NGÉ SARYA 19:3 - Bibəl ta Sar̄

³ Dəngam ní əsō róbó yā kaw̄ gō nə̄yá̰n ní tə́ kəsōn naā tə́ ba tél reē seneé gogə́ ɓēé. Nge kəla yān kógə̄ḿ dānə̄n ō, aw̄ kə kərō gə̄ jōó ō. Də̄yá̰ gidə ndogə̄ ní adə̄ ngaan udə kem ndogó yā bɔbə̄neé. Dan ń bɔbə̄ dəyá̰ a̰a̰ umən ní anī tə́nī tan kə rɔ̄nelēé.

Bible sar

³ Dəngam ní əsō róbó yā kaw̄ gō nə̄yá̰n ní tə́ kəsōn naā tə́ ba tél reē seneé gogə́ ɓēé. Nge kəla yān kógə̄ḿ dānə̄n ō, aw̄ kə kərō gə̄ jōó ō. Də̄yá̰ gidə ndogə̄ ní adə̄ ngaan udə kem ndogó yā bɔbə̄neé. Dan ń bɔbə̄ dəyá̰ a̰a̰ umən ní anī tə́nī tan kə rɔ̄nelēé.

NGÉ SARYA 19:3 Referans Kwoze

TA KƏLA 50:21

Ní, kə lōōn̄ ɓōĺ na n-a n-a̰a̰ gōdə́ ō, n-ā n-a̰a̰ gō ngáńdə́ gə̄ ō. Ni-sɔl̄ kemdə́ i kə najə̄ gə̄ ń noō.

TA KƏLA 34:3

banī kemən tá na̰y dɔn tə́. Sisem tár Dina ō, sāā kadə̄ kem Dina ndigən ō,

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

JA̰A̰ 8:11

Dəyá̰ ní tél ədan na: Kɔ́ɔ̄ɓē, deē gətóo. Anī Jeju ədan na: Mā m̄-gān̄g sarya dɔí tə́ aĺ ō, āw̄, ba ī-rāā yá̰á̰ kə́ majaĺ to̰ alé.

MATIYE 1:19

Ngaan Jəjep ń i dəngam kə́ súmūú ní, ndigə ndaan dan de gə̄ tə́ alé. Adə̄ gír̄ kəya̰n kɔ̄ɔ́ jəke.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

NGÉ SARYA 15:1

Gō tə́ sḛ́ý anī Samso̰ aw̄ go̰ō̰ nə̄yá̰n tə́. I dan yā sāā kōō gémē gə̄ tə́. Ni-əhɔ ngōn̄ bə̄yā̰ jīn tə́ yā kaw̄ń kadə̄ nə̄yá̰n. Sāā kudə kújú gō nə̄yá̰n tə́ anī umən kə́ dəngam ɔgə̄n

TƏ́DA 22:22

Ba dan ń Nə́ɓā a̰a̰n loo kaw̄ tə́ anī, wōn̄g rāān adə̄ nge kaw̄ kəla yā Kɔ́ɔ̄ɓē aw̄ ra kum róbó non tə́ yā kɔgə̄n mān̄. Balam ndi gidə kó̰o̰ kərō yān tə́ ō, ngé kəla yān kə́ jōó gə̄ a dānə̄nən̄ ō.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

NGÉ SARYA 19:2

Də̄yá̰ gidə ndogə̄ ní rāā rāȳ adə̄ əya̰n ba aw̄ ndi ɓē bɔbə̄neé Betlehem na sɔ́.

NGÉ SARYA 19:4

Əhɔn mbā adə̄ ndi looneé ndɔ̄ mətá. Nin̄ kə nge kəla yānneé əsan̄ yá̰a̰ ō, a̰ȳn̄ ō, ton̄ kə̄ noó ɓīīnəń ō.

NGÉ SARYA 19:26

Dan ń mbang rāā yā kəɓa anī, dəyá̰ ní reē əsō ta kújə yā dəngam ń ngaan to kújə yān tə́ ní. Ni to kə̄ ta kújə́ tə́ noō adə̄ loo tīī unjə̄ dɔn tə́.

OJEE 2:16

I tām̄ najə̄ ń noō tə́ n m-ā m̄-ndɔ́rə̄n kə̄ rɔ̄ḿ tə́ ní. M-ā m-ɔ́rən ta róbə yā kaw̄ seneé dəla loo tə́ ō, ni a tél yā kadə̄m̄ kemən gogə́ ō.