NGÉ SARYA 2:18 - Bibəl ta Sar̄

¹⁸ Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

Bible sar

¹⁸ Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

NGÉ SARYA 2:18 Referans Kwoze

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

NDŪ NAJƏ̄ 32:36

Kɔ́ɔ̄ɓē a gān̄g sarya kə́ gōtə́ yā kadə̄ deē yān gə̄ ō, kumən a o̰o̰n tām̄ yā ngé kəla yān gə̄ tə́ ō, loo ń ni a a̰a̰ kadə̄ tɔ́gə́də́ gətóo ō, yá̰á̰ kə́ yā kadə̄ əndān̄ tɔ́gə́də́ dɔ tə́ gətóo ō, yá̰á̰ kə́ yā kɔsə kíĺdə́ kə̄ dɔɔ́ gətóo ō ní.

Teē Ngán Israel gə̄ 2:24

Nə́ɓā oō nōō yādə́, anī əga kemən dɔ madə̄ naā ń ni-əhɔ kə Abəraham ō, Isaak ō, Jakob ō ní tə́.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

2 MBAN̄G 13:4

Banī Joakajə rāā Kɔ́ɔ̄ɓē ɓɔ́ kadə̄ wōn̄g yān tetə. Kɔ́ɔ̄ɓē oō ndūn, tɔdɔ̄ a̰a̰ ko̰y ń mban̄g kə́ Aram ənda Israel gə̄ tū tə́ ní,

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

TƏ́DA 10:9

Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

NGÉ SARYA 2:19

Dan ń nge sarya oy kɔ̄ɔ́ anī nin̄ tél rāān̄ yá̰á̰ kə́ majaĺ ngá̰ý tɔȳ yā kaadə́ gə̄ ɓáý. Nin̄ əhɔn̄ gō ɓesə̄ gə̄ ō, rāān̄ kəla adə̄n̄də́ ō, əsōn̄ kə̄ nang tə́ nodə́ tə́ rɔȳn̄də́ ō. Nin̄ lōōn̄ gír kəla rāādə́ gə̄ kə́ majaĺ gə̄ aĺ ō, gír dɔ ngan̄g tə́ aĺ ō.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

NGÉ SARYA 3:9

Nin̄ nōōn̄ kə̄ dɔ Kɔ́ɔ̄ɓē tə́ kadə̄ dḭḭ̄də́, anī Kɔ́ɔ̄ɓē əla kə nge kajədə́ kógə̄ḿ adə̄ ajədə́. I Otəniel ngōn̄ Kenas ń gidə Kaleb ní.

NGÉ SARYA 6:12

Nge kaw̄ kəla yā Kɔ́ɔ̄ɓē ndɔ̄w̄n ba ədan na: Go̰ rɔ̄ɔ̄, Kɔ́ɔ̄ɓē i naā tə́ seí.

NGÉ SARYA 6:16

Anī Kɔ́ɔ̄ɓē tél ədan na: Mā i seí naā tə́, i yá̰á̰ ń noō n ā ī-tetəń Madian gə̄ rɔ̄ɔ̄ tītə̄ kə́ nin̄ i de kə́ kógə̄ḿ beē ní.

NGÉ SARYA 11:32

Jepte ənda dɔ nin̄ dɔ nang yā ngán Amon gə̄ gān̄g aw̄ ənīńdə́ rɔ̄ɔ̄ ō, Kɔ́ɔ̄ɓē ədadə́ kem jīn tə́ ō.