NGÉ SARYA 10:6 - Bibəl ta Sar̄

⁶ Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

Bible sar

⁶ Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ *Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

NGÉ SARYA 10:6 Referans Kwoze

2 MBAN̄G 23:13

Ni-rāā adə̄ majaĺ tákə̄ loo ndɔ̄ȳ gə̄ ń ran̄ sɔɔ̄ ta ɓē kə́ Jerusalem ní. Ré deē ra mbal̄ kāgə̄ olibə gə̄ tə́ anī, loo ndɔ̄ȳ gə̄ ní ran̄ i kə̄ dām̄ mbɔ́r ɓē kə́ geleé tə́. Salomo̰ mban̄g kə́ Israel rāā loo ndɔ̄ȳ gə̄ ní kété adə̄ i Astarte ń i ɓesə̄ kə́ majaĺ ngá̰ý yā Sidon gə̄ ní ō, adə̄ i Kemos ń i ɓesə̄ kə́ majaĺ ngá̰ý yā Moab gə̄ ō, Milkom ń i ɓesə̄ kə́ majaĺ ngá̰ý yā Amon gə̄ ní ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

1 MBAN̄G GƏ̄ 11:5

Salomo̰ rāā ɓesə̄ Astarte ń i ɓesə̄ kə́ dəyá̰ yā Sidon gə̄ ní ō, rāā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní ō.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

PĀ GƏ̄ 106:36

Dan ń rāān̄ ɓesə̄ yādə́ gə̄ tītə̄ ń toō ní, əsōn̄ i kum gūmbə̄ ń əyān̄ nodə́ tə́ ní.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

NGÉ SARYA 16:23

Ndɔ̄ kə́rēý tə́ anī mban̄g gə̄ yā Pilistin gə̄ kánə̄n̄ naā yā tun̄ yá̰a̰ kadə̄ nə́ɓā yādə́ ń rīn na i Dagon ní ō, yā rāań rɔ̄nel̄ ō. Nin̄ ədan̄ na i nə́ɓā yādə́ n na əla madə̄ ba̰ā̰də́ Samso̰ kem jīdə́ tə́ ní.

2 YÁ̰A̰ GƏ̄ 28:23

Ni tun̄ yá̰a̰ adə̄ nə́ɓā gə̄ kə́ Damas ń tetənən̄ rɔ̄ɔ̄ ní ba əda na: Nə́ɓā gə̄ yā mban̄g Aram gə̄ dḭḭ̄n̄də́, adə̄ i nin̄ n m̄-tun̄ yá̰a̰ m-ādə̄də́ kadə̄ dḭḭ̄mə̄n̄neé ní.

1 MBAN̄G GƏ̄ 16:31

Majaĺ gə̄ yā Jeroboam ngōn̄ Nebat ń ni ndájə̄ ní asən aĺ ɓáý, adə̄ taā Jesabel ngōn̄ Etəbaal mban̄g yā Sidon gə̄ ɓáý to̰ ō, ɔsə non nang tə́ no ɓesə̄ Baal tə́ ō.

1 SAMUEL 5:2

ba aw̄ əndān̄ kem kújə ɓesə̄ yādə́ tə́. Rī ɓesə̄ ní na i Dagon. Nin̄ əndān̄ sandúkə yā Nə́ɓā ní i kadə Dagon tə́.

NGÉ SARYA 13:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Pilistin gə̄ tə́ ɓāl̄ kutə sɔ́.

NGÉ SARYA 6:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Madian gə̄ tə́ ɓāl̄ sīrí.

NGÉ SARYA 4:1

Dan ń Ehud oy kɔ̄ɔ́ anī ngán Israel gə̄ tél rāān̄ yá̰á̰ kə́ nel̄ Kɔ́ɔ̄ɓē aĺ ɓáý to̰

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

JOJUE 13:31

un núsə dɔ nang kə́ Galaad ō, Asətarot nin̄ kə́ Edrey ń kété i ɓē bo gə̄ yā Og mban̄g kə́ Basan ní ō kemeé. I dɔ nang ń noō malang n adə̄n̄ núsə́ ngán kaa Makir kə́ ngōn̄ Manase kə gō gír kaa yādə́ gēé ní.

NGÉ SARYA 10:5

Yair oy adə̄ dubə̄nən̄ Kamon.

NGÉ SARYA 11:24

Nge ń ɓesə̄ yāí Kemos adī ní i gír jīí tə́ aĺ ɓáý a? Ní yá̰a̰ malang ń Kɔ́ɔ̄ɓē Nə́ɓā yājí adə̄jí ní kə j-ənge aĺ a?

IJAI 23:4

Ḭ̄ ɓē kə́ Sidon, ḭ̄ ń i loo ɓɔ̄ɔ̄ rɔ̄ yā bā bo ní, ādə̄ rɔ̄í sɔlī. Tām̄ bā bo ɔr̄ najə̄ i beé: m̄-ndigə kadə̄ rɔ̄ḿ gə̄ tōr̄mə̄n̄ aĺ ō, m̄-ndigə kojə ngán gə̄ aĺ ō. m̄-ndigə kətō ngáń kə́ dəngam gə̄ aĺ ō, m̄-ndigə ngɔ̄m̄ ngáń kə́ dəyá̰ gə̄ kadə̄ tɔgən̄ aĺ ō.

EJEKIEL 27:16

Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ lḛ́ḛ gə̄ ō, i məde kɔ̄l̄ gə̄ ō, i mbal̄ rubis gə̄ ō gírí n taānəń yá̰a̰ gə̄ ní.

NDŪ NAJƏ̄ 13:6

Banī a tɔ̄lə̄n̄ nge koō ta aláa nge nī rāā gə̄ ń toō kɔ̄ɔ́. Tām̄ ni mēr̄sí tūr̄ gidəsí kɔ̄ɔ́ ta Kɔ́ɔ̄ɓē ń i Nə́ɓā ń ɔr̄sí ɓəloó kɔ̄ɔ́ ō, teē sesí kɔ̄ɔ́ kem ɓē kə́ Ejiptə tə́ ō ní. A tɔ̄l̄nən̄ kɔ̄ɔ́ tām̄ ni sāā kadə̄ ī-tɔ̄ɔ̄ī kɔ̄ɔ́ gō róbə́ ń Kɔ́ɔ̄ɓē Nə́ɓā yāsí mēr̄sí kun tə́ ní. I beé n ā ɔ̄rīneé majaĺ kɔ̄ɔ́ dɔ dáńsí tə́ ní.

NDŪ NAJƏ̄ 13:8

nə́ɓā gə̄ ń gír de kə́ rang gə̄ ń ndin̄ ngɔr, aké sa̰y rɔ̄sí tə́ a ndɔ̄ȳn̄də́ ta ngóy dɔ nang kə́rēý tə́ bátə́ ta ngóy dɔ nang kə́ noō tə́ ní.

NGÉ SARYA 8:33

Dan ń Jedeo̰ oy kɔ̄ɔ́ ní ngán Israel gə̄ tél ndɔ̄ȳn̄ ɓesə̄ Baal gə̄ ɓáý to̰. Nin̄ rāān̄ Baal Berit i nə́ɓā yādə́ tə́.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.