NGÉ SARYA 17:5 - Bibəl ta Sar̄

⁵ Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān nge tun̄ yá̰a̰ yān tə́.

Bible sar

⁵ Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān *nge tun̄ yá̰a̰ yān tə́.

NGÉ SARYA 17:5 Referans Kwoze

NGÉ SARYA 8:27

Jedeo̰ ɔy lɔ́ŕ ní rāā ɓesə̄ kógə̄ḿ tə́ ba udə kem ɓē yān tə́ Opəra. Ngán Israel gə̄ malang ndɔ̄ȳn̄ ɓesə̄ ní, adə̄ tél i gūmbə̄ tām̄ yā Jedeo̰ tə́ ō, gír kojə yān tə́ ō.

TA KƏLA 31:19

Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.

NGÉ SARYA 18:24

Anī ni-tél ədadə́ na: Ɓesə̄ gə̄ ń m̄-rāādə́ tām̄ yāḿ tə́ ní sḭḭ̄ ɔ́yiīdə́ kɔ̄ɔ́ ō, āwī kə nge tun̄ yá̰a̰ yāḿ kɔ̄ɔ́ ō. Yá̰a̰ yāḿ kə́ na̰y gətóo anī ī-tél ī-dəjemī na ké i rí n rāām̄ wa a?

TA KƏLA 31:30

Majə, ɓō kaw̄ ɓē bɔbí rāāī ngá̰ý ní āw̄, ba ī-ɓogə ɓesə̄ gə̄ ń i nə́ɓā yāḿ gə̄ ní i tām̄ rí tə́?

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

Teē Ngán Israel gə̄ 29:9

ā ī-do̰ō̰ ɓōdə̄də́ kə kəlā yādə́ gēé ō, ā ī-tə́la jākā yādə́ gə̄ dɔdə́ tə́ ō. Əla gír kum mbang ń noō tə́ ní Aaro̰ nin̄ kə ngánən gēé a ndin̄ kem kəla tun̄ yá̰á̰ tə́ i ngándáńg. Loo kəndā ń ā ə̄ndādə́ kem kəla tun̄ yá̰á̰ tə́ ní n toó:

Teē Ngán Israel gə̄ 28:15

Gō tə́ anī kɔdə̄ gə̄ a əjōn̄ pekətoral gān̄g sarya yā Nə́ɓā kə kəlā lḛ́ḛ́ kə́ ngan̄g gēé. A tə́lan̄ kəlā bḭḭ̄ batə̄ kə́ ndul gusə gusə ō, kə́ kərē bḭḭ ō, kə́ kərē pírírí ō, dan kəlā lḛ́ḛ́ kə́ ngan̄g gə̄ ní tə́. A rāān̄ yá̰á̰ súūn gə̄ tū tə́ kə lɔ́rɔ́ tītə̄ yā epod.

HEBƏRO 5:4

De kə́ asə kəndā rɔ̄n ngol ngé tun̄ yá̰a̰ gə̄ tə́ yā rɔȳń rɔ̄n nəkɔ́ gətóo. I Nə́ɓā n i nge ɓāŕ deē kə̄ tū tə́, tītə̄ ń ni-ɓārə́nń Aaro̰ ní.

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

ESDRAS 1:7

Yá̰a̰ gə̄ kə́ kem kújə yā Kɔ́ɔ̄ɓē tə́ ń Nabukodonosor ɔy Jerusalem aw̄ tə́ndā kem kújə yā nə́ɓā yān gə̄ ń i ɓesə̄ yān gə̄ ní tə́ ní, mban̄g Sirus adə̄ tél sāān̄ nja náḿ naḿ.

1 MBAN̄G GƏ̄ 12:31

Jeroboam rāā kújə gə̄ dɔ loo ndɔ̄ȳ tə́, ba gə̄rā de gə̄ kə́ gír ɓē yā Lebi tə́ aĺ gə̄ dan ngán Israel gə̄ tə́ əndādə́ ngé tun̄ yá̰a̰ gə̄ tə́.

1 SAMUEL 23:6

Dan ń Abiatar ngōn̄ Ahimelek a̰ȳ reē ɓɔ̄ɔ̄ rɔ̄n rɔ̄ Dabid tə́ ní, ni-aw̄ Keila kə yá̰a̰ ndḛḛ̄ sāá jīn tə́.

Teē Ngán Israel gə̄ 28:4

Kūbə̄ gə̄ ń a urə̄n̄ ní i pekətoral ō, epod ō, kūbə̄ ngāl̄ ō, kūbə̄ kə́ rang kə́ gīndə̄ gō madə̄ tə́ kə́ rāān̄ yá̰á̰ súūn gə̄ tū tə́ ō, kūbə̄ kənda dɔ ō, kəlā kūbə̄ kə́ yā do̰ō̰ń ɓōdə̄ ō. Ngōkó̰ó̰í Aaro̰ nin̄ kə ngánən gēé a əlan̄ rɔ̄də́ tə́ yā rāań kəla tun̄ yá̰a̰ kadə̄m̄.

Teē Ngán Israel gə̄ 24:5

Gō tə́ anī ɔr̄ balsáa kə́ Israel gə̄ tə́ adə̄ ndējə̄n̄ Kɔ́ɔ̄ɓē yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

NGÉ SARYA 17:4

Adə̄ dan ń Mika tél kə njáŕ sə́lē ní adə̄ kó̰o̰n gogə́ anī, kó̰o̰n ɔr̄ ɓú jōó danaá adə̄ kɔdə̄ nge nō yá̰a̰ horoó. Kɔdə̄ no njáŕ sə́lē ní horoó rāā ɓesə̄ tə́ ba aw̄ əndān̄ kem kújə yā Mika tə́.

NGÉ SARYA 18:30

Udən̄ ɓesə̄ yā Mika ní ō, Yonatan ngōn̄ Gersom kə́ ngōn̄ Moijə tél nge tun̄ yá̰a̰ yā de gə̄ kə́ gír ɓē yā Dan tə́ ō. Ngán Yonatan gə̄ ō, ngán kaan gə̄ ō rāān̄ kəla tun̄ yá̰á̰ ní bátə́ ɓāl̄ ń de ké kem ɓēé gə̄ aw̄nəń ɓəlo tə́ ní.

IJAI 44:13

Kɔdə̄ nge tɔ́sə̄ yá̰a̰ mbɔ̄jə́ dugə̄jū kāgə̄ yān kə kəlāá. Ni-rāā nə́ɓā kə́ rɔ̄kum aĺ tū tə́ kə hō̰rō̰ kə́ ndaa. Ni tɔ́sə̄ kāgə̄ ní kə waĺ ō, usə gidə kə yá̰a̰ kusə gidə yá̰á̰ adə̄ ndə́lē ō. Kɔdə̄ nge tɔ́sə̄ yá̰a̰ a ndájə̄ i loo rāā deē kə́ majə ngá̰ý n a tɔ́səń deē yān ní. Ni a əndā deē ń ni tɔ́sə̄ ní i kem loo kógə̄ḿ kə́ yā ɓōĺ gidə tə́.

EJEKIEL 21:21

Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

1 SAMUEL 19:13

Gō tə́ anī Mikal un ɓesə̄ ənī kem tə̄rá gotə Dabid tə́, ba taā gír dɔ ɓesə̄ ní kə yá̰a̰ taā gír dɔ kə́ rāā kə bḭḭ̄ bə̄yā̰á̰ ō, seĺ kūbə̄ dɔ ɓesə̄ ní tə́ ō.

1 MBAN̄G GƏ̄ 12:32

Jeroboam rāā nāā kógə̄ḿ kə́ to tītə̄ nge ń a rāān̄ Juda ní kem nāā kə́ nge ko̰ sɔ́sɔ́ tə́, kə ndɔ̄ nāā kə́ nge ko̰ kutə gidə i mí, ba nəkɔ́ aĺ aw̄ tun̄ yá̰a̰ dɔ loo tun̄ yá̰á̰ tə́. Ni-rāā tītə̄ ń noō Betel ō, tun̄ yá̰a̰ adə̄ duĺ man̄g gə̄ ń ni rāādə́ ní ō. Ngé tun̄ yá̰a̰ gə̄ kə́ loo ndɔ̄ȳ gə̄ tə́ ń ni əndādə́ kem kəla tun̄ yá̰á̰ tə́ ní, əndādə́ Betel ō.

EJEKIEL 21:26

Mban̄g kə́ Babilon a dəba ta gajə róbə́ tə́, ta róbə́ kə́ jōó gə̄ ní tə́ yā túgəń wə̄lā yā gerə̄ń yá̰á̰ kə́ ɔjə dɔn. Ni yéȳ kum gərā gə̄ ō, yá̰á̰ kə́ dūú gə̄ ń tɔ́sə̄n̄ kum gotə yá̰a̰ gə̄ ní, ni dəjedə́ najə̄ ō, ni-əndā ma̰ȳ wur dā̰ gə̄ ō.