NGÉ SARYA 19:12 - Bibəl ta Sar̄

¹² Ba kɔ́ɔ̄n tél əda na: J-a jə-dəbaī ɓē yā tə̄rā gə̄ ń noó tə́ alé, tɔdɔ̄ nin̄ i ngán Israel gə̄ alé, j-awī Gibea.

Bible sar

¹² Ba kɔ́ɔ̄n tél əda na: J-a jə-dəbaī ɓē yā tə̄rā gə̄ ń noó tə́ alé, tɔdɔ̄ nin̄ i ngán *Israel gə̄ alé, j-awī Gibea.

NGÉ SARYA 19:12 Referans Kwoze

NGÉ SARYA 19:11

Dan ń ugə̄n̄ kə̄ gidə ɓēé ngɔr anī, loo sɔl̄ ngá̰ý kɔ̄ɔ́ Nge kəla ní əda kɔ́ɔ̄n na: Ādə̄ j-dəbaī ɓē yā Yebus gə̄ ń ra noó tə́ ba jə-ɓīī.

NGÉ SARYA 19:13

Gō tə́ anī əda nge kəla yān na: J-awī Gibea aláa Rama. Ɓē kə́ jōó gə̄ ń noō j-aw̄ ɓīī kem nge kə kógə̄ḿ tə́.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

JOJUE 18:25

Ɓē kə́ rang gə̄ i Gabaon ō, Rama ō, Beerot ō,

JOJUE 18:28

Sela ō, Elep ō, ɓē yā Yebus gə̄ ń i Jerusalem ní ō, Gibea ō, Kiryat ō, adə̄ ɓē malang i kutə gidə i sɔ́, naā tə́ kə ngán ɓē gə̄ ń ndin̄ kə gō gidií ní. Dɔ nang ń ngán Benjamḛ gə̄ əngen̄ kə gír kaadə́ gēé ní n noó.

1 SAMUEL 10:26

Saul tél aw̄ gogə́ ɓēé Gibea ō. Ba de kə́ wur kil gə̄ ń Nə́ɓā ɔr̄ najə̄ sedə́ kemdə́ tə́ ní aw̄n̄ seneé.

1 SAMUEL 13:2

Ni-gə̄rā de gə̄ dūbú mətá dan Israel gə̄ tə́ kadə̄ nin̄ i ngé rɔ̄ɔ̄ yān gə̄. Kə́ dūbú jōó gə̄ ndin̄ seneé Mikəmas ō, gō nang kə́ mbalá kə́ Betel tə́ ō. Ba kə́ dūbú kógə̄ḿ gə̄ ndin̄ i kə ngōnən Jonatan kem ɓē kə́ Gibea yā Benjamḛ tə́. Saul əya̰ gotə ngán Israel gə̄ adə̄ tél aw̄n̄ ɓēé.

IJAI 10:29

Nin̄-əndan̄ dūn̄ róbə́ kə́ dūú ngá̰ý gāngə̄n̄ ba ədan̄ na: Jə-ɓīī Geba. Ɓōĺ rāā de kə́ Rama gə̄ adə̄ ndewn̄. Gibea ń i ɓē yā Saul ní, de kə́ kemeé gə̄ a a̰ȳn̄ i naā.

OJEE 5:8

Kɔ́ɔ̄ɓē əda na: Ī-kɔ̄ríī tōw̄ gajə batə̄ kem ɓē kə́ Gibea tə́, ī-kɔ̄ríī bərúnjə kem ɓē kə́ Rama tə́! Ī-tāāī de kə́ Bet Aben gə̄. Sḭḭ̄ de kə́ gír ɓē yā Benjamḛ tə́ gə̄, madə̄ ba̰ā̰ a rə̄ngō rɔ̄n i gidəsí tə́ n a ənīńsí rɔ̄ɔ̄ ní.