NGÉ SARYA 12:3 - Bibəl ta Sar̄

³ Dan ń m-á̰a̰ kadə̄ ā ī-reēī yā kajəm̄ aĺ ní, m-ə̄nī rɔ̄ḿ kɔ̄ɔ́ m-ādə̄ yo, adə̄ m-āw̄ dɔ nang yā ngán Amon gə̄ tə́ m-ə̄nīdə́ rɔ̄ɔ̄, anī Kɔ́ɔ̄ɓē əladə́ kem jīḿ tə́, ba ī-reēī dɔḿ tə́ ɓōólaā kə rɔ̄ɔ́ i tām̄ yā rí tə́?

Bible sar

³ Dan ń m-á̰a̰ kadə̄ ā ī-reēī yā kajəm̄ aĺ ní, m-ə̄nī rɔ̄ḿ kɔ̄ɔ́ m-ādə̄ yo, adə̄ m-āw̄ dɔ nang yā ngán Amon gə̄ tə́ m-ə̄nīdə́ rɔ̄ɔ̄, anī Kɔ́ɔ̄ɓē əladə́ kem jīḿ tə́, ba ī-reēī dɔḿ tə́ ɓōólaā kə rɔ̄ɔ́ i tām̄ yā rí tə́?

NGÉ SARYA 12:3 Referans Kwoze

Makətūbə̄ yā Job 13:14

Ká ré i yā kadə̄ m-ə̄nī rɔ̄ḿ kɔ̄ɔ́ gə̄gē anī, m-ə̄ndā dɔ rɔ̄ḿ danaá kɔ̄ɔ́ ɓá.

1 SAMUEL 28:21

Dəyá̰ ní reē rɔ̄ɔ̄ Saul tə́ anī a̰a̰ kadə̄ kem Saul nujə sák sák kɔ̄ɔ́. Ni-əda Saul na: Kɔ́ɔ̄ ɓē gə̄, á̰a̰ā̰ m-ōō taí, m-ə̄nī rɔ̄ḿ kɔ̄ɔ́ m̄-rāań yá̰á̰ ń ə́dá ní.

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

PĀ GƏ̄ 119:109

Mā i ta yo tə́ ngándáńg banī dɔḿ ndígə̄nal ndū najə̄ yāí alé.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

Makətūbə̄ ń Pol ndang adə̄ Rom gə̄ ní 16:4

Nin̄-ənīn̄ rɔ̄də́ kɔ̄ɔ́ tām̄ yāḿ tə́, adə̄ i mā ngóy n dɔḿ a ndígə̄nal yá̰á̰ ń nin̄-rāān̄ seḿ toō aĺ ní alé, ba i de gə̄ kə́ kem Egəlijə gə̄ tə́ malang, kə́ gō nang yā de gə̄ kə́ nin̄ i Jipə aĺ gə̄ tə́.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

NGÉ SARYA 11:27

Mā tā anī m̄-rāā yá̰á̰ kógə̄ḿ kə́ majaĺ seí alé, ba i ḭ̄ n ī-rāā yá̰á̰ kə́ majaĺ seḿ tām̄ ī-rɔ̄ɔ̄m̄ ní. Ādə̄ Kɔ́ɔ̄ɓē ń i nge gān̄g sarya yā de gə̄ ní gān̄g sarya kə́ mbo̰ō̰ ngán Israel gə̄ tə́ kə ngán Amon ɓōólaā.

NGÉ SARYA 9:17

Bɔbə́ḿ rɔ̄ɔ̄ tām̄ yāsí tə́, ni-əndā rɔ̄n ta yo tə́ gāngəń dɔsí jī Madian gə̄ tə́.

NGÉ SARYA 12:2

Jepte tél ədadə́ na: Mā ō, gír deē yāḿ gə̄ ō, jə-kɔ̄l̄ naā ngá̰ý kété kə ngán Amon gēé, loo ń noō tə́ m̄-ɓāŕsí kadə̄ ī-dḭḭ̄mī, banī ájəmī alé.

NGÉ SARYA 12:4

Gō tə́ anī Jepte kán̄ de kə́ Galaad gə̄ malang aw̄ ənīń Epəraim gə̄ rɔ̄ɔ̄. Galaad gə̄ rɔ̄ɔ̄n̄ Epəraim gə̄ i tām̄ najə̄ kɔr̄də́ tə́, tɔdɔ̄ nin̄ ədan̄ na: Sḭḭ̄ Galaad gə̄, sḭḭ̄ i deē yā Epəraim gə̄ ba ā̰yī naā i mbée n ī-ndiī dan Manase gə̄ tə́ ní.