NGÉ SARYA 10:7 - Bibəl ta Sar̄

⁷ Loo ń noō tə́ wōn̄g rāā Kɔ́ɔ̄ɓē sedə́ adə̄ əladə́ kem jī Pilistin gə̄ tə́ ō, ngán Amon gə̄ tə́ ō.

Bible sar

⁷ Loo ń noō tə́ wōn̄g rāā Kɔ́ɔ̄ɓē sedə́ adə̄ əladə́ kem jī Pilistin gə̄ tə́ ō, ngán Amon gə̄ tə́ ō.

NGÉ SARYA 10:7 Referans Kwoze

NGÉ SARYA 2:14

Adə̄ wōn̄g rāā Kɔ́ɔ̄ɓē kə ngán Israel gēé. Ni-əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, əladə́ jī madə̄ ba̰ā̰də́ gə̄ ń ndi gīrə̄n̄ gidədə́ ní tə́ ō. Adə̄ ngán Israel gə̄ asən̄ dum̄ tadə́ to̰ alé.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

NAHUM 1:2

Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

PĀ GƏ̄ 74:1

Pā kə́ kəda, i pā yā Asap. Nə́ɓā, ī-mbātə́jí njɔ́ḿ i tām̄ rí tə́? Jḭḭ ń i ɓūtə̄ yá̰a̰ kul̄ gə̄ kə́ i ḭ̄ n i nge kul̄jí ní, wōn̄g rāāī sejí ngá̰ý i tām̄ rí tə́?

PĀ GƏ̄ 44:12

Ḭ̄ ə́lájí kem jīdə́ tə́ tītə̄ batə̄ gə̄ kə́ aw̄n̄ sedə́ kə̄ loo tɔ̄l̄də́ tə́ beē. Ḭ̄ ī-tə̄ndā ī-tḭ̄jí kə̄ dan nápar de gə̄ tə́.

NGÉ SARYA 4:2

adə̄ Kɔ́ɔ̄ɓē əladə́ kem jī Yabin mban̄g kə́ dɔ nang kə́ Kanaan tə́ ń ndi kem ɓē kə́ Hasor tə́ ní. Ngol áskar gə̄ yā Yabin i Sisəra. Ni-ndi kem ɓē kə́ Haroset Goim tə́.

NGÉ SARYA 10:8

Adə̄ ɓāl̄ ń noō tə́ ní tetən̄də́ rɔ̄ɔ̄ ō, kem ɓāl̄ kutə gidə i sɔ́sɔ́ ní rāān̄ ngán Israel gə̄ ń ndin̄ gidə bā Jurdḛ kə́ dām̄ kə́ nú tə́ dɔ nang yā Amor gə̄ tə́ gō nang kə́ Galaad tə́ ní kə́ tōr̄ gə̄ ō, rāān̄ kumdə́ ndoō tə́ ō.

NGÉ SARYA 6:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.

NGÉ SARYA 13:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Pilistin gə̄ tə́ ɓāl̄ kutə sɔ́.