NGÉ SARYA 17:4 - Bibəl ta Sar̄

⁴ Adə̄ dan ń Mika tél kə njáŕ sə́lē ní adə̄ kó̰o̰n gogə́ anī, kó̰o̰n ɔr̄ ɓú jōó danaá adə̄ kɔdə̄ nge nō yá̰a̰ horoó. Kɔdə̄ no njáŕ sə́lē ní horoó rāā ɓesə̄ tə́ ba aw̄ əndān̄ kem kújə yā Mika tə́.

Bible sar

⁴ Adə̄ dan ń Mika tél kə njáŕ sə́lē ní adə̄ kó̰o̰n gogə́ anī, kó̰o̰n ɔr̄ ɓú jōó danaá adə̄ kɔdə̄ nge nō yá̰a̰ horoó. Kɔdə̄ no njáŕ sə́lē ní horoó rāā ɓesə̄ tə́ ba aw̄ əndān̄ kem kújə yā Mika tə́.

NGÉ SARYA 17:4 Referans Kwoze

NGÉ SARYA 17:3

Mika tél kə sə́lē kə́ dūbú kə ɓú kógə̄ḿ ní adə̄ kó̰o̰n gogə́. Banī kó̰o̰n ədan na: Ngōnə̄ḿ, mā m-ɔ̄r̄ kam̄ nar ní m-ādə̄ Kɔ́ɔ̄ɓē i tām̄ yāí ḭ̄ tə́. Ba nar ní i yā rāań ɓesə̄ arjā̰a̰ kə́ nō horoó, adə̄ ngɔlaā m̄-tél kə nar ní m-ādī.

NGÉ SARYA 17:5

Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān nge tun̄ yá̰a̰ yān tə́.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

IJAI 44:13

Kɔdə̄ nge tɔ́sə̄ yá̰a̰ mbɔ̄jə́ dugə̄jū kāgə̄ yān kə kəlāá. Ni-rāā nə́ɓā kə́ rɔ̄kum aĺ tū tə́ kə hō̰rō̰ kə́ ndaa. Ni tɔ́sə̄ kāgə̄ ní kə waĺ ō, usə gidə kə yá̰a̰ kusə gidə yá̰á̰ adə̄ ndə́lē ō. Kɔdə̄ nge tɔ́sə̄ yá̰a̰ a ndájə̄ i loo rāā deē kə́ majə ngá̰ý n a tɔ́səń deē yān ní. Ni a əndā deē ń ni tɔ́sə̄ ní i kem loo kógə̄ḿ kə́ yā ɓōĺ gidə tə́.

NDŪ NAJƏ̄ 27:15

Deē ń a tə́gā kāgə̄ yā kudə ɓesə̄ tə́, aké a nō gində̄ horoó yā tɔ́sə̄ ba rāā kum gotə yá̰á̰ kə́rēý tə́ yā ndɔ̄ȳ loo mundə̄ tə́ jəke ní, ndɔ̄ĺ i dɔn tə́. Tɔdɔ̄ yá̰á̰ kə́ beé gə̄ ń de gə̄ rāān̄ kə jīdə́ ní, i yá̰á̰ kə́ to yḛr kum gə̄ ta kum Kɔ́ɔ̄ɓē tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

NGÉ SARYA 18:17

De ké mí gə̄ ní al̄ aw̄n̄ kem kújə́ ké dɔɔ́ tə́ aw̄ unən̄ ɓesə̄ kə́ tɔ́l ō, Epod ō, ɔyn̄ Terapim gə̄ ō, unən̄ ɓesə̄ yá̰á̰ kə́ rang kə́ nō horoó ō, ba nge tun̄ yá̰á̰ tá ra ndágá kə de kə́ ɓú mehḛ́ gə̄ ń yá̰a̰ rɔ̄ɔ̄ i jīdə́ tə́ ní.

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?