NGÉ SARYA 1:10 - Bibəl ta Sar̄

¹⁰ Rɔ̄ɔ̄n̄ de kə́ Hebron gə̄ ō. Kété ní rī ɓē kə́ Hebron na i Kiryat Arba, adə̄ tɔ̄lə̄n̄ Sesay gə̄ ō, Ahiman gə̄ ō, Talmai gə̄ ō.

Bible sar

¹⁰ Rɔ̄ɔ̄n̄ de kə́ Hebron gə̄ ō. Kété ní rī ɓē kə́ Hebron na i Kiryat Arba, adə̄ tɔ̄lə̄n̄ Sesay gə̄ ō, Ahiman gə̄ ō, Talmai gə̄ ō.

NGÉ SARYA 1:10 Referans Kwoze

JOJUE 14:15

Kété ní rī ɓē kə́ Hebron na i Kiryat Arba. Arba i deē kógə̄ḿ kə́ bo tɔȳ madə̄n gə̄ malang dan ngán Anak gə̄ tə́. Loo ń noō tə́ de gə̄ ndin̄ lɔm tɔdɔ̄ rɔ̄ɔ̄ gətóo kem ɓēé.

TƏ́DA 13:22

Nin̄ unən̄ gō nang kə́ Negeb ba aw̄n̄ bátə́ ugə̄n̄ Hebron, loo ń ngán Anak gə̄ ń, rīdə́ na i Ahiman ō, Sesay ō, Talmai ō, ndin̄ tū tə́ ní. Rāān̄ ɓē kə́ Hebron adə̄ rāā ɓāl̄ sīrí pá tá rāān̄ ɓē kə́ Soan kə́ dɔ nang kə́ Ejiptə tə́ ɓáý.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

NGÉ SARYA 1:20

Adə̄n̄ Kaleb ɓē kə́ Hebron tītə̄ń Moijə ədań ní, adə̄ taā ɓē ní jī ngán Anak gə̄ ń ndin̄ gír loo mətá tə́ ní.

TƏ́DA 13:33

J-a̰a̰ de kə́ ngāl̄ ngá̰ý gə̄ kə́ gír kaa yā Anak tə́ dɔ nang ní tə́. J-a̰a̰ rɔ̄jí tītə̄ gaẃ gə̄ ta kumdə́ tə́ ō, nin̄ a̰a̰n̄jí ɓáa jə-to tītə̄ ń noō rɔ̄kum ō.

TA KƏLA 23:2

Ni-oy i Kiryat Arba ń i Hebron ní, dɔ nang kə́ Kanaan tə́. Abəraham nōō nə̄yá̰n.

TA KƏLA 37:14

Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́. Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem.

JOJUE 10:36

Jojue nin̄ kə ngán Israel gēé malang ḭḭn̄ Egəlon aw̄n̄ Hebron, aw̄ ənīn̄ ɓē kə́ Hebron rɔ̄ɔ̄.

NGÉ SARYA 1:9

Gō tə́ anī aw̄ rɔ̄ɔ̄n̄ Kanaan gə̄ ń ndin̄ gō nang kə́ mbalá tə́ ō, kə́ Negeb tə́ ō, gō nang kə́ mbal̄ bo gətóo tū tə́ tə́ ō ní.