NGÉ SARYA 18:7 - Bibəl ta Sar̄

⁷ De kə́ mí gə̄ ní ɔrə̄n̄ dɔɔ́, aw̄n̄ bátə́ ugə̄n̄ kem ɓē kə́ Lais tə́. Nin̄ a̰a̰n̄ kadə̄ de kə́ Lais gə̄ i de gə̄ kə́ ndin̄ kanjə̄ sōl̄ yá̰á̰ kógə̄ḿ ō, háĺdə́ sɔl̄ lɔ́ḿ lɔ́ḿ ō, ənīn̄ kemdə́ báŕ báŕ ndinə̄ń ō, tītə̄ yā de kə́ Sidon gə̄. Tá ɓáý to̰ ní mban̄g gətóo kem ɓē ní tə́ ō, de kə́ yā ko̰o̰ ɓē dɔdə́ tə́ gətóo ō. Nin̄ ndin̄ ɓē i sa̰y rɔ̄ Sidon gə̄ tə́ ō, ndin̄ i kə ta kūl̄ deē kógə̄ḿ aĺ ō.

Bible sar

⁷ De kə́ mí gə̄ ní ɔrə̄n̄ dɔɔ́, aw̄n̄ bátə́ ugə̄n̄ kem ɓē kə́ Lais tə́. Nin̄ a̰a̰n̄ kadə̄ de kə́ Lais gə̄ i de gə̄ kə́ ndin̄ kanjə̄ sōl̄ yá̰á̰ kógə̄ḿ ō, háĺdə́ sɔl̄ lɔ́ḿ lɔ́ḿ ō, ənīn̄ kemdə́ báŕ báŕ ndinə̄ń ō, tītə̄ yā de kə́ Sidon gə̄. Tá ɓáý to̰ ní mban̄g gətóo kem ɓē ní tə́ ō, de kə́ yā ko̰o̰ ɓē dɔdə́ tə́ gətóo ō. Nin̄ ndin̄ ɓē i sa̰y rɔ̄ Sidon gə̄ tə́ ō, ndin̄ i kə ta kūl̄ deē kógə̄ḿ aĺ ō.

NGÉ SARYA 18:7 Referans Kwoze

JOJUE 19:47

Dɔ nang ń adə̄n̄ de gə̄ kə́ gír ɓē yā Dan tə́ gə̄ kə gír kaadə́ gēé ní n noó. Ɓē kə́ tū tə́ gə̄ n noó kə ngán ɓē gə̄ ń ndin̄ kə gō gidií ní. Dan ń dɔ nang yā ngán Dan gə̄ teē jīdə́ tə́ kɔ̄ɔ́ ní, nin̄ aw̄ ənīn̄ ɓē kə́ Lesem rɔ̄ɔ̄ ba taān̄ən̄. Nin̄ tɔ̄lə̄n̄ de kə́ kemeé gə̄ kɔ̄ɔ́ malang kə kəyā kaskaraá ba ndin̄ gotədə́ tə́. Nin̄ əndān̄ rī kaadə́ Dan dɔ ɓē ní tə́.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

1 PIYER 2:14

ōōī ta ngé ko̰o̰ ɓē gə̄ ń ni-əla sedə́ kadə̄ rāān̄ ngé rāā yá̰á̰ kə́ majaĺ gə̄ yá̰á̰ kə́ tōr̄ ō, kadə̄ tɔ̄ȳn̄ ngé rāā yá̰á̰ kə́ majə gə̄ ō ní.

Makətūbə̄ ń Pol ndang adə̄ Rom gə̄ ní 13:3

Tɔdɔ̄ deē ń rāā yá̰á̰ kə́ majə ní a ɓōĺ nge ko̰o̰ ɓē alé, banī i deē ń rāā yá̰á̰ kə́ majaĺ ní n a ɓōlə́n. Ré ī-gḛy ɓōĺ nge ko̰o̰ ɓē aĺ ɓáa ī-rāā yá̰á̰ kə́ majə. Ī-rāā yá̰á̰ kə́ majanī ni a ndigiī.

1 MBAN̄G GƏ̄ 1:6

Nəkɔ́ ń kó̰o̰n ojən jóo noó bɔbə̄n gákə̄n aĺ ɓáý. Kadə̄ ədan na ī-rāā yá̰a̰ beé i tām̄ rí tə́ wa ní gətóo. Tá ni balsáá ngá̰ý ō, ojən̄ Absalom pá tá kó̰o̰n ojən ɓáý ō.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

NGÉ SARYA 18:6

Nge tun̄ yá̰á̰ ní ədadə́ na kə lōōn̄ sōl̄ yá̰á̰ kógə̄ḿ, tām̄ Kɔ́ɔ̄ɓē na i sedə́ naā tə́ dɔ róbə mbā yādə́ tə́.

NGÉ SARYA 18:8

De ké mí gə̄ ní tél aw̄n̄ gogə́ rɔ̄ ngákó̰ó̰də́ gə̄ tə́ kem ɓē kə́ Sora tə́ ō, Esətaol tə́ ō. Ngákó̰ó̰də́ gə̄ dəjen̄də́ gír̄ yādə́ kə́ dɔ loo ń aw̄ əndān̄ ma̰ȳ tə́ ní.

NGÉ SARYA 18:29

Túrə̄n̄ gír rī kə́ kété ń na i Lais ní kɔ̄ɔ́ ba əndān̄ rī kaadə́ Dan ń i ngōn̄ Jakob ní tá dɔ tə́.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

1 YÁ̰A̰ GƏ̄ 4:40

Nin̄ əngen̄ loo kə́ mu kə́ mbōl̄ majə i tū tə́ gə̄ ō, dɔ nang ní laa majə ō, ndi lɔm ō. De kə́ gír kojə yā Kam tə́ gə̄ ndin̄ dɔ nang ní tə́ kété.

JEREMI 49:31

Ḭ́ḭī dɔɔ́, āw̄ ə̄nīī nápar de kə́ usədə́ yá̰a̰ aĺ gə̄ ń ndin̄ kanjə̄ sōl̄ yá̰á̰ kógə̄ḿ ní rɔ̄ɔ̄. Najə̄ ń Kɔ́ɔ̄ɓē əda ní n noó. Ta róbə yādə́ gə̄ gətóon̄ ō, gində̄ kutə ta róbə yādə́ gə̄ gətóon̄ ō. I de gə̄ kə́ nin̄ ndin̄ i kə kéŕdə́.