NGÉ SARYA 17:10 - Bibəl ta Sar̄

¹⁰ Anī Mika ədan na kə ndi looneé ba kə tél bɔbə̄n ō, nge tun̄ yá̰a̰ yān ō. Ba n-a n-adə̄n njáŕ sə́lē arjā̰a̰ kutə kə dɔ ɓāl̄ gə̄ ō, n-a n-adə̄n kūbə̄ gə̄ ō, yá̰a̰ kəsa ō.

Bible sar

¹⁰ Anī Mika ədan na kə ndi looneé ba kə tél bɔbə̄n ō, *nge tun̄ yá̰a̰ yān ō. Ba n-a n-adə̄n njáŕ sə́lē arjā̰a̰ kutə kə dɔ ɓāl̄ gə̄ ō, n-a n-adə̄n kūbə̄ gə̄ ō, yá̰a̰ kəsa ō.

NGÉ SARYA 17:10 Referans Kwoze

1 PIYER 5:2

Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

JA̰A̰ 12:6

Ni-əda najə̄ ń noō i tɔdɔ̄ ndigə kə́ ni-ndigə i ngé ndoō gə̄ alé. Ba i tām̄ ni i nge ɓogə. Ni i nge ngɔ̄m̄ ngong nar, adə̄ a ɔy yá̰á̰ kə́ kemeé loo ɓogə tə́.

MATIYE 26:15

ba ədadə́ na ré n-əla Jeju kem jīdə́ tə́ anī, ké na a adə̄nən̄ i rí wa. Anī nin̄-tə́dan̄ sə́lē gində̄ arjā̰a̰ kutə mətá adə̄nən̄.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

IJAI 22:21

M-ā m-ə́la kūbə̄ yāí rɔ̄n tə́ ō, m-ā m-ə́hɔ ɓōdə̄n kə ndāŕ kəhɔ ɓōdə̄ yāí ō, m-ā m-ādə̄n tɔ́gə yāí ō. Ni a tél bɔbə̄ de kə́ Jerusalem gə̄ ō, de kə́ kem ɓē ko̰o̰ yā Juda tə́ malang ō.

Makətūbə̄ yā Job 29:16

De gə̄ ń rɔ̄də́ tō ndoō ngá̰ý ní, mā m̄-tél i bɔbə̄də́ ō, deē ń m̄-gerə̄n aĺ ní, m̄-ndēr̄ gír najə̄ yān m-ādə̄ unjə̄ ō.

2 MBAN̄G 13:14

Elije əsō mo̰y. I mo̰y ń a tɔ̄lən ní. Anī Joas mban̄g kə́ Israel aw̄ rɔ̄n tə́, əga kumən kə̄ ta yān tə́ nōoń ba əda na: Bɔbə́ḿ! Bɔbə́ḿ! Púsə rɔ̄ɔ̄ gə̄ kə ngé kal̄ sə́ndá kə́ Israel tə́ gə̄.

2 MBAN̄G 6:21

Dan ń mban̄g kə́ Israel a̰a̰də́ anī dəje Elije na: Bɔbə́ḿ, m̄-tɔ̄l̄də́ a?

1 SAMUEL 2:36

Ba de kə́ gír kojə yāí tə́ ń a na̰y ní a aw̄ yā kəsō kə̄ nang tə́ no nge tun̄ yá̰á̰ ní tə́ najə̄ yā súū kə́ kum mbutə tə́ ō, yá̰a̰ kəsa tə́ ō, ba a əda na: m̄-rāāī ɓɔ́, ə̄ndām̄ tū kəla kógə̄ḿ yā ngé tun̄ yá̰a̰ gə̄ tə́, ādə̄ m-ə́ngeń yá̰a̰ kəsa kə́ taḿ tə́.

NGÉ SARYA 17:11

Ngōn̄ Lebi ní ndigə, adə̄ ndi kə Mika. Mika rāān i ngōn̄ kemən tə́.

TA KƏLA 45:8

adə̄ na i nin̄ n əlanən̄ laā ní alé, ba na i Nə́ɓā. Na i ni n na əndān adə̄ ni na i bɔbə̄ Parao̰ ō, kɔ́ɔ̄ yá̰á̰ kə́ kem kújə yān tə́ malang ō, nge ko̰o̰ ɓē kə́ Ejiptə tə́ malang ō ní.

NGÉ SARYA 17:9

Mika dəjen na ké ḭḭ i rá wa? Anī tél ədan na ni na i ngōn̄ Lebi kə́ Betlehem kə́ Juda tə́, ba na n-sāā na i loo kə́ yā namə̄ń.

NGÉ SARYA 18:4

Anī tél ədadə́ na Mika na rāā yá̰á̰ kə́ beé, yá̰á̰ kə́ beé, tām̄ yān tə́. Na unən adə̄ na n-tél nge tun̄ yá̰a̰ yān.

2 MBAN̄G 2:12

Dan ń Elije a̰a̰ yá̰á̰ ní anī əda kə tɔ́gɔ́ na: Bɔbə́ḿ! Bɔbə́ḿ! Púsə rɔ̄ɔ̄ gə̄ kə ngé kal̄ sə́ndá kə́ Israel tə́ gə̄! Gō tə́ anī ni a̰a̰n to̰ alé. Loo ń noō tə́ ni-əhɔ kūbə̄ yān rə̄yā̰ naā tə́ jōó.