NGÉ SARYA 15:11 - Bibəl ta Sar̄

¹¹ Loo ń noō tə́ de kə́ dəngam kə́ Juda tə́ gə̄ dūbú mətá aw̄n̄ bəlo mbal̄ kə́ Etam tə́ ba ədan Samso̰ na i Pilistin gə̄ n ndin̄ dɔdə́ tə́ ní ké Samso̰ ger̄ nge ń noō aĺ wa? Ké rāā i rí kə́ beé sedə́ wa? Samso̰ ədadə́ na i yá̰á̰ ń rāān̄ seneé ní n na n-rāā sedə́ ō ní.

Bible sar

¹¹ Loo ń noō tə́ de kə́ dəngam kə́ Juda tə́ gə̄ dūbú mətá aw̄n̄ bəlo mbal̄ kə́ Etam tə́ ba ədan Samso̰ na i Pilistin gə̄ n ndin̄ dɔdə́ tə́ ní ké Samso̰ ger̄ nge ń noō aĺ wa? Ké rāā i rí kə́ beé sedə́ wa? Samso̰ ədadə́ na i yá̰á̰ ń rāān̄ seneé ní n na n-rāā sedə́ ō ní.

NGÉ SARYA 15:11 Referans Kwoze

NGÉ SARYA 14:4

Bɔbə̄n nin̄ kə kó̰o̰neé gerə̄n̄ kadə̄ i Kɔ́ɔ̄ɓē n əndā ɓō dəyá̰ ní kem Samso̰ tə́ yā sāań ta Pilistin gə̄ ní alé. Dan ngeé ń noō tə́ Pilistin gə̄ ndin̄ dɔ Israel gə̄ tə́.

NGÉ SARYA 13:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Pilistin gə̄ tə́ ɓāl̄ kutə sɔ́.

NDŪ NAJƏ̄ 28:13

Kɔ́ɔ̄ɓē a əndāī i kété ba i gogə́ alé. Ngáńdáńg ā āw̄ i kum kə̄ dɔɔ́ ba ā ī-tél kə̄ nang tə́ alé, tɔdɔ̄ ī-rāā gō míndə gə̄ ń Kɔ́ɔ̄ɓē Nə́ɓā yāí əda na kə ī-rāā á m-ə́daī ɓōólaā na kə ī-ngɔ̄m̄ ō, kə ī-rāā ō ní.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

NDŪ NAJƏ̄ 28:43

Tə̄rā kə́ nge nam̄ ń ndi mbo̰ō̰í tə́ ní, tɔ́gən a tɔȳ yāí kum kə̄ kété kété, banī tɔ́gí ḭ̄ a tél i kum kə̄ gogə́ kə dɔ ndɔ̄ gə̄.

NGÉ SARYA 15:10

Anī de kə́ dəngam gə̄ kə́ Juda dəjen̄ Pilistin gə̄ na ké reēn̄ yā rɔ̄ɔ̄də́ ké i tām̄ rí tə́ wa? Anī Pilistin gə̄ tél ədan̄də́ na n-reēn̄ i kəhɔ Samso̰ tə́ yā rāā seneé yá̰á̰ ń ni-rāā sedə́ ní.

NGÉ SARYA 15:12

Nin̄ tél ədanən̄ na n-reēn̄ na i kəhɔn tə́ yā do̰ō̰n kə kəla ba kadə̄n kə Pilistin gēé. Samso̰ ədadə́ na ré i nin̄ kɔ́ gə̄ n a tɔ̄l̄nən̄ aĺ ɓáa kə túbən̄ njadə́ kə adə̄nən̄.

1 YÁ̰A̰ GƏ̄ 4:3

Hur ń i hágə Epərata ō, i ni n əndā gír ɓē kə́ Betlehem ō ní, ojə Etam ō, Jisreel ō, Isama ō, Idəbak ō. Ni-ojə ngōn̄ kə́ dəyá̰ kógə̄ḿ ō, rīn na i Hasəlelponi. Gō tə́ anī ojə Penuel nge kəndā gír ɓē kə́ Gedor ō, Ejer nge kəndā gír ɓē kə́ Husa ō.