NGÉ SARYA 1:23 - Bibəl ta Sar̄

²³ Ta kəga dɔ ní əlan̄ de gə̄ adə̄ aw̄ əndān̄ ma̰ȳ ɓē kə́ Betel. Kété ní rī Betel na i Lujə.

Bible sar

²³ Ta kəga dɔ ní əlan̄ de gə̄ adə̄ aw̄ əndān̄ ma̰ȳ ɓē kə́ Betel. Kété ní rī Betel na i Lujə.

NGÉ SARYA 1:23 Referans Kwoze

TA KƏLA 28:19

Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.

TA KƏLA 48:3

Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́.

TA KƏLA 35:6

Jakob ō, de gə̄ ń seneé malang ní ō, reēn̄ ugə̄n̄ Lujə ń i Betel ní, dɔ nang kə́ Kanaan tə́.

NGÉ SARYA 18:2

Nin̄ gə̄rān̄ go̰ rɔ̄ɔ̄ gə̄ mí dáńdə́ tə́ kadə̄ ḭḭn̄ kem ɓē kə́ Sora tə́ ō, Esətaol tə́ ō, kadə̄ aw̄ əndān̄ ma̰ȳ loo. De kə́ mí gə̄ ní aw̄ ugə̄n̄ ɓē Mika, gō nang kə́ mbalá yā Epəraim tə́ ba tan̄ looneé.

JOJUE 7:2

Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

JOJUE 18:13

Ra nuú gān̄g Lujə, ba teē kadə Lujə kə́ dām̄ mbɔ́r ɓē kə́ geleé tə́ a ɓārə́n̄ na i Betel ní, gō tə́ anī risə dɔ mbal̄ ń deē ra Bet Horon kə́ ta wóĺ tə́ anī i kə̄ dām̄ mbɔ́r ɓē kə́ geleé tə́ ní ba aw̄ Atarot Adar.

NGÉ SARYA 1:22

Epəraim gə̄ ō, Manase gə̄ ō ń nin̄ i ngán Jəjep gə̄ ní, aw̄ rɔ̄ɔ̄n̄ ɓē kə́ Betel ba Kɔ́ɔ̄ɓē i naā tə́ sedə́.

JOJUE 16:1

Dɔ nang ń adə̄n̄ ngán Jəjep ní, i dɔ nang ń dɔ ninə̄n əla gír bā Jurdḛ tə́ kadə̄ ɓē kə́ Jeriko tə́ ní. Ré deē ra ta kəɓa man̄ kə́ Jeriko tə́ anī, i kə̄ dām̄ kə́ gír ɓē tə́. Dɔ nin̄ dɔ nang ní ḭḭ Jeriko, teē dəla loo tə́ ba əta tan kə̄ dɔɔ́ aw̄ mbal̄ kə́ Betel tə́.

JOJUE 16:2

Ḭḭ Betel aw̄ Lujə, ra nuú gān̄g ɓē kə́ Atarot ń Arki gə̄ ndin̄ kemeé tə́ ní.