NGÉ SARYA 2:5 - Bibəl ta Sar̄

⁵ Əndān̄ rī loo ní na i Bokim, ba tɔ̄lə̄n̄ dā̰ gə̄ tun̄ adə̄n̄ Kɔ́ɔ̄ɓē loo ní tə́.

Bible sar

⁵ Əndān̄ rī loo ní na i Bokim, ba tɔ̄lə̄n̄ dā̰ gə̄ tun̄ adə̄n̄ Kɔ́ɔ̄ɓē loo ní tə́.

NGÉ SARYA 2:5 Referans Kwoze

1 SAMUEL 7:9

Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

NGÉ SARYA 13:19

Manoa əhɔ ngōn̄ bə̄yā̰ kógə̄ḿ ō, un yá̰a̰ ndējə̄ kə́ rāā kə ndujú ō, ba aw̄ tun̄ dɔ mbal̄ tə́ adə̄ Kɔ́ɔ̄ɓē kə́ yá̰a̰ rāān majə al̄ naā ngá̰ý. Dan ń Manoa nin̄ kə nə̄yá̰neé ra a a̰a̰n̄

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.

JOJUE 7:26

Gō tə́ anī kánə̄n̄ mbal̄ gə̄ adə̄ ton̄ dɔ naā tə́ bing dɔn tə́. Mbal̄ gə̄ ń kánə̄n̄ dɔn tə́ ní ton̄ nuú bátə́ ɓōólaā. Loo ń noō tə́ wōn̄g yā Kɔ́ɔ̄ɓē tetə. I tām̄ najə̄ ń nuū tə́ n a ɓārə́n̄ wól loo ní na i Akor bátə́ ɓōólaā ní.

TA KƏLA 35:8

Debora nge kətō Rebeka, oy adə̄ dubə̄nən̄ kadə Betel tə́, gír kāgə̄ séń kógə̄ḿ tə́. Jakob əndā rī kāgə̄ ní na i kāgə̄ nōō.

NGÉ SARYA 2:1

Nge kaw̄ kəla yā Kɔ́ɔ̄ɓē ḭḭ Gilgal aw̄ Bokim. Ni-əda ngán Israel gə̄ na: m̄-teē sesí kɔ̄ɔ́ kem ɓē kə́ Ejiptə tə́ ba m-āw̄ sesí dɔ nang ń m-ə̄nī ndūḿ wáńg kadə̄ m-ādə̄ kaasí gə̄ ní tə́. M-ə́dásí na madə̄ naā ń m̄-ə́hɔ sesí ní m-ā m̄-lōō gírí aĺ ō,

NGÉ SARYA 2:4

Dan ń nge kaw̄ kəla yā Kɔ́ɔ̄ɓē əda ngán Israel gə̄ najə̄ gə̄ ń noō anī nin̄ malang nōōn̄.

NGÉ SARYA 2:6

Jojue əya̰ de gə̄ kadə̄ aw̄n̄, adə̄ ngán Israel gə̄ télən̄ kógə̄ḿ kógə̄ḿ kə̄ dɔ nang yādə́ gə̄ tə́. I beé n nin̄ taānəń loo ní.