NEHEMI 9:8 - Bibəl ta Sar̄

⁸ Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

Bible sar

⁸ Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō *Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

NEHEMI 9:8 Referans Kwoze

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

TA KƏLA 15:6

Abəram taā kem Kɔ́ɔ̄ɓē, adə̄ i tām̄ ń noō tə́ n Kɔ́ɔ̄ɓē rāānəń de kə́ súmūú tə́ ní.

JOJUE 23:14

Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

HEBƏRO 11:17

Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

JOJUE 11:3

Kanaan gə̄ ń ndin̄ i dām̄ kə́ gír ɓē tə́ ō, no ɓē tə́ ō, Amor gə̄ kə Het gə̄ kə Periji gə̄ kə Yebus gə̄ ndin̄ i dɔ mbalá ō, Hibi gə̄ ndin̄ i nja mbal̄ Hermon tə́ gō nang kə́ Misəpa tə́ ō.

JOJUE 9:1

Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,

NDŪ NAJƏ̄ 26:3

Āw̄ ə́nge nge tun̄ yá̰á̰ ń a rāā kəla ndɔ̄ ń noō tə́ ní ba ə́dan na: M-ə́dá Kɔ́ɔ̄ɓē Nə́ɓā yāí ɓōólaā na m-ūgə̄ dɔ nang ń ənī ndūn adə̄ kaají gə̄ yā kadə̄jí ní tə́.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

PĀ GƏ̄ 116:5

Kɔ́ɔ̄ɓē i nge kem ndaa ō, ni i de kə́ súmūú ō. Kum Nə́ɓā yājí a o̰o̰n tām̄ yā deē tə́.

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

2 SAMUEL 22:31

Róbə yā Nə́ɓā i róbə́ kə́ majə ɔtə̄ ta. Najə̄ yā Kɔ́ɔ̄ɓē rāā yá̰á̰ kə́ ɔjə kadə̄ i najə̄ kə́ rɔ̄kum. Kɔ́ɔ̄ɓē i der yā de gə̄ malang ń a nam̄nən̄ ní.

1 YÁ̰A̰ GƏ̄ 1:14

Yebus gə̄ ō, Amor gə̄ ō, Girgas gə̄ ō,

1 YÁ̰A̰ GƏ̄ 16:16

Madə̄ naā ní i madə̄ naā ń ni-əhɔ kə Abəraham ō, túbə adə̄ Isaak najə̄n tə́ ɔjəń kə̄ ndágá kadə̄ i rɔ̄kum ō,

ESDRAS 9:15

Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.

NEHEMI 9:33

Ḭ̄ i de kə́ gōtə́ dan yá̰a̰ gə̄ malang ń teēn̄ dɔjí tə́ ní, tɔdɔ̄ ḭ̄ ī-rāā i yá̰á̰ kə́ rɔ̄kum, banī jḭḭ jə-rāā i kem ndul.

EJEKIEL 33:24

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.