ̄ ō, ni i hágə Manase ō, bɔbə̄ Galaad ō ní, ənge dɔ nang kə́ Galaad ō, dɔ nang kə́ Basan ō, kɔ̄ɔ́ ɓá.

TƏ́DA 32:1

Yá̰a̰ kul̄ yā de gə̄ kə́ gír ɓē yā Ruben tə́ ō, kə́ gír ɓē yā Gad tə́ ō i ngá̰ý. Nin̄ a̰a̰n̄ kadə̄ dɔ nang kə́ Yajer ō, kə́ Galaad ō, majə tām̄ yā yá̰a̰ kul̄ gə̄ tə́,

JOJUE 18:26

Misəpe ō, Kepira ō, Mosa ō,

JOJUE 15:38

Dila ō, Misəpe ō, Yokəteel ō,

TƏ́DA 32:40

Tā anī Moijə adə̄də́ dɔ nang kə́ Galaad ní adə̄ ndin̄ tū tə́.

JEREMI 40:6

Jeremi aw̄ Misəpa rɔ̄ Gedalia, kə́ ngōn̄ Ahikam tə́. Ni-ndi seneé dan de gə̄ ń ndin̄ kem ɓēé ɓáý tə́ ní. Loo ń noō tə́ Kɔ́ɔ̄ɓē ɔr̄ najə̄ kə Jeremi.

JOJUE 4:13

De gə̄ kə́ ndin̄ dɔ rɔ̄də́ tə́ kɔ̄ɔ́ tām̄ yā rɔ̄ɔ̄ tə́ asən̄ dūbú kutə sɔ́ ń nuū, mānə̄n̄ no Kɔ́ɔ̄ɓē tə́ kə yá̰a̰ rɔ̄ɔ̄ gēé ba aw̄n̄ kum kə̄ ndágə loo gə̄ kə́ Jeriko tə́.

JOJUE 22:9

Adə̄ ngán Ruben gə̄ ō, ngán Gad gə̄ ō, de kə́ gír ɓē yā Manase tə́ kə́ dām̄ kə́ gír ɓē tə́ gə̄ ō, əyan gotə ngán Israel gə̄ Silo dɔ nang kə́ Kanaan tə́, ba tél aw̄n̄ gogə́ ɓēé dɔ nang kə́ Galaad tə́. Nin̄ əngen̄ dɔ nang kə́ Galaad ní i kə gō ndū Kɔ́ɔ̄ɓē ń ədań Moijə ní.

NGÉ SARYA 11:34

Dan ń Jepte a tél a aw̄ kə̄ gogə́ ɓēé Misəpa anī, ngōnən kə́ dəyá̰ teē a tə́nī tan kə kɔdɔɔ́ ō, kə ndāmāá ō. I ngōnən kə́ kal kógə̄ḿ beē, ngōnən kə́ rang kə́ dəyá̰ aláa kə́ dəngam gətóo.

1 MBAN̄G GƏ̄ 5:5

Dan ń Salomo̰ ndiń kə kumneé ní, de kə́ Juda tə́ gə̄ ō, kə́ Israel tə́ gə̄ ō, ndin̄ lápə́ya. Əla gír Beer Seba bátə́ ugə̄ń Dan ní, náā nəkɔ́ a ndi i gír kāgə̄ nduú yān nəkɔ́ tə́ ō, gír kāgə̄ kótə̄ yān nəkɔ́ tə́ ō.

NEHEMI 11:27

Hasar Sual ō Beer Seba ō, kem ngán ɓē kə́ gidə tə́ gə̄ ō,