NGÉ SARYA 10:11 - Bibəl ta Sar̄

¹¹ Kɔ́ɔ̄ɓē tél ədadə́ na: Dan ń de kə́ Ejiptə gə̄ ō, Amor gə̄ ō, ngán Amon gə̄ ō, Pilistin gə̄ ō,

Bible sar

¹¹ Kɔ́ɔ̄ɓē tél ədadə́ na: Dan ń de kə́ Ejiptə gə̄ ō, *Amor gə̄ ō, ngán Amon gə̄ ō, Pilistin gə̄ ō,

NGÉ SARYA 10:11 Referans Kwoze

NGÉ SARYA 3:31

De kə́ utə̄ gō Ehud i Samgar ngōn̄ Anat. Ni-tɔ̄l̄ Pilistin gə̄ ɓú mehḛ́ kə kāgə̄ rāā gír man̄g gēé. Ni-ajə ngán Israel gə̄ ō.

Teē Ngán Israel gə̄ 14:30

Ndɔ̄ ń noō tə́ Kɔ́ɔ̄ɓē gān̄g dɔ ngán Israel gə̄ jī de kə́ Ejiptə gə̄ tə́, adə̄ ngán Israel gə̄ a̰a̰n̄ nīń de kə́ Ejiptə gə̄ ta gógə́ tə́.

HEBƏRO 11:29

I kə ta kūl̄ taā kem n ngán Israel gə̄ gāngə̄n̄ bā ń a ɓār̄nən̄ kə́ kərē tītə̄ dɔ nang kə́ man̄ gətóo tū tə́ ní. Ba dan ń de kə́ Ejiptə gə̄ nāān̄ rāā tītə̄ yādə́ anī man̄ ɔr tan dɔdə́ tə́.

1 SAMUEL 12:8

Dan ń Jakob ugə̄ dɔ nang kə́ Ejiptə tə́ ní, kaasí gə̄ nōōn̄ kə̄ dɔ Kɔ́ɔ̄ɓē tə́ adə̄ Kɔ́ɔ̄ɓē əla Moijə nin̄ kə Aaro̰ adə̄ aw̄ teēn̄ sedə́ kɔ̄ɔ́ kem ɓē kə́ Ejiptə tə́, ba reēn̄ sedə́ əndān̄də́ i loo ń toō tə́ laā.

TƏ́DA 21:35

Ngán Israel gə̄ tetən̄ mban̄g Og rɔ̄ɔ̄ naā tə́ kə́ ngánən gə̄ ō, ngé rɔ̄ɔ̄ yān gə̄ malang ō. Nin̄ əya̰n̄ deē kógə̄ḿ kə kumuú aĺ ō, taān̄ dɔ nang yān ndin̄ tū tə́ ō.

NGÉ SARYA 2:12

Əya̰n̄ Kɔ́ɔ̄ɓē Nə́ɓā yā kaadə́ gə̄ ń teē sedə́ kem ɓē kə́ Ejiptə tə́ ni kɔ̄ɔ́ ba unən̄ gō ɓesə̄ gə̄ yā gír de gə̄ ń ndin̄ gīrə̄n̄ gidədə́ ní. Nin̄ ɔsən̄ nodə́ nang tə́ no ɓesə̄ gə̄ ní tə́ rɔȳn̄də́ adə̄ wōn̄g rāā Kɔ́ɔ̄ɓē.

NGÉ SARYA 3:28

Ni-ədadə́ na: Úniī gōḿ tɔdɔ̄ madə̄ ba̰ā̰sí gə̄ ń i de gə̄ kə́ dɔ nang kə́ Moab tə́ ní, Kɔ́ɔ̄ɓē əladə́ kem jīsí tə́ kɔ̄ɔ́ ɓá. Ngán Israel unən̄ gō Ehud, aw̄ taān̄ loo kudə Jurdḛ yā Moab gə̄. Əya̰n̄ deē kógə̄ḿ adə̄ mān̄ tū tə́ alé.