NGÉ SARYA 11:10 - Bibəl ta Sar̄

¹⁰ Anī kum kɔɔ̄ kə́ Galaad gə̄ ədan̄ Jepte na: Kɔ́ɔ̄ɓē rāā kə́ kum tə́ yājí, adə̄ j-a jə-rāā yá̰á̰ ń ə́dá ní.

Bible sar

¹⁰ Anī *kum kɔɔ̄ kə́ Galaad gə̄ ədan̄ Jepte na: Kɔ́ɔ̄ɓē rāā kə́ kum tə́ yājí, adə̄ j-a jə-rāā yá̰á̰ ń ə́dá ní.

NGÉ SARYA 11:10 Referans Kwoze

JEREMI 42:5

Tā anī nin̄ ədan̄ Jeremi na: Ré jə-mbātə́ rāā yá̰á̰ ń Kɔ́ɔ̄ɓē Nə́ɓā yāí ədaī tām̄ yājí tə́ ní anī, ādə̄ Kɔ́ɔ̄ɓē əndā najə̄ dɔjí tə́ kə́ de kə́ kum tə́ kə́ rɔ̄kum tə́ ō, kə́ sew tə́ ō.

TA KƏLA 31:50

Ré ī-rāā ngánə́ḿ kə́ dəyá̰ gə̄ majaĺ ō, ī-táā dəyá̰ kə́ rang gə̄ ɓáý to̰ ō anī, i deē ndul n i kə́ kum tə́ yājí ní alé, ba i Nə́ɓā n i kə́ kum tə́ yājí ní.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

TA KƏLA 16:5

Ba Sarai əda Abəram na: Ndū ń tájə̄mə̄n̄ toó tél əsō i dɔí īkɔ́ tə́. I mə̄kɔ́ n m-ādī kə ɓəlo yāḿ, ba loo ń a̰a̰ kadə̄ ndān̄ ngōn̄ anī, idə tan gírə́ḿ tə́. Ní, ādə̄ Kɔ́ɔ̄ɓē gān̄g sarya kə́ dɔ dáńjí tə́ seí.

2 KORḚNTƏ 11:31

Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

1 SAMUEL 24:12

Bɔbə́ḿ, á̰a̰ā̰, ta kūbə̄ yāí n to jīḿ tə́ toō. Dan ń m̄-gān̄g ta kūbə̄ yāí ba m̄-tɔ̄lī aĺ ní, asə kadə̄ ī-ger̄ na m-ə́hɔī kemḿ tə́ aĺ ō, m̄-gír̄ kənī wúȳ jīí tə́ aĺ ō, m̄-rāā majaĺ seí aĺ ō. Ba i ḭ̄ n ā ī-ndəlem̄ patə patə yā tɔ̄lə̄m̄ ní.

1 SAMUEL 12:5

Samuel tél ədadə́ ɓáý to̰ na: De kə́ kum tə́ gə̄ i Kɔ́ɔ̄ɓē nin̄ kə mbangāá. Nin̄ a̰a̰n̄ kadə̄ sḭḭ̄ ə́ngeī yá̰á̰ kógə̄ḿ jīḿ tə́ ɓōólaā alé. De gə̄ tél ədanən̄ na: I rɔ̄kum.

NDŪ NAJƏ̄ 1:16

Tā anī m-ə́dá ngé gān̄g sarya yāsí gə̄ na: Ī-nēlī mbīsí majə ōōīneé najə gə̄ ń ngákó̰ó̰sí gə̄ a reēn̄neé rɔ̄sí tə́ ní. Ī-gāngī sarya kə́ dɔ dáń ngán Israel gə̄ tə́ kə naá, aké i kə́ dɔ dáńdə́ tə́ kə tə̄rā gə̄ ń ndin̄ ɓēé loodə́ ní kə gōó.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

TA KƏLA 31:53

Ādə̄ Nə́ɓā yā Abəraham ō, Nə́ɓā yā Nahor ō, gāngə̄n̄ sarya kə́ dɔ dáńjí tə́. Loo ń noō tə́ Jakob túbə kə rī Nə́ɓā ń bɔbə̄n Isaak a ɓōlə́n ní.

TA KƏLA 21:23

Adə̄ ə̄nī míndí kə rī Nə́ɓāá ādə̄m̄ kadə̄ ā ī-gólə̄m̄ mā aĺ ō, ngánə́ḿ gə̄ aĺ ō, ngán kaaḿ gə̄ aĺ ō. Tītə̄ ń m̄-rāań kem majə seí ní, ī-rāā kem majə seḿ ō, kə ɓē ń ī-ndi tū tə́ toō ō.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

NGÉ SARYA 11:9

Jepte ədadə́ na: Ré ī-téliī seḿ kadə̄ m-āw̄ m̄-rɔ̄ɔ̄ ngán Amon gə̄ ō, Kɔ́ɔ̄ɓē aw̄ əladə́ kem jīḿ tə́ ō anī i mā n m-ā m-ó̰o̰ ɓē dɔsí tə́ ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.