NGÉ SARYA 2:11 - Bibəl ta Sar̄

¹¹ Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

Bible sar

¹¹ Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ *Baal gə̄.

NGÉ SARYA 2:11 Referans Kwoze

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

NGÉ SARYA 6:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.

NGÉ SARYA 4:1

Dan ń Ehud oy kɔ̄ɔ́ anī ngán Israel gə̄ tél rāān̄ yá̰á̰ kə́ nel̄ Kɔ́ɔ̄ɓē aĺ ɓáý to̰

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

NGÉ SARYA 8:33

Dan ń Jedeo̰ oy kɔ̄ɔ́ ní ngán Israel gə̄ tél ndɔ̄ȳn̄ ɓesə̄ Baal gə̄ ɓáý to̰. Nin̄ rāān̄ Baal Berit i nə́ɓā yādə́ tə́.

1 MBAN̄G GƏ̄ 18:18

Eli tél ədan na: I mā n i nge reē kə yá̰á̰ kə́ majaĺ dɔ ɓē kə́ Israel tə́ ní alé, i sḭḭ̄ kə ngééí gēé! Tɔdɔ̄ ī-rāāī gō míndə́ ń Kɔ́ɔ̄ɓē ədasí kadə̄ ī-rāāī ní alé, ba ī-ndɔ̄yī ɓesə̄ Baal gə̄.

NGÉ SARYA 13:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Pilistin gə̄ tə́ ɓāl̄ kutə sɔ́.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.

ESDRAS 8:12

Yohanan kə́ ngōn̄ Hasatan i de kə́ gír kaa yā Ajəgad tə́. De kə́ gōn tə́ gə̄ i deē 110.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 YÁ̰A̰ GƏ̄ 28:2

ndájə̄ i hál mban̄g kə́ Israel tə́ gə̄. Aw̄ bátə́ udə ɓesə̄ tām̄ yā Baal gə̄ tə́.

1 SAMUEL 7:4

Adə̄ ngán Israel gə̄ ró̰ȳn̄ ɓesə̄ Baal gə̄, kə ɓesə̄ Astarte gə̄ kə́ dɔ dáńdə́ tə́ kɔ̄ɔ́ ba rāān̄ i kəla yā Kɔ́ɔ̄ɓē ngóy.

NGÉ SARYA 10:10

Loo ń noō tə́ nōōn̄ kə̄ dɔ Kɔ́ɔ̄ɓē tə́, ədanən̄ na: Jə-rāā majaĺ seí, tɔdɔ̄ j-əya̰ī ḭ̄ Nə́ɓā yājí kɔ̄ɔ́ ba jə-rāā kəla j-adə̄ ɓesə̄ Baal gə̄.

NGÉ SARYA 3:12

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē aĺ ɓáý to̰. Adə̄ Kɔ́ɔ̄ɓē sə̄lā Egəlon mban̄g kə́ Moab dɔdə́ tə́.

TA KƏLA 38:7

Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NGÉ SARYA 6:25

Ndɔ̄ɔ́ ndɔ̄ nəkɔ́ ń noō tə́ Kɔ́ɔ̄ɓē əda Jedeo̰ na kə əhɔ man̄g kə́ bəra kə́ nge ko̰ jōó yā bɔbə̄n ń ɓālə̄n i sīrí ní ō, kə nujə loo ń bɔbə̄n a tun̄ yá̰a̰ tū tə́ adə̄ ɓesə̄ Baal ní ō, kə tə́gā kāgə̄ ɓesə̄ kə́ yā ɓōĺ gidə ń i kə́ kudə kadə loo tun̄ yá̰á̰ tə́ ní kɔ̄ɔ́ ō.

1 MBAN̄G GƏ̄ 22:53

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ni ndájə̄ kəla rāā bɔbə̄n ō kó̰o̰n ō, kəla rāā Jeroboam ngōn̄ Nebat ń sə̄lā ngán Israel gə̄ adə̄ rāān̄ yá̰á̰ kə́ majaĺ ní ō.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

PĀ GƏ̄ 78:56

Nin̄ dumə̄n̄ naā, nāān̄ Nə́ɓā kə́ dɔɔ́ sa̰y ngá̰ý, mbātə́n̄ ngɔ̄m̄ ndū najə̄ yān gə̄.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.

TƏ́DA 25:3

Ngán Israel gə̄ əlan̄ dɔdə́ gír ɓesə̄ Baal kə́ Peor tə́, adə̄ wōn̄g rāā Kɔ́ɔ̄ɓē sedə́ ngá̰ý.

NDŪ NAJƏ̄ 4:25

Loo ń ré ójiī ngán gə̄ ō, ngáńsí gə̄ ojən̄ ngán kaasí gə̄ ō, adə̄ ī-ndiī dɔ nang ń Kɔ́ɔ̄ɓē ənī míndən yā kadə̄sí tə́ ní dan i ngá̰ý anī, ī-lōōī rāā ɓesə̄ kəsōń kum majaĺ tə́ ō, tɔ́sə̄ yá̰á̰ kógə̄ḿ rāā kum gotə yá̰á̰ kə́rēý tə́ ō. Ī-lōōī rāā yá̰á̰ kə́ majaĺ ta kum Kɔ́ɔ̄ɓē Nə́ɓā yāsí tə́ kadə̄ adə̄n wōn̄g.

1 SAMUEL 7:3

Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

1 SAMUEL 12:10

Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

1 MBAN̄G GƏ̄ 11:5

Salomo̰ rāā ɓesə̄ Astarte ń i ɓesə̄ kə́ dəyá̰ yā Sidon gə̄ ní ō, rāā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní ō.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.