NGÉ SARYA 17:3 - Bibəl ta Sar̄

³ Mika tél kə sə́lē kə́ dūbú kə ɓú kógə̄ḿ ní adə̄ kó̰o̰n gogə́. Banī kó̰o̰n ədan na: Ngōnə̄ḿ, mā m-ɔ̄r̄ kam̄ nar ní m-ādə̄ Kɔ́ɔ̄ɓē i tām̄ yāí ḭ̄ tə́. Ba nar ní i yā rāań ɓesə̄ arjā̰a̰ kə́ nō horoó, adə̄ ngɔlaā m̄-tél kə nar ní m-ādī.

Bible sar

³ Mika tél kə sə́lē kə́ dūbú kə ɓú kógə̄ḿ ní adə̄ kó̰o̰n gogə́. Banī kó̰o̰n ədan na: Ngōnə̄ḿ, mā m-ɔ̄r̄ kam̄ nar ní m-ādə̄ Kɔ́ɔ̄ɓē i tām̄ yāí ḭ̄ tə́. Ba nar ní i yā rāań ɓesə̄ arjā̰a̰ kə́ nō horoó, adə̄ ngɔlaā m̄-tél kə nar ní m-ādī.

NGÉ SARYA 17:3 Referans Kwoze

Teē Ngán Israel gə̄ 20:4

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

LEBI GƏ̄ 19:4

Ī-lōōī rɔ̄sí kə rɔ̄ nə́ɓā kə́ rɔ̄kum aĺ gə̄ ń i ɓesə̄ gə̄ ní tə́ ō, ī-lōōī no gində̄ horoó yā rāāń nə́ɓā gə̄ ń i ɓesə̄ gə̄ ní tām̄ yāsí tə́ ō, mā i Kɔ́ɔ̄ɓē Nə́ɓā yāsí.

Teē Ngán Israel gə̄ 20:23

Ā ī-rāāmī i nə́ɓā kə́ rāā kə gində̄ arjā̰a̰á̰ tə́ aĺ ō, nə́ɓā kə́ rāā kə́ lɔ́rɔ́ tə́ aĺ ō. Ā ī-rāāī nə́ɓā gə̄ ń noō tām̄ yāsí tə́ alé.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

NGÉ SARYA 18:5

De gə̄ ní tél ədanən̄ na beé ɓáa kə sāā kadə̄ n-a̰a̰n̄ ké Nə́ɓā a əda na mbā ń n-a n-aw̄n̄ toó a majə wa?

NGÉ SARYA 17:13

Mika əda na ngɔlaā ní nan-ger̄ kadə̄ Kɔ́ɔ̄ɓē a rāā majə seneé tɔdɔ̄ ngōn̄ Lebi ń toō na tél nge tun̄ yá̰a̰ yān.

NDŪ NAJƏ̄ 12:3

Ā ī-tɔ̄ɔ̄ī loo tun̄ yá̰a̰ yādə́ gə̄ ō, mbal̄ yādə́ gə̄ ń túdə̄n̄ kə nja dɔɔ́ ní ō kɔ̄ɔ́. Ā ī-róōī kāgə̄ ɓesə̄ yādə́ kə́ yā ɓōĺ gidə gə̄ ń a ndɔ̄ȳn̄ ní horoó kɔ̄ɔ́ ō. Ā ī-tétī yá̰a̰ gə̄ ń tɔ́sə̄n̄ ba rāān̄də́ nə́ɓā yādə́ gə̄ tə́ ní kɔ̄ɔ́ ō. Ā ī-rāāī kadə̄ rī ɓesə̄ gə̄ ní ɓār̄ dɔ nang ní tə́ to̰ alé.

Teē Ngán Israel gə̄ 34:17

Ā ī-nōī gində̄ horoó yā rāā ɓesə̄ gə̄ tə́ alé.

NGÉ SARYA 17:2

Ndɔ̄ kə́rēý tə́ anī deē ní əda kó̰o̰n na: Arjā̰a̰ yāí kə́ njáŕ sélē dūbú kə ɓú kógə̄ḿ ń deē ɓogə á ī-ndɔ̄ĺ ta kumḿ tə́ ní, to jīḿ tə́ laā, i mā n m-ɔ́y. Anī kó̰o̰n ədan na: Ngōnə̄ḿ, ādə̄ Kɔ́ɔ̄ɓē rāā majə seí.

NGÉ SARYA 17:4

Adə̄ dan ń Mika tél kə njáŕ sə́lē ní adə̄ kó̰o̰n gogə́ anī, kó̰o̰n ɔr̄ ɓú jōó danaá adə̄ kɔdə̄ nge nō yá̰a̰ horoó. Kɔdə̄ no njáŕ sə́lē ní horoó rāā ɓesə̄ tə́ ba aw̄ əndān̄ kem kújə yā Mika tə́.

NGÉ SARYA 18:30

Udən̄ ɓesə̄ yā Mika ní ō, Yonatan ngōn̄ Gersom kə́ ngōn̄ Moijə tél nge tun̄ yá̰a̰ yā de gə̄ kə́ gír ɓē yā Dan tə́ ō. Ngán Yonatan gə̄ ō, ngán kaan gə̄ ō rāān̄ kəla tun̄ yá̰á̰ ní bátə́ ɓāl̄ ń de ké kem ɓēé gə̄ aw̄nəń ɓəlo tə́ ní.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

NDŪ NAJƏ̄ 27:15

Deē ń a tə́gā kāgə̄ yā kudə ɓesə̄ tə́, aké a nō gində̄ horoó yā tɔ́sə̄ ba rāā kum gotə yá̰á̰ kə́rēý tə́ yā ndɔ̄ȳ loo mundə̄ tə́ jəke ní, ndɔ̄ĺ i dɔn tə́. Tɔdɔ̄ yá̰á̰ kə́ beé gə̄ ń de gə̄ rāān̄ kə jīdə́ ní, i yá̰á̰ kə́ to yḛr kum gə̄ ta kum Kɔ́ɔ̄ɓē tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

2 YÁ̰A̰ GƏ̄ 33:7

Ni udə ɓesə̄ kāgə̄ kə́ tɔ́sə̄ kem kújə yā Nə́ɓā tə́ ō. Tá kété ní Nə́ɓā əda Dabid nin̄ kə ngōnən Salomo̰ na: Kújə ń toō ō, ɓē kə́ Jerusalem ō ń i ɓē ń m̄-gə̄rā dan gír ɓē gə̄ malang kə́ Israel tə́ ní rīḿ a ɓār̄ dɔ tə́ ngándáńg.