NGÉ SARYA 12:1 - Bibəl ta Sar̄

¹ De kə́ dəngam kə́ Epəraim tə́ gə̄ ɔsən̄ dɔdə́ naā tə́, teēn̄ bā Jurdḛ, aw̄n̄ Sapon ba ədan̄ Jepte na: Ḭ̄ ī-ɓāŕjí ādə̄ j-aw̄ dɔ nang yā ngán Amon gə̄ tə́ yā rɔ̄ɔ̄də́ seí aĺ i tām̄ rí tə́? J-a j-əla hor dɔí tə́ kadə̄ o̰o̰ī kə kújə yāí.

Bible sar

¹ De kə́ dəngam kə́ *Epəraim tə́ gə̄ ɔsən̄ dɔdə́ naā tə́, teēn̄ bā Jurdḛ, aw̄n̄ Sapon ba ədan̄ Jepte na: Ḭ̄ ī-ɓāŕjí ādə̄ j-aw̄ dɔ nang yā ngán Amon gə̄ tə́ yā rɔ̄ɔ̄də́ seí aĺ i tām̄ rí tə́? J-a j-əla hor dɔí tə́ kadə̄ o̰o̰ī kə kújə yāí.

NGÉ SARYA 12:1 Referans Kwoze

NGÉ SARYA 8:1

De yā Epəraim gə̄ ədan̄ Jedeo̰ na: Dan ń ā āw̄ kə̄ rɔ̄ɔ̄ Madian gə̄ tə́ ní ī-ɓāŕjí aĺ i tām̄ rí tə́? Adə̄ tōr̄də́ seneé ngá̰ý.

JAKƏ 3:16

Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.

JA̰A̰ 10:32

Banī Jeju ədadə́ na: m̄-rāā kəla kə́ majə gə̄ i ngá̰ý ta kumsí tə́, kə ta kūl̄ tɔ́gə yā Bɔbə̄ Ngōnōó. Dan kəla gə̄ ngeé ń noō tə́ ní, i nge kə́ rá n ī-sāāī tə́nīm̄ kə mbalá yā tɔ̄lə̄m̄ najə̄n tə́ ní?

NGÉ SARYA 14:15

Kə ndɔ̄ kə́ nge ko̰ sɔ́ anī ədan̄ nə̄yá̰ Samso̰ na: Ī-tɔ́y ngaaí ādə̄ ədají kum səngó ní, aĺ ɓáa j-a j-əla hor dɔí tə́ ō, dɔ de kə́ kem ndogə̄ yā bɔbí tə́ gə̄ ō. Ī-ɓāríījí i yā reē táā yá̰a̰ yājí gə̄ kɔ̄ɔ́ malang jījí tə́ a?

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

PĀ GƏ̄ 109:4

Nin̄ əndān̄ najə̄ dɔḿ tə́ tām̄ rāā ń m̄-rāā tɔdɔ̄də́ ní, banī mā yāḿ i ndɔ̄ȳ Nə́ɓā.

NGÉ SARYA 15:6

Pilistin gə̄ dəjen̄ na ké i náā n rāā yá̰á̰ ní wa anī, tél ədan̄də́ na i Samso̰ n na rāā yá̰á̰ ní tām̄ umən ń i de kə́ Timna ní un nə̄yá̰n adə̄ madə̄n kə́ ndɔ̄ yá̰a̰ kūjə́ taā naā tə́. Loo ń noō tə́ Pilistin gə̄ aw̄ əlan̄ hor dɔ dəyá̰ ní tə́ ō, dɔ bɔbə̄n tə́ ō.

NGÉ SARYA 11:40

Adə̄ kə dɔ ɓāl̄ gə̄ ngáń kə́ dəyá̰ kə́ Israel tə́ gə̄ a aw̄n̄ nōō ngōn̄ Jepte kə́ Galaad tə́. A nōōnən̄ i ndɔ̄ sɔ́ kə dɔ ɓāl̄ gə̄. Adə̄ tél i yá̰a̰ kāgə̄ ɓē dɔ nang kə́ Israel tə́.

NGÉ SARYA 12:2

Jepte tél ədadə́ na: Mā ō, gír deē yāḿ gə̄ ō, jə-kɔ̄l̄ naā ngá̰ý kété kə ngán Amon gēé, loo ń noō tə́ m̄-ɓāŕsí kadə̄ ī-dḭḭ̄mī, banī ájəmī alé.

OJEE 13:1

Dan ń Epəraim a ɔrə̄ń najə̄ ní, ɓōĺ rāā de gə̄ malang adə̄ ndewn̄. Kété ní, loo yān kə́ Israel tə́ i loo kə́ bo ngá̰ý. Banī nəkɔ́ rāā adə̄ sarya əhɔn, tām̄ ni rāā ɓesə̄ Baal ō, oy najə̄n tə́ ō.

MARK 3:24

Ré kem ɓē ko̰o̰ kógə̄ḿ tə́ de kə́ kemeé gə̄ a mbātə́n̄ naā anī, ɓē ko̰o̰ ń noō a ndi ngan̄g alé.