NGÉ SARYA 2:4 - Bibəl ta Sar̄

⁴ Dan ń nge kaw̄ kəla yā Kɔ́ɔ̄ɓē əda ngán Israel gə̄ najə̄ gə̄ ń noō anī nin̄ malang nōōn̄.

Bible sar

⁴ Dan ń *nge kaw̄ kəla yā Kɔ́ɔ̄ɓē əda ngán *Israel gə̄ najə̄ gə̄ ń noō anī nin̄ malang nōōn̄.

NGÉ SARYA 2:4 Referans Kwoze

JAKƏ 4:9

Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.

2 KORḚNTƏ 7:10

Tɔdɔ̄ rɔ̄ de kə́ nelə̄n aĺ ń Nə́ɓā un rāań kəla ní, a ojə i tūr̄ háĺ kə́ a aw̄ kə deé yā kəlan ta kajə tə́ ō, deē a ndə̄ngā rɔ̄n najə̄n tə́ aĺ ō. Banī rɔ̄nel̄ aĺ ń de kə́ dɔ nang tə́ gə̄ a adə̄n̄ ní a ojə i yo.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

Najə̄ kə́ Majə yā Jeju ń Luk ndang ní 6:21

Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

Gōsə̄ najə̄ gə̄ 17:10

Ndán̄g kə́ ta kógə̄ḿ beē rāā kəla dɔ de kə́ ger̄ kum yá̰a̰ tə́ tɔȳ ndéy kə́ kənda de kə́ mbóo jī ɓú.

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

1 SAMUEL 7:6

Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

NGÉ SARYA 2:3

Adə̄ m-ə́da na m-ā m̄-tə̄ɓā de gə̄ kə́ dɔ nang ń toō tə́ nosí tə́ alé. Nin̄ a gólə̄n̄sí yā kaw̄ sesí kadə̄ ə̄sōī kum gūmbə̄ ń i rāā ɓesə̄ yādə́ gə̄ ní tə́.

NGÉ SARYA 2:5

Əndān̄ rī loo ní na i Bokim, ba tɔ̄lə̄n̄ dā̰ gə̄ tun̄ adə̄n̄ Kɔ́ɔ̄ɓē loo ní tə́.

1 SAMUEL 11:4

Ngé kaw̄ kəla gə̄ ní reē ɔtə̄n̄ Gibea ɓē yā Saul tə́ anī ənīn̄ najə̄ ní mbī de gə̄ tə́. Loo ń noō tə́ de kə́ kem ɓēé gə̄ malang əgan̄ unən̄ ndūdə́ kə̄ dɔɔ́ nōōn̄eé ō.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.