NGÉ SARYA 18:5 - Bibəl ta Sar̄

⁵ De gə̄ ní tél ədanən̄ na beé ɓáa kə sāā kadə̄ n-a̰a̰n̄ ké Nə́ɓā a əda na mbā ń n-a n-aw̄n̄ toó a majə wa?

Bible sar

⁵ De gə̄ ní tél ədanən̄ na beé ɓáa kə sāā kadə̄ n-a̰a̰n̄ ké Nə́ɓā a əda na mbā ń n-a n-aw̄n̄ toó a majə wa?

NGÉ SARYA 18:5 Referans Kwoze

1 MBAN̄G GƏ̄ 22:5

Josapat əda mban̄g kə́ Israel tə́ ɓáý to̰ na kə oō yā Kɔ́ɔ̄ɓē pá tá.

KƏLA RĀĀ 8:10

adə̄ de gə̄ malang, kə́ dūú gə̄gē kə́ bo gə̄gē a oōn̄ i yān. De gə̄ ədan̄ na deē ní na i tɔ́gə yā Nə́ɓā ń a ɓārə́n̄ na i tɔ́gə́ kə́ bo ní.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

EJEKIEL 21:21

Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

2 MBAN̄G 16:15

Gō tə́ anī mban̄g Akaj əda Uria nge tun̄ yá̰a̰ na ngɔlaā na a tun̄ yá̰a̰ na i dɔ loo tun̄ yá̰á̰ kə́ bo tə́. Na a tun̄ yá̰á̰ kə́ yā róō horoó kə́ dəloí ō, ndujə̄ kə́ ndējə̄ loo sɔlí ō, yá̰a̰ tun̄ yā mban̄g kə́ yā róō horoó ō, ndujə̄ kə́ dɔ tə́ ō, yá̰a̰ tun̄ yā Juda gə̄ kə́ yā róō horoó ō, ndujə̄ kə́ dɔ tə́ ō, kasə nduú kə́ dɔ tə́ ō, na i dɔ tə́. Ni a ɓōkə́ mósə dā̰ kə́ tɔ̄l̄ yā tun̄ gə̄ na i dɔ loo tun̄ yá̰á̰ kə́ bo ní tə́ ō. Ba loo tun̄ yá̰á̰ kə́ rāā kə gində̄ nə̄ngá kasaá ní tá nəkɔ́ n-a n-əda najə̄ kə́ dɔ tə́ ɓáý.

NGÉ SARYA 17:13

Mika əda na ngɔlaā ní nan-ger̄ kadə̄ Kɔ́ɔ̄ɓē a rāā majə seneé tɔdɔ̄ ngōn̄ Lebi ń toō na tél nge tun̄ yá̰a̰ yān.

NGÉ SARYA 17:5

Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān nge tun̄ yá̰a̰ yān tə́.

NGÉ SARYA 18:4

Anī tél ədadə́ na Mika na rāā yá̰á̰ kə́ beé, yá̰á̰ kə́ beé, tām̄ yān tə́. Na unən adə̄ na n-tél nge tun̄ yá̰a̰ yān.

NGÉ SARYA 18:6

Nge tun̄ yá̰á̰ ní ədadə́ na kə lōōn̄ sōl̄ yá̰á̰ kógə̄ḿ, tām̄ Kɔ́ɔ̄ɓē na i sedə́ naā tə́ dɔ róbə mbā yādə́ tə́.

1 SAMUEL 9:9

Jóo dɔ nang kə́ Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ nge koō ta na i nge ka̰a̰ yá̰a̰.