NGÉ SARYA 2:2 - Bibəl ta Sar̄

² sḭḭ̄ ā ə́hɔī madə̄ naā kə de gə̄ kə́ dɔ nang ń toō tə́ aĺ ō, ā ī-nujiī loo tun̄ yá̰a̰ yādə́ gə̄ kɔ̄ɔ́ ō. Banī sḭḭ̄ ōōī taḿ alé, ní i rī n rāāī noó?

Bible sar

² sḭḭ̄ ā ə́hɔī madə̄ naā kə de gə̄ kə́ dɔ nang ń toō tə́ aĺ ō, ā ī-nujiī *loo tun̄ yá̰a̰ yādə́ gə̄ kɔ̄ɔ́ ō. Banī sḭḭ̄ ōōī taḿ alé, ní i rī n rāāī noó?

NGÉ SARYA 2:2 Referans Kwoze

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

JEREMI 2:18

Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

NGÉ SARYA 2:20

Wōn̄g rāā Kɔ́ɔ̄ɓē kə ngán Israel gēé adə̄ əda na: Nápar de gə̄ ń toō mānə̄n̄ dɔ ndū najə̄ gə̄ ń m̄-rāań madə̄ naā sedə́ á m-ə́da kaadə́ gə̄ kadə̄ ngɔ̄mə̄n̄ ní. Nin̄ oōn̄ taḿ alé.

NDŪ NAJƏ̄ 7:16

Gír de gə̄ malang ń Kɔ́ɔ̄ɓē Nə́ɓā yāsí a əladə́ kem jīsí tə́ ní, ā ī-nujiī sedə́ kɔ̄ɔ́ malang kanjə̄ ka̰a̰ kum tō ndoō yādə́. Ā ī-ndɔ̄yī ɓesə̄ yādə́ gə̄ alé, tɔdɔ̄ ɓesə̄ yādə́ gə̄ i gūmbə̄ tām̄ yāsí tə́.

Teē Ngán Israel gə̄ 32:21

Tā anī dəje Aaro̰ na ké gír de gə̄ ń noō rāān i rí seneé áké ndɔ́r̄də́ aw̄ sedə́ kum majaĺ kə́ bo kasə naā beé tə́ wa.

TA KƏLA 4:10

Kɔ́ɔ̄ɓē tél ədan na: Ī-rāā i rí? Ndū mósə ngōkó̰ó̰í ɓār̄ dɔ nang tə́ bátə́ teē rɔ̄ḿ tə́.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

NGÉ SARYA 6:8

anī Kɔ́ɔ̄ɓē əla nge koō ta yān kógə̄ḿ adə̄ ədadə́ na: Najə̄ ń Kɔ́ɔ̄ɓē Nə́ɓā yā Israel əda ní n toó, əda na i ni n n-teē sesí kɔ̄ɔ́ kem ɓē kə́ Ejiptə ń āwī ɓəloó tū tə́ ní ō,

TA KƏLA 12:18

Anī Parao̰ ɓāŕ Abəram ədan na: Ī-rāā i rí kə́ beé seḿ? Ə́dam̄ na i nə̄yá̰í alé i tām̄ rí tə́?

JOJUE 9:7

De kə́ dəngam gə̄ kə́ Israel tə́ tél ədan̄də́ na: Majanī ī-ndiī i rɔ̄jí tə́ ngɔr, adə̄ j-a j-əhɔ madə̄ naā sesí alé.

NGÉ SARYA 6:10

N-ədasí kété na ni i Kɔ́ɔ̄ɓē Nə́ɓā yādə́ ba kə ī-lōōī ɓōĺ ɓesə̄ gə̄ yā Amor gə̄ ń ī-ndiī dɔ nang yādə́ tə́ ní. Banī sḭḭ̄ ōōī tan alé.

NGÉ SARYA 8:27

Jedeo̰ ɔy lɔ́ŕ ní rāā ɓesə̄ kógə̄ḿ tə́ ba udə kem ɓē yān tə́ Opəra. Ngán Israel gə̄ malang ndɔ̄ȳn̄ ɓesə̄ ní, adə̄ tél i gūmbə̄ tām̄ yā Jedeo̰ tə́ ō, gír kojə yān tə́ ō.