NGÉ SARYA 18:2 - Bibəl ta Sar̄

² Nin̄ gə̄rān̄ go̰ rɔ̄ɔ̄ gə̄ mí dáńdə́ tə́ kadə̄ ḭḭn̄ kem ɓē kə́ Sora tə́ ō, Esətaol tə́ ō, kadə̄ aw̄ əndān̄ ma̰ȳ loo. De kə́ mí gə̄ ní aw̄ ugə̄n̄ ɓē Mika, gō nang kə́ mbalá yā Epəraim tə́ ba tan̄ looneé.

Bible sar

² Nin̄ gə̄rān̄ go̰ rɔ̄ɔ̄ gə̄ mí dáńdə́ tə́ kadə̄ ḭḭn̄ kem ɓē kə́ Sora tə́ ō, Esətaol tə́ ō, kadə̄ aw̄ əndān̄ ma̰ȳ loo. De kə́ mí gə̄ ní aw̄ ugə̄n̄ ɓē Mika, gō nang kə́ mbalá yā *Epəraim tə́ ba tan̄ looneé.

NGÉ SARYA 18:2 Referans Kwoze

NGÉ SARYA 13:25

Ndíĺ Kɔ́ɔ̄ɓē əla gír rāā Samso̰ i Mahane Dan, dɔ dán ɓē kə́ Sora kə ɓē kə́ Esətaol tə́.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

NGÉ SARYA 18:11

Loo ń noō tə́ de kə́ gír kojə yā Dan tə́ gə̄ ɓú mehḛ́ ḭḭn̄ kem ɓē kə́ Sora tə́ ō, kə́ Esətaol tə́ ō, kə yá̰a̰ rɔ̄ɔ̄ yādə́ gēé jīdə́ tə́, ba aw̄ əndān̄ gérger yādə́ Kiryat Yearim, dɔ nang kə́ Juda tə́. Ré deē ra Kiryat Yarim anī loo ń əndān̄ gérger yādə́ tū tə́ ní i kə̄ dām̄ kə́ no ɓē tə́. I tām̄ najə̄ ń noō tə́ n bátə́ ɓōólaā gə̄gē a ɓārə́n̄ loo ní na i Mahane Dan ní.

NGÉ SARYA 18:8

De ké mí gə̄ ní tél aw̄n̄ gogə́ rɔ̄ ngákó̰ó̰də́ gə̄ tə́ kem ɓē kə́ Sora tə́ ō, Esətaol tə́ ō. Ngákó̰ó̰də́ gə̄ dəjen̄də́ gír̄ yādə́ kə́ dɔ loo ń aw̄ əndān̄ ma̰ȳ tə́ ní.

TƏ́DA 13:17

Pá tá kadə̄ aw̄n̄ ní, Moijə ədadə́ na: Ī-teēī gō nang kə́ Negeb tə́, ba āwī dām̄ kə́ mbalá tə́.

Najə̄ kə́ Majə yā Jeju ń Luk ndang ní 14:31

Aláa ré mban̄g kógə̄ḿ a aw̄ yā rɔ̄ɔ̄ mban̄g madə̄n anī, a əla gír a ndi nang tə́ pá táyā kəndā ma̰ȳ ka̰a̰ ké kə áskar yān kə́ dūbú kutə kógə̄ḿ gə̄ ń toō ní, ké n-a n-asəń kaw̄ rɔ̄ɔ̄ madə̄n ń áskar yān gə̄ i dūbú kutə jōó tə́ ní wa. I mban̄g kə́ rá n a rāā tītə̄ ń noō aĺ ní?

Gōsə̄ najə̄ gə̄ 20:18

Yá̰a̰ gə̄ ń deē núm̄ ní, a rāādə́ kadə̄ udə gírí i kə ta kūl̄ kɔjə̄ kə́ majə gə̄. Ré ā āw̄ yā rɔ̄ɔ̄ anī ə̄ndā kum kedə̄ dɔ rɔ̄í tə́ majə.

NGÉ SARYA 19:18

Mbā tél ədan na: J-ḭḭ i Betlehem kə́ Juda tə́, ba j-a j-aw̄ i kə̄ ta ngóy dɔ nang kə́ mbalá yā Epəraim ń i ɓē yāḿ ní tə́. M-ḭ́ḭ mbā tə́ i Betlehem kə́ Juda tə́. M-ā m̄-tél m-ā m-āw̄ i kə̄ gogə́ ɓēé, banī de kə́ yā kadə̄ əhɔm̄ mbā ɓēé yān tə́ gətóo.

NGÉ SARYA 19:1

Dan ngeé ń noō tə́ ní mban̄g gətóo dɔ nang kə́ Israel tə́. Ngōn̄ Lebi kógə̄ḿ kə́ ndi i ta ngóy dɔ nang kə́ mbalá yā Epəraim tə́ taā də̄yá̰ gidə ndogə̄ kem ɓē kə́ Betlehem tə́, dɔ nang kə́ Juda tə́.

NGÉ SARYA 16:31

Ngákó̰o̰n gə̄ ō, de gə̄ malang kə́ kem ndogə̄ yā bɔbə̄n tə́ gə̄ ō, reē unən̄ nīnə́n aw̄nəń. Aw̄ dubə̄n̄ dɔ dán ɓē kə́ Sora tə́ kə ɓē kə́ Esətaol, kem bəlo ɓádə yā bɔbə̄n Manoa tə́. Samso̰ ɔr no ngán Israel gə̄ i ɓāl̄ kutə jōó.

NGÉ SARYA 13:2

Dan ń noō tə́ ní deē kógə̄ḿ kə́ gír ɓē yā Dan tə́ ndi kem ɓē kə́ Sora tə́, rīn na i Manoa. Nə̄yá̰n i kujə, adə̄ ngōnən gətóo.

JOJUE 19:41

Dɔ nin̄ dɔ nang yādə́ i Sora ō, Esətaol ō, Ir Semes ō,

TA KƏLA 42:9

Əga kemən dɔ nī ń rāān tə́ ní, anī ədadə́ na nin̄ na i ngé kum̄ loo gə̄, na reēn̄ na i kəndā ma̰ȳ loo kə́ ngan̄g aĺ gə̄ kə́ kem ɓēé tə́.

JOJUE 15:33

Ɓē kə́ dɔ nang kə́ mbal̄ bo gətóo tū tə́ tə́ ní i Esətaol ō, Sora ō, Asəna ō,

NGÉ SARYA 17:1

De kógə̄ḿ ndi gō nang kə́ mbalá yā Epəraim tə́, rīn na i Mika.

NGÉ SARYA 18:3

Nin̄ oōn̄ ndū ngōn̄ Lebi kə́ balsáá ní ɓē Mika anī gerə̄n̄ ndūn. Adə̄ aw̄n̄ rɔ̄n tə́ ba dəjenən̄ najə̄ ədan̄ na ké i náā n reē seneé laā wa? Ké a rāā i rí laā wa? Ké i rí yān n i loo ń toō tə́ laā wa?

JOJUE 2:2

Anī de gə̄ ədan̄ mban̄g kə́ Jeriko na ngán Israel kə́rēý gə̄ na reē ugə̄n̄ ndɔ̄ɔ́ laā, na reēn̄ i kəndā ma̰ȳ looó.

NGÉ SARYA 18:13

Nin̄ ḭḭn̄ loo ní tə́ aw̄ ugə̄n̄ ɓē Mika, gō nang kə́ mbalá yā Epəraim tə́. Anī de kə́ mí gə̄ ń aw̄ əndān̄ ma̰ȳ dɔ nang kə́ Lais kété ní ədan̄ madə̄də́ gə̄ na: Ɓesə̄ Epod ō, Terapim gə̄ ō, ɓesə̄ kə́ tɔ́l ō, ɓesə̄ yá̰á̰ kə́ rang kə́ no horoó ō, ton̄ kem kújə́ kógə̄ḿ kə́ dan madə̄ gə̄ ń noō tə́ ní ī-gerī a? Ngɔlaā ní majə kadə̄ ī-gerī yá̰á̰ ń sɔɔ̄ kadə̄ ī-rāāī ní.