NGÉ SARYA 19:6 - Bibəl ta Sar̄

⁶ Loo ń noō tə́ nin̄ jōó mbak tél ndin̄ nang tə́ ba əsan̄ yá̰a̰ ō a̰ȳn̄ ō. Gō tə́ anī bɔbə̄ dəyá̰ əda umən na: m̄-sāā kadə̄ ī-ɓīī laā ɓáý kadə̄ rɔ̄í nelē ní. m̄-rāāī ɓɔ́ ba ī-ndigə gōḿ tə́.

Bible sar

⁶ Loo ń noō tə́ nin̄ jōó mbak tél ndin̄ nang tə́ ba əsan̄ yá̰a̰ ō a̰ȳn̄ ō. Gō tə́ anī bɔbə̄ dəyá̰ əda umən na: m̄-sāā kadə̄ ī-ɓīī laā ɓáý kadə̄ rɔ̄í nelē ní. m̄-rāāī ɓɔ́ ba ī-ndigə gōḿ tə́.

NGÉ SARYA 19:6 Referans Kwoze

NGÉ SARYA 19:9

Dan ń dəngam ní sāā kɔr̄ dɔɔ́ kə də̄yá̰ gidə ndogə̄ yān ō, nge kəla yān ō anī, bɔbə̄ dəyá̰ ədan na: Loo a sɔl̄ i mbéé ní ī-ɓīī ɗer, ba dəloí anī ā ɔ̄rī dɔɔ́ yā kadə̄ ā ūgə̄ ɓēé.

NGÉ SARYA 16:25

Dan ń rɔ̄ de gə̄ nel̄də́ tā ní dəjen̄ kadə̄ Samso̰ kə reē kə rāā yá̰á̰ kə́ to kəgō gə̄ nodə́ tə́ kadə̄ kə n-əgōnəń naā. Loo ń noō tə́ aw̄n̄ gō Samso̰ tə́ kújə dəngáyá reēn̄ seneé. Ni-rāā yá̰á̰ kə́ to kəgō gə̄ nodə́ tə́ adə̄ əgōnəń naā. Ba gō tə́ anī aw̄ əndānən̄ dɔ dán bir̄ nja kújə gə̄ tə́ adə̄ ndi.

RUTƏ 3:7

Boj əsa yá̰a̰ ō, a̰ȳ yá̰a̰ ō, adə̄ rɔ̄n nelə̄n. Gō tə́ anī aw̄ to ta kōō yān kə́ kán̄ dɔ naā tə́ tə́. Rutə aw̄ rɔ̄n tə́ jəke, un kūbə̄ kə́ dɔ njan tə́ kə̄ gogə́ ba to nang tə́.

ESTER 1:10

Kə ndɔ̄ kə́ nge ko̰ sīrí anī mban̄g a̰ȳ kasə adə̄ rɔ̄n nelə̄n. Ta anī ni-əda Mehuman ō, Bijta ō, Harbona ō, Bigta ō, Abagta ō Jetar ō, Karkas ō ń nin̄ i áji mbang yān kə́ sīrí gə̄ ní,

JEJU TEĒ KUM JA̰A̰ 11:13

Kum mbang ngeé ń noō tə́ ní, dɔ nang ndew ngá̰ý. Adə̄ ré gángə̄n̄ ɓē naā tə́ gír loo kutə anī, gírən kə́ kógə̄ḿ tétə̄ nang tə́ kɔ̄ɔ́ malang. Adə̄ de gə̄ dūbú sīrí oyn̄ dan ń dɔ nang ndewń tə́ ní. Gotə de gə̄ ń na̰yn̄ ní ɓōĺ rāādə́, adə̄ ɔsən̄ gɔn Nə́ɓā kə́ dɔ rā̰ tə́.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

NGÉ SARYA 19:7

Dəngam ní sāā kaw̄ tā, ba dan ń umən na̰y kə̄ loo dəjen tə́ kadə̄ kə ɓīī na i mbé gáŕ tā ní, tél lōō mbā ní ba to kə̄ noó.

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

1 MBAN̄G GƏ̄ 21:7

Nə̄yá̰n Jesabel tél ədan na: I ḭ̄ n i nge ko̰o̰ ɓē dɔ Israel gə̄ tə́ ní aĺ a! Ḭ́ḭ dɔɔ́ ə́sa yá̰a̰, ādə̄ rɔ̄í nelī. I mā n m-ā m-ādī ndɔr̄ kāgə̄ nduú yā Nabot kə́ Jisreel ní.