NGÉ SARYA 19:9 - Bibəl ta Sar̄

⁹ Dan ń dəngam ní sāā kɔr̄ dɔɔ́ kə də̄yá̰ gidə ndogə̄ yān ō, nge kəla yān ō anī, bɔbə̄ dəyá̰ ədan na: Loo a sɔl̄ i mbéé ní ī-ɓīī ɗer, ba dəloí anī ā ɔ̄rī dɔɔ́ yā kadə̄ ā ūgə̄ ɓēé.

Bible sar

⁹ Dan ń dəngam ní sāā kɔr̄ dɔɔ́ kə də̄yá̰ gidə ndogə̄ yān ō, nge kəla yān ō anī, bɔbə̄ dəyá̰ ədan na: Loo a sɔl̄ i mbéé ní ī-ɓīī ɗer, ba dəloí anī ā ɔ̄rī dɔɔ́ yā kadə̄ ā ūgə̄ ɓēé.

NGÉ SARYA 19:9 Referans Kwoze

Najə̄ kə́ Majə yā Jeju ń Luk ndang ní 24:29

Ba nin̄-əhɔnən̄ mbā ədanən̄ na kə ndi sedə́ tɔdɔ̄ loo sɔl̄ kɔ̄ɔ́ ō, mbang na a aw̄ i kə̄ kuduú ō. Adə̄ ni udə aw̄ ndi sedə́.

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

NGÉ SARYA 19:6

Loo ń noō tə́ nin̄ jōó mbak tél ndin̄ nang tə́ ba əsan̄ yá̰a̰ ō a̰ȳn̄ ō. Gō tə́ anī bɔbə̄ dəyá̰ əda umən na: m̄-sāā kadə̄ ī-ɓīī laā ɓáý kadə̄ rɔ̄í nelē ní. m̄-rāāī ɓɔ́ ba ī-ndigə gōḿ tə́.

NGÉ SARYA 19:8

Teē kə ndɔ̄ kə́ nge ko̰ mí anī, ni-ḭḭ dɔɔ́ kə gír looí ɓatə yā kaw̄. Anī bɔbə̄ dəyá̰ ní ədan na: m̄-rāāī ɓɔ́, ə́sá yá̰á̰ pá tá āw̄. Ba ī-ngóōī ādə̄ loo sɔl̄ pá tá. Loo ń noō tə́ nin̄ əsan̄ yá̰a̰ naā tə́ mbak.

NGÉ SARYA 19:10

Dəngam ní ndigə ɓīī alé, adə̄ ɔr̄ dɔɔ́ kə də̄yá̰ gidə ndogə̄ yān ō, kərō yān kə́ jōó gə̄ ń yá̰a̰ kətō i gidədə́ tə́ ní ō. Aw̄ əndān̄ dɔ ɓē kə́ Yebus ń i Jerusalem ní.

RUTƏ 3:7

Boj əsa yá̰a̰ ō, a̰ȳ yá̰a̰ ō, adə̄ rɔ̄n nelə̄n. Gō tə́ anī aw̄ to ta kōō yān kə́ kán̄ dɔ naā tə́ tə́. Rutə aw̄ rɔ̄n tə́ jəke, un kūbə̄ kə́ dɔ njan tə́ kə̄ gogə́ ba to nang tə́.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.