NGÉ SARYA 1:1 - Bibəl ta Sar̄

¹ Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

Bible sar

¹ Dan ń Jojue oy kɔ̄ɔ́ anī ngán *Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

NGÉ SARYA 1:1 Referans Kwoze

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

NGÉ SARYA 1:27

Manse gə̄ tə̄ɓān̄ de gə̄ kə́ kem ɓē kə́ Bet Sean tə́ aĺ ō, Tanak tə́ aĺ ō, Dor tə́ aĺ ō, Ibəleam tə́ aĺ ō, Megido tə́ aĺ ō. Tə̄ɓān̄ de gə̄ ń ndin̄ kem ngán ɓē gə̄ ń ɓē gə̄ ń noō o̰o̰n̄ ɓē dɔ tə́ ní aĺ ō. Adə̄ Kanaan gə̄ ndin̄ dɔ nang ní tə́ kə̄ nodə́ tə́.

Teē Ngán Israel gə̄ 28:30

Ā ī-ɓōkə́ urim ō, tumim ō, kem pekətoral gān̄g sarya yā Nə́ɓā tə́ kadə̄ ré Aaro̰ a aw̄ kə̄ ta kum Kɔ́ɔ̄ɓē tə́ anī, ton̄ dɔ nganjən tə́, adə̄ Aaro̰ a ətō sarya yā ngán Israel gə̄ dɔ nganjən tə́ ta kum Kɔ́ɔ̄ɓē tə́ ngándáńg.

NGÉ SARYA 2:21

Ní m-ā m̄-tə̄ɓā nápar de gə̄ ń Jojue tə̄ɓādə́ aĺ ɓáý ba oy ní kɔ̄ɔ́ nodə́ tə́ aĺ ō.

Teē Ngán Israel gə̄ 18:15

Anī Moijə tél əda umən na ngán Israel gə̄ na reēn̄ rɔ̄n tə́ na i yā kadə Nə́ɓā kə gān̄g sarya yādə́.

NGÉ SARYA 2:8

Dan ń Jojue ngōn̄ Nun kə́ nge kəla yā Kɔ́ɔ̄ɓē oy ní ɓālə̄n i ɓú kə kutə kógə̄ḿ.

NGÉ SARYA 2:9

Dubə̄nən̄ i dɔ nang ń adə̄nən̄ tə́ ní, kem ɓē kə́ Timnat Heres tə́, gō nang kə́ mbalá yā Epəraim tə́. Ré deē ra mbal̄ Gaas tə́ anī loo ń dubə̄nən̄ tū tə́ ní i kə̄ dām̄ mbɔ́r ɓē kə́ ko̰ó̰ tə́.

NGÉ SARYA 20:27

Dan ń noō tə́ ní sandúkə madə̄ naā yā Nə́ɓā ndi i Betel. Ba i Pinas ngōn̄ Eleajar kə́ ngōn̄ Aaro̰ n i nge ra no sandúkə ní tə́. Ngán Israel gə̄ aw̄n̄ koō ta Kɔ́ɔ̄ɓē tə́ yā dəjenəń ké kə n-aw̄ n-ənīn̄ ngán Benjamḛ gə̄ ń i ngákó̰ó̰də́ gə̄ ní rɔ̄ɔ̄ aké kə n-lōōn̄ gírí wa? Anī Kɔ́ɔ̄ɓē tél ədadə́ na kə aw̄ kə rɔ̄ɔ̄n̄də́, tɔdɔ̄ bírí n-a n-əlādə́ kem jīdə́ tə́.

1 SAMUEL 10:22

Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

1 MBAN̄G GƏ̄ 22:5

Josapat əda mban̄g kə́ Israel tə́ ɓáý to̰ na kə oō yā Kɔ́ɔ̄ɓē pá tá.