NGÉ SARYA 19:1 - Bibəl ta Sar̄

¹ Dan ngeé ń noō tə́ ní mban̄g gətóo dɔ nang kə́ Israel tə́. Ngōn̄ Lebi kógə̄ḿ kə́ ndi i ta ngóy dɔ nang kə́ mbalá yā Epəraim tə́ taā də̄yá̰ gidə ndogə̄ kem ɓē kə́ Betlehem tə́, dɔ nang kə́ Juda tə́.

Bible sar

¹ Dan ngeé ń noō tə́ ní mban̄g gətóo dɔ nang kə́ Israel tə́. Ngōn̄ Lebi kógə̄ḿ kə́ ndi i ta ngóy dɔ nang kə́ mbalá yā *Epəraim tə́ taā də̄yá̰ gidə ndogə̄ kem ɓē kə́ Betlehem tə́, dɔ nang kə́ *Juda tə́.

NGÉ SARYA 19:1 Referans Kwoze

NGÉ SARYA 18:1

Dan ń noō tə́ ní mban̄g gətóo dɔ nang kə́ Israel tə́ ō, de kə́ gír ɓē yā Dan tə́ gə̄ a sāān̄ i loo kə́ yā ndiń ō, tām̄ nin̄ əngen̄ dɔ nang tītə̄ yā gotə gír ɓē kə́ rang gə̄ yā ngán Israel gə̄ aĺ ɓáý.

NGÉ SARYA 17:8

Ni-əya̰ ɓē kə́ Betlehem kə́ Juda ba aw̄ a sāā loo kə́ rang yā namə̄ń. Ni-aw̄ bátə́ teē ɓē yā Mika tə́, gō nang kə́ mbalá yā Epəraim tə́.

MATIYE 2:6

Ḭ̄ Betlehem, ɓē kə́ gō nang yā Juda tə́, i ḭ̄ n i ngōn̄ ɓē kə́ dūú ngá̰ý tɔȳ gotə ɓē gə̄ kə́ gō nang yā Juda tə́ ní alé, tɔdɔ̄ ngār kə́ nge kul̄ Israel gə̄ ń i gír deē yāḿ gə̄ ní a teē i kemií ḭ̄ tə́.

MALASI 2:15

Kɔ́ɔ̄ɓē rāāsí adə̄ ī-téliī de kə́ kógə̄ḿ beē kə dəyá̰ ní aĺ a? I rɔ̄ kə́ kógə̄ḿ beē, kə́ i koō kə́ kógə̄ḿ beē kə́ nge rāā deē kadə̄ ndi kə́ kumneé n i kemeé ní aĺ a? Ba yá̰á̰ ń de kə́ kal kógə̄ḿ beē ngeé ń toō ndigə ní i rí? I ngán gə̄ ń Nə́ɓā a adə̄ ní n ni ndigə kənge ní wa ḿ? Á̰a̰ī rɔ̄sí sḭḭ̄ kɔ́ gə̄ majə! Dəyá̰ ń sḭḭ̄ ī-gə̄rāī dan balsáásí tə́ ní, ī-lōōī gólən!

NGÉ SARYA 21:25

Dan ngeé ń noō tə́ ní mban̄g gətóo dɔ nang kə́ Israel tə́, adə̄ náā nəkɔ́ a rāā i yá̰á̰ ń kemən gḛy ní.

NGÉ SARYA 17:6

Dan ń ngeé ń noō tə́ ní mban̄g gətóo dɔ nang kə́ Israel tə́, adə̄ náā nəkɔ́ a rāā i yá̰á̰ ń kemən gḛy ní.

JOJUE 24:33

Eleajar ngōn̄ Aaro̰ oy ō. Dubə̄nən̄ i dɔ ngōn̄ mbal̄ ń adə̄n̄ ngōnən Pinas ní tə́ gō nang kə́ mbalá yā Epəraim tə́.

JOJUE 24:30

Dubə̄nən̄ i dɔ nang ń adə̄nən̄ tə́ ní kem ɓē kə́ Timnat Sera tə́, gō nang ké mbalá yā Epəraim tə́. Ré deē ra mbal̄ ń rīn na i mbal̄ Gaas ní tə́ anī, loo ń dubə̄nən̄ tū tə́ ní i kə̄ dām̄ mbɔ́r ɓē kə́ ko̰ó̰ tə́.

DANIEL 5:3

Adə̄ reēn̄ kə ngáń gájə́ yá̰a̰ rāā kəla gə̄ kə́ rāān̄ kə lɔ́rɔ́ ń ɔyn̄ kem kújə yā Kɔ́ɔ̄ɓē tə́ adə̄ i kem kújə yā Nə́ɓā tə́ Jerusalem ní, adə̄ mban̄g a̰ȳń yá̰a̰ kə mbā yān gēé.

ESTER 2:14

A aw̄ rɔ̄ mban̄g tə́ i loo tíbí, ba teē dəloí anī a aw̄n̄ seneé kem kújə kə́ nge ko̰ jōó yā dəyá̰ gə̄ tə́. Sasgas kə́ áji mbang kə́ nge ngɔ̄m̄ dəyá̰ gə̄ yā mban̄g n əndanən̄ dɔn tə́ kadə̄ aw̄ seneé ní. Ni a tél yā kaw̄ gogə́ rɔ̄ mban̄g tə́ to̰ alé. Ba ré i mban̄g n gḛyn ō ɓārə́n kə rīneé ō tá.

2 YÁ̰A̰ GƏ̄ 11:21

Roboam gḛy Maaka kə́ ngōn̄ Absalom tɔȳ gotə nə̄yá̰n gə̄ malang ō, tɔȳ kə́ dəyá̰ gidə ndogə̄ gə̄ malang ō. Tām̄ nə̄yá̰n gə̄ i kutə gidə i sɔ́sɔ́ ō, dəyá̰ gidə ndogə̄ gə̄ i kutə mehḛ́ ō. Ngánən kə́ dəngam gə̄ i kutə jōó gidə i sɔ́sɔ́, ba ngánən kə́ dəyá̰ gə̄ i kutə mehḛ́.

1 MBAN̄G GƏ̄ 11:3

Nə̄yá̰n gə̄ ní kə́ kó ɓē gə̄ i ɓú sīrí ō, də̄yá̰ gidə ndogə̄ yān gə̄ i ɓú mətá ō. Dəyá̰ gə̄ ń noō malang tūrə̄n̄ dɔn kɔ̄ɔ́.

2 SAMUEL 20:3

Dabid tél aw̄ gogə́ kem kújə yān kə́ Jerusalem tə́. Ni ɓōkə́ də̄yá̰ gidə ndogə̄ yān kə́ kutə gə̄ ń əya̰də́ kadə̄ ngɔ̄mə̄n̄ kem kújə yān ní kem kújə́ kə́rēý tə́, ba əndā ngé ngɔ̄m̄ loo gə̄ tadə́ tə́ adə̄ ngɔ̄mə̄n̄də́ majə. Ni-a̰a̰ gōdə́ majə banī aw̄ rɔ̄də́ to̰ alé. Utə̄n̄ tadə́ kújú bátə́ ndɔ̄ yodə́ tə́. Nin̄ ndin̄ i tītə̄ dəyá̰ kə́ ngaa koy gə̄ beé.

2 SAMUEL 19:5

Mban̄g seĺ kūbə̄ ta kumən tə́ kɔ̄ɔ́. Ni un ndūn kə̄ dɔɔ́ nōoń kə najá tan tə́, əda na: Ngōnə̄ḿ Absalom, Absalom, ngōnə̄ḿ, ngōnə̄ḿ!

2 SAMUEL 16:22

Adə̄ rāān̄ kújə tandā dɔ kújə́ dúŕ dur yā mban̄g tə́ dɔɔ́ adə̄ Absalom sāań də̄yá̰ gidə ndogə̄ yā bɔbə̄n gə̄ ta kum ngán Israel gə̄ tə́ malang.

2 SAMUEL 5:13

Dan ń Dabid əya̰ ɓē kə́ Hebron kɔ̄ɔ́ ba aw̄ ndi Jerusalem ní, ni-taā dəyá̰ kə́ rang gə̄ ɓáý to̰ ō, ɔy də̄yá̰ gidə ndogə̄ gə̄ ō. Dəyá̰ gə̄ ní ojən̄ ngán kə́ dəngam kə́ rang gə̄ ō, ngán kə́ dəyá̰ kə́ rang gə̄ ō adə̄nən̄.

2 SAMUEL 3:7

Kété Saul aw̄ kə də̄yá̰ gidə ndogə̄ kógə̄ḿ, kə́ rīn na i Risəpa, i ngōn̄ Aya. Ndɔ̄ kə́rēý tə́ anī Isəboset ɔr̄ najə̄ yā dəyá̰ ní kə Abner, əda na: Ī-ɓīī kə də̄yá̰ gidə ndogə̄ yā bɔbə́ḿ i tām̄ rí tə́?

NGÉ SARYA 17:1

De kógə̄ḿ ndi gō nang kə́ mbalá yā Epəraim tə́, rīn na i Mika.

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.

TA KƏLA 25:6

Dan ń ni-ndi kə kumneé ɓáý ní, adə̄ ngán də̄yá̰ gidə ndogə̄ yān gə̄ kadə̄ karī gə̄ pá tá kadə̄ əla sedə́ sa̰y kɔ̄ɔ́ rɔ̄ ngōnə̄n Isaak tə́ dɔ nang kə́ gír ɓē tə́ tə́.

TA KƏLA 22:24

Də̄yá̰ gidə ndogə̄ yān kə́ nge ko̰ jōó ń rīn na i Reuma ní ojə Teba ō, Gaham ō, Tahas ō, Maaka ō.

NGÉ SARYA 17:7

Balsáá kógə̄ḿ ndi Betlehem kə́ Juda tə́, ni i ngōn̄ Lebi ba nam̄ i kə ɓē kə́ Betlehem ń i ɓē yā gír kaa kógə̄ḿ kə́ Juda ní.

NGÉ SARYA 19:2

Də̄yá̰ gidə ndogə̄ ní rāā rāȳ adə̄ əya̰n ba aw̄ ndi ɓē bɔbə̄neé Betlehem na sɔ́.

NGÉ SARYA 19:16

Anī de kə́ dəngam kógə̄ḿ kə́ tɔgə ɓə́ga tél ndɔrɔ́ loo tíbí a aw̄ kə̄ ɓēé. Deē ní i de kə́ gō nang kə́ mbalá yā Epəraim tə́, ba ndi i Gibea ń i ɓē kə́ de kə́ kemeé gə̄ i Benjamḛ gə̄ ní.

NGÉ SARYA 3:27

Dan ń ugə̄ loo ní tə́ anī, kɔ̄ŕ tōw̄ dɔ mbal̄ yā Epəraim tə́ ɓāŕəń ngán Israel gə̄. Gō tə́ anī risən̄ kɔ̄ɔ́ dɔ mbalá, nəkɔ́ i kété no ngán Israel gə̄ tə́.

NGÉ SARYA 12:8

Nge kɔr no Israel gə̄ kə́ gotə Jepte tə́ i Ibəsan. Ni i de kə́ Betlehem.

NGÉ SARYA 18:13

Nin̄ ḭḭn̄ loo ní tə́ aw̄ ugə̄n̄ ɓē Mika, gō nang kə́ mbalá yā Epəraim tə́. Anī de kə́ mí gə̄ ń aw̄ əndān̄ ma̰ȳ dɔ nang kə́ Lais kété ní ədan̄ madə̄də́ gə̄ na: Ɓesə̄ Epod ō, Terapim gə̄ ō, ɓesə̄ kə́ tɔ́l ō, ɓesə̄ yá̰á̰ kə́ rang kə́ no horoó ō, ton̄ kem kújə́ kógə̄ḿ kə́ dan madə̄ gə̄ ń noō tə́ ní ī-gerī a? Ngɔlaā ní majə kadə̄ ī-gerī yá̰á̰ ń sɔɔ̄ kadə̄ ī-rāāī ní.

1 MBAN̄G GƏ̄ 4:8

Ngé ko̰o̰ ɓē gə̄ ní n toó: Ngōn̄ Hur i nge ko̰o̰ ɓē kə́ gō nang kə́ mbalá yā Epəraim tə́.