NGÉ SARYA 11:1 - Bibəl ta Sar̄

¹ Jepte ń i go̰ rɔ̄ɔ̄ kógə̄ḿ kə́ Galaad ní, ngōn̄ dəyá̰ kógə̄ḿ kə́ nge rāā ájə́ba. Rī bɔbə̄ kojən na i Galaad.

Bible sar

¹ Jepte ń i go̰ rɔ̄ɔ̄ kógə̄ḿ kə́ Galaad ní, ngōn̄ dəyá̰ kógə̄ḿ kə́ nge rāā ájə́ba. Rī bɔbə̄ kojən na i Galaad.

NGÉ SARYA 11:1 Referans Kwoze

HEBƏRO 11:32

I najə̄ rí n kə m-ə́dá ɓáý? Kum mbang kə́ yā kadə̄ m-ɔ̄rəń gír najə̄ yā Jedeo̰ ō, Barak ō, Samso̰ ō, Jepte ō, Dabid ō, Samuel ō, ngé koō ta gə̄ ō, kə ta njaá gətóo.

2 MBAN̄G 5:1

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

NGÉ SARYA 6:12

Nge kaw̄ kəla yā Kɔ́ɔ̄ɓē ndɔ̄w̄n ba ədan na: Go̰ rɔ̄ɔ̄, Kɔ́ɔ̄ɓē i naā tə́ seí.

NGÉ SARYA 10:18

Ngán Israel gə̄ ń ndin̄ dɔ nang kə́ Galaad tə́ ní ō, ngār yādə́ gə̄ ō, ədan̄ naā na: I náā n a aw̄ yā rɔ̄ɔ̄ ngán Amon gə̄ ní? Deē ń a aw̄ ní kɔ́ɔ̄ a ndi ngār dɔ de gə̄ malang kə́ dɔ nang kə́ Galaad tə́.

NGÉ SARYA 11:2

Dəyá̰ jī Galaad ojə ngán gə̄ ō. Adə̄ dan ń nin̄ tɔgən̄ anī tə̄ɓān̄ Jepte kɔ̄ɔ́. Nin̄ ədanən̄ na: Ā ə́ngé yá̰a̰ ndəbā yā bɔbə̄jí alé, tɔdɔ̄ ḭ̄ i ngōn̄ dəyá̰ kə́ rang.

1 SAMUEL 12:11

Anī Kɔ́ɔ̄ɓē əla Jedeo̰ ō, Bedan ō, Jepte ō, adə̄ gāngə̄n̄ dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní. Ta tɔ̄l̄ ta tə́ anī əlam̄ mā Samuel adə̄ m̄-gān̄g dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní ō. I beé n ī-ndiīneé kem ɓēé kanjə̄ sōl̄ yá̰á̰ kógə̄ḿ ní.