NGÉ SARYA 1:7 - Bibəl ta Sar̄

⁷ Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé Jerusalem adə̄ ni-oy i noó.

Bible sar

⁷ Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé *Jerusalem adə̄ ni-oy i noó.

NGÉ SARYA 1:7 Referans Kwoze

1 SAMUEL 15:33

Banī Samuel əda Agag na: Kaskar yāí rāā adə̄ dəyá̰ gə̄ nalən̄ ngáńdə́ gə̄ ní, kó̰ó̰í a nal̄ ngōnən dan dəyá̰ madə̄n gə̄ tə́ ō. Loo ń noō tə́ Samuel tɔ̄l̄ Agag ta kum Kɔ́ɔ̄ɓē tə́ Gilgal.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

Teē Ngán Israel gə̄ 29:20

Ā ə́já míndə bal batə̄ ní, ā ī-taā mósən yā rāā ta mbī Aaro̰ nin̄ kə ngánən gēé tə́, ta mbīdə́ kə́ ko̰ó̰ tə́. Ā ī-rāā ta bo jīdə́ kə́ ko̰ó̰ tə́ ō, ta bo njadə́ kə́ ko̰ó̰ tə́ ō. Gotə mósə́ ń a na̰y ní ā ī-rāā dɔ*lo tun̄ yá̰á̰ tə́ kadə̄ gīr̄ gidə.

NGÉ SARYA 1:6

Adoni Bejek teē a̰ȳ, banī ngɔ̄də̄n̄ gōn aw̄ əhɔnən̄ ba gángə̄n̄ ta bo jīn gə̄ kə ta bo njan gə̄ kɔ̄ɔ́.

NGÉ SARYA 9:24

Tɔdɔ̄ i gáŕ kadə̄ najə̄ əsō dɔdə́ tə́ tām̄ yá̰á̰ kə́ majaĺ ngá̰ý ń rāān̄ kə ngán Yerubaal kə́ kutə sīrí gə̄ ní tə́ ō, kadə̄ mósə əsō dɔ Abimelek ń tɔ̄l̄ ngákó̰o̰n gə̄ ní tə́ ō, dɔ de kə́ Sisem gə̄ ń sə̄lānən̄ kadə̄ tɔ̄l̄də́ ní tə́ ō.

NGÉ SARYA 9:57

rāā adə̄ kem ndul yā de kə́ Sisem gə̄ tél na̰y dɔdə́ tə́ ō. Ndɔ̄ĺ ń Yotam ngōn̄ Yerubaal ndɔ̄ĺdə́ ní rāādə́ i tītə̄ ń noō.

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.