NEHEMI 9:5 - Bibəl ta Sar̄

⁵ Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

Bible sar

⁵ Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i *ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

NEHEMI 9:5 Referans Kwoze

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

ESDRAS 3:11

Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

1 YÁ̰A̰ GƏ̄ 29:13

Nə́ɓā yājí, i tām̄ najə̄ ń noō tə́ n j-ɔsəń gɔnií ō, jə-tɔ̄yń rīí kə́ majə ngá̰ý ō ní.

PĀ GƏ̄ 146:2

M-ā m̄-tɔ̄ȳ Kɔ́ɔ̄ɓē kə dɔ ndɔ̄ gə̄ malang ń m-ā m̄-ndiń kə kumḿ ní. Gotə ndɔ̄ gə̄ malang ń m-ā m̄-ndiń kə kumḿ ní, m-ā m-ə̄nī pā tām̄ yā Nə́ɓā yāḿ tə́.

PĀ GƏ̄ 145:5

M-ā m̄-tél yā kənī gotə yá̰á̰ kə́ yáā gə̄ ń ī-rāā ní ō, kənī gotə kɔsə gɔn yāí ń ndə́lē ní ō,

PĀ GƏ̄ 145:2

M-ā m̄-tɔ̄yī kə dɔ ndɔ̄ gə̄ ō, m-ā m̄-tɔ̄ȳ rīí ngándáńg ō.

PĀ GƏ̄ 134:1

Sḭḭ̄ ngé kəla gə̄ yā Kɔ́ɔ̄ɓē malang ń ndɔ̄ɔ́ anī ā ī-raī kə njasí dɔɔ́ kem kújə yā Kɔ́ɔ̄ɓē tə́ ní, ī-tɔ̄yī Kɔ́ɔ̄ɓē!

PĀ GƏ̄ 106:2

I náā n asə kɔjə gotə yá̰á̰ kə́ bo gə̄ ń Kɔ́ɔ̄ɓē rāā ní ō, asə tɔ̄ȳ Kɔ́ɔ̄ɓē kə̄ loo gə̄ tə́ malang kadə̄ de gə̄ oōn̄ ō ní?

PĀ GƏ̄ 16:2

M-ə́dá Kɔ́ɔ̄ɓē na i ni n i Kɔ́ɔ̄ɓē ní. m̄-ndi rɔ̄ Kɔ́ɔ̄ɓē tə́ anī m̄-ndi majə ngá̰ý.

2 YÁ̰A̰ GƏ̄ 20:19

Gō tə́ anī ngán Lebi gə̄ kə́ gír kaa yā Kehat tə́ ō, yā Kore tə́ ō, ḭḭn̄ dɔɔ́ ba unən̄ ndūdə́ kə̄ dɔɔ́ tɔ̄ȳn̄neé Kɔ́ɔ̄ɓē Nə́ɓā yā Israel gə̄ kə tɔ́gɔ́.

2 YÁ̰A̰ GƏ̄ 20:13

Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

1 YÁ̰A̰ GƏ̄ 29:11

Kɔ́ɔ̄ɓē, ḭ̄ i de kə́ bo ō, tɔ́gí i ngá̰ý ō, ī-ndə́lē pipir ō, ī-to ɓōĺ ō, ī-to kadə̄ ɔsən̄ gɔnií ō, tɔdɔ̄ yá̰a̰ malang kə́ dɔ rā̰ tə́ ō, kə́ dɔ nang tə́ ō i yāí. Ko̰o̰ ɓē i yāí ō, i ḭ̄ n i dɔ de gə̄ tə́ malang ō ní.

1 MBAN̄G GƏ̄ 8:27

Ba Nə́ɓā a ndi ɓē dɔ nang tə́ kə de gēé a? De rāā ń laa ngá̰ý ní gə̄gē ba asə ndin aĺ anī kújə́ ń m̄-rāā ní tá a asə i ba̰ý?

1 MBAN̄G GƏ̄ 8:22

Gō tə́ anī Salomo̰ aw̄ ra ta loo tun̄ yá̰a̰ yā Kɔ́ɔ̄ɓē tə́, ta kum ngán Israel gə̄ malang ń kánə̄n̄ naā tə́ ní, ɔy jīn kə̄ dɔɔ́

1 MBAN̄G GƏ̄ 8:14

Ngán Israel gə̄ ń kánə̄n̄ naā ní ran̄ i kə njadə́ dɔɔ́ malang. Mban̄g Salomo̰ tūr̄ kumən kə̄ rɔ̄də́ tə́ ō, tɔ́r̄ tan dɔdə́ tə́ ō,

NDŪ NAJƏ̄ 28:58

Ré ī-ɓōĺ rī kə́ to kɔsə gɔn ō, to ɓōĺ ō ń i Kɔ́ɔ̄ɓē Nə́ɓā yāí ní alé, adə̄ ə̄ndā kumií gíŕ yá̰á̰ kə́ yā rāā gə̄ ń ndū najə̄ yā Nə́ɓā əda malang á ndangən̄ kem makətūbə̄ ń toō tə́ ní ī-rāā aĺ anī,

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

Teē Ngán Israel gə̄ 15:6

Kɔ́ɔ̄ɓē, tɔ́gə jī ko̰í i ngá̰ý, I tɔ́gə jīí ngeé ń toō n a tə̄ndā madə̄ ba̰ā̰í gə̄ a tḭ̄ḭ̄də́ kɔ̄ɔ́ ní.

1 MBAN̄G GƏ̄ 8:15

ba əda na: Ādə̄ jə-tɔ̄yī Kɔ́ɔ̄ɓē Nə́ɓā yā Israel ń ənī míndən adə̄ bɔbə́ḿ Dabid ō, rāā yá̰á̰ ń tan əda ní kə jīneé ō ní. Ni-əda bɔbə́ḿ Dabid na

NEHEMI 9:4

Yesua ō Bani ō Kadəmiel ō Sebania ō Buni ō Serebia ō Banī ō Kenani ō ɔsən̄ nang ḭḭn̄ dɔɔ́ loo yā ngán Lebi gə̄ tə́ ba nōōn̄ kə̄ dɔ Kɔ́ɔ̄ɓē Nə́ɓā yādə́ tə́ yā dəjeń kadə̄ dḭḭ̄də́.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

NGÉ SARYA 13:18

Anī nge kaw̄ kəla yā Kɔ́ɔ̄ɓē ədan na ké dəjen rīn i yā rāań rí wa? Tɔdɔ̄ na i rī kə́ majə al̄ naā ngá̰ý.

1 YÁ̰A̰ GƏ̄ 16:36

Ādə̄ de gə̄ ɓōkə́n̄ Kɔ́ɔ̄ɓē ń i Nə́ɓā yā Israel ní tɔ̄ȳ! Ī-tɔ̄yin̄ kə kum mbang gə̄ malang! Loo ń noō tə́ ngé kán̄ naā gə̄ malang unən̄ ndūdə́ kə̄ dɔɔ́ ədanə̄ń na: Adə̄ i tītə̄ ń noō, ɔ́siī gɔn Kɔ́ɔ̄ɓē!

Makətūbə̄ yā Job 1:21

ba əda na: m̄-teē kem kó̰ó̰ḿ tə́ i rɔ̄ḿ karī ō, m-ā m̄-tél yā kaw̄ gíŕ nángāá i rɔ̄ḿ karī ō. Kɔ́ɔ̄ɓē adə̄ ō, Kɔ́ɔ̄ɓē taā kɔ̄ɔ́ ō. Ādə̄ de gə̄ tɔ̄ȳn̄ rī Kɔ́ɔ̄ɓē.

PĀ GƏ̄ 66:2

Ī-tɔ̄yī rīn kə pā gēé, ɔ́siī gɔnən kə tɔ̄yɔ̄ɔ́,

PĀ GƏ̄ 99:3

Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

DANIEL 2:20

əda na: Ādə̄ jə-rāāī Nə́ɓā kə́ra kə kum mbang gə̄ malang! Tɔdɔ̄ kum kedə̄ ō tɔ́gə ō i yá̰a̰ yān gə̄.