NGÉ SARYA 2:13 - Bibəl ta Sar̄13 Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄. Gade chapit laBible sar13 Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ *Baal gə̄ kə ɓesə̄ Astarte gə̄. Gade chapit la |
Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.
Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.
Anī a télən̄ yā kədan na: I tām̄ kəya̰ kə́ ngán Israel gə̄ əya̰n̄ Kɔ́ɔ̄ɓē Nə́ɓā yā kaadə́ gə̄ ń teē sedə́ kɔ̄ɔ́ kem ɓē kə́ Ejiptə tə́ ní kɔ̄ɔ́ tə́. Kɔ́ɔ̄ɓē rāādə́ yá̰á̰ kə́ to kum kaȳ aĺ gə̄ ń noō malang i tām̄ kəsō kə́ nin̄ əsōn̄ kə̄ nang tə́ kə̄ no nə́ɓā kə́ rang gə̄ tə́ rɔȳn̄də́ ō, rāān̄ kəla adə̄n̄ nə́ɓā kə́ rang gə̄ ō tə́.