NGÉ SARYA 13:6 - Bibəl ta Sar̄

⁶ Anī dəyá̰ ní tél aw̄ ɓēé əda ngaan na: Deē yā Nə́ɓā kógə̄ḿ reē rɔ̄ḿ tə́, to i tītə̄ nge kəla yā Nə́ɓā, tām̄ to ɓōĺ ngá̰ý. m̄-dəjen loo ń ḭḭ tū tə́ ní aĺ ō, ədam̄ rīn aĺ ō.

Bible sar

⁶ Anī dəyá̰ ní tél aw̄ ɓēé əda ngaan na: Deē yā Nə́ɓā kógə̄ḿ reē rɔ̄ḿ tə́, to i tītə̄ nge kəla yā Nə́ɓā, tām̄ to ɓōĺ ngá̰ý. m̄-dəjen loo ń ḭḭ tū tə́ ní aĺ ō, ədam̄ rīn aĺ ō.

NGÉ SARYA 13:6 Referans Kwoze

1 SAMUEL 9:6

Anī nge kəla ní tél ədan na: Ɓē ń ra kété nojí tə́ noō deē yā Nə́ɓā kógə̄ḿ kə́ rīn ɓār̄ ngá̰ý ndi kemeé noō. Yá̰a̰ malang ń a əda ní i yá̰á̰ kə́ a rāā yá̰á̰ gáŕ. Ní, j-aw̄ rɔ̄n tə́ na majanī a ədají najə̄ kə́ dɔ mbā ń j-a j-aw̄ tə́ toō.

NDŪ NAJƏ̄ 33:1

Moijə ń i deē yā Nə́ɓā ní, kété pá tá kadə̄ oy ní, najə̄ gə̄ ń ni-ɔr̄ á tɔ́rəń tan dɔ ngán Israel gə̄ tə́ ní n toó:

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

KƏLA RĀĀ 6:15

De gə̄ malang ń ndin̄ loo sarya tə́ ní əndān̄ kumdə́ dɔ Etiyen tə́, anī nin̄-a̰a̰n̄ kadə̄ ta kumən to tītə̄ ta kum de kə́ dɔ rā̰ tə́ kógə̄ḿ beē.

Najə̄ kə́ Majə yā Jeju ń Luk ndang ní 9:29

Dan ń ni-ndi a ndɔ̄ȳ Nə́ɓā anī ta kumən tél tūr̄ kə́ rang kɔ̄ɔ́ ō, kūbə̄ kə́ rɔ̄n tə́ ndɔ̄bə̄ ndaa ngóńg ngóńg ō.

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

DANIEL 10:11

Ba deē ní ədam̄ na: Daniel, kó tár yā Nə́ɓā, ə́hɔ rɔ̄í tɔgə ba ī-nāā ger̄ kum najə̄ gə̄ ń m-ā m-ɔ̄r̄ seí ní. Ḭ́ḭ ī-ra dɔɔ́, tɔdɔ̄ ngɔlaā ní əlamə̄n̄ i rɔ̄í tə́. Dan ń m-ōō beé anī m-ḭ́ḭ m̄-ra dɔɔ́, banī m̄-ndebə ngá̰ý ɓáý.

DANIEL 10:5

ba m-ɔ̄r̄ dɔḿ dɔɔ́ anī m-á̰a̰ deē kógə̄ḿ kə́ o̰ō̰ kūbə̄ lḛ́ḛ ō, əhɔ ɓōdə̄n kə kəlā kəhɔ ɓōdə̄ kə́ rāā kə lɔ́ŕ kə́ Upajə ō.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

2 MBAN̄G 4:9

Dəyá̰ ní əda ngaan na: m̄-ger̄ kadə̄ dəngam ń a reē loojí ngándáńg ní i de kə́ táĺ yā Nə́ɓā.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

2 MBAN̄G 4:16

Elije əda na: Kem ɓāl̄ kə́ gogə́ tə́, kə nāā kə́ beē ń a ə̄tō ngōn̄ kə́ dəngam jīí tə́. Dəyá̰ ní əda na: I beé alé, kɔ́ɔ̄ḿ, deē yā Nə́ɓā, ī-lōō kədam̄ mā nge kəla yāí kə́ dəyá̰ najə̄ kə́ sor̄.

1 MBAN̄G GƏ̄ 17:24

Dəyá̰ ní əda Eli na: Ngɔlaā m̄-ger̄ kadə̄ ḭ̄ i deē yā Nə́ɓā ō, Kɔ́ɔ̄ɓē əndā najə̄ taí tə́ rɔ̄kum ō.

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

1 SAMUEL 2:27

Deē yā Nə́ɓā kógə̄ḿ reē ənge Eli ba ədan na: Najə̄ ń Kɔ́ɔ̄ɓē əda ní n toó: Kété dan ń kaaí gə̄ i gíŕ tɔ́gə yā mban̄g Parao̰ tə́ dɔ nang kə́ Ejiptə tə́ ní, m̄-tḛḛ̄ kumdə́ adə̄ a̰a̰ ger̄mə̄n̄.

NGÉ SARYA 13:22

Manoa əda nə̄yá̰n na nin̄ na i kə́ yā koy gə̄, tɔdɔ̄ na n-a̰a̰n̄ Nə́ɓā kə kumdə́.

NGÉ SARYA 13:8

Tā anī Manoa nōō kə̄ dɔ Kɔ́ɔ̄ɓē tə́ ədan na: Ɓɔ́ Kɔ́ɔ̄ɓē, deē yā Nə́ɓā ń ə́lan ní ādə̄ tél reē rɔ̄jí tə́ ɓáý to̰ ɔjəjí yá̰á̰ ń kadə̄ jə-rāā tām̄ yā ngōn̄ ń j-a j-ojə tə́ ní.

JOJUE 14:6

Dan ń ngán Israel gə̄ ndinneé Gilgal ɓáý ní, ndɔ̄ kə́rēý tə́ de kə́ gír ɓē yā Juda tə́ gē reēn̄ rɔ̄ Jojue tə́ Anī Kaleb ngōn̄ Yepune ń ni i Keniji ní ədan na: Yá̰á̰ ń Kɔ́ɔ̄ɓē əda Moijə deē yā Nə́ɓā dɔḿ tə́ ō, dɔí tə́ ō, Kades Barnea ní ī-ger̄ majə.

Teē Ngán Israel gə̄ 3:6

Mā i Nə́ɓā yā bɔbí, Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō. Moijə ənī kūbə̄ utə̄ń ta kumən kɔ̄ɔ́ tɔdɔ̄ ni ɓōĺ ka̰a̰ Nə́ɓā.

Teē Ngán Israel gə̄ 3:2

Nge kaw̄ kəla yā Kɔ́ɔ̄ɓē ndɔ̄bən tū ndo̰ hor tə́ dan bɔkə́ kámbə́ tə́. Moijə a̰a̰ hor kə́ a əɓa dan bɔkə́ kámbə́ ní tə́ kanjə̄ ko̰o̰ bɔkə́ kámbə́ ní.

TA KƏLA 32:29

Deē ní ədan: Rīí na i Jakob to̰ alé. A ɓāríīn̄ na i Israel, tɔdɔ̄ ḭ̄ ī-rɔ̄ɔ̄ kə Nə́ɓāá ō, kə de gēé ō, ba tɔ́gí tɔȳ yādə́.

TA KƏLA 18:2

Ni-un kumən kə̄ dɔɔ́ anī, a̰a̰ de gə̄ mətá ran̄ ngɔr rɔ̄n tə́. Dan ń ni a̰a̰də́ anī, ḭḭ ta kújə yān tə́ kə ngɔ̄dɔ̄ɔ́, aw̄ ɔjə nodə́. Ni-ɔsə non nang tə́ nodə́ tə́

NGÉ SARYA 6:11

Nge kaw̄ kəla yā Kɔ́ɔ̄ɓē reē ndi gír kāgə̄ sén yā Yoas tə́, kem ɓē kə́ Opəra tə́. Yoas i de kə́ gír kaa yā Abiejer tə́. Ngōnən Jedeo̰ ra i kem loo mbə́rē kan̄ kāgə̄ nduú tə́ n a ənań kōō gémē, kadə̄ de kə́ Madian gə̄ a̰a̰nən̄ aĺ ní.

NGÉ SARYA 13:3

Nge kaw̄ kəla yā Kɔ́ɔ̄ɓē ndɔ̄bən ba ədan na: m̄-ber̄ kadə̄ ḭ̄ i dəyá̰ kə́ kujə, adə̄ ngōnīí gətóo. Ba ā ī-ndān̄ ngōn̄ ō, ā ójə ngōn̄ kə́ dəngam ō.

NGÉ SARYA 13:7

Ba ədam̄ na, m-ā m̄-ndān̄ ngōn̄ yā kojə ngōn̄ kə́ dəngam. Ní kə m-ā̰ȳ kasə nduú to̰ aĺ ō, kasə kə́ ngāng to̰ aĺ ō, kə m-ə́sá yá̰á̰ kə́ majaĺ tákə̄ aĺ ō, tɔdɔ̄ a əlan̄ gír kɔr̄ kam̄ ngōn̄ ní tām̄ yā Nə́ɓā tə́ na i kem tə́ bátə́ ndɔ̄ koyn tə́.

NGÉ SARYA 13:10

Ɓáa a̰ȳ aw̄ əda ngaan na: Deē ń reē rɔ̄ḿ tə́ ndɔ̄ tə́ gēé ní tél ndɔ̄bə̄m̄ ɓáý to̰.