NEHEMI 9:29 - Bibəl ta Sar̄

²⁹ Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

Bible sar

²⁹ Ī-ra sedə́ ta tél reē gogə́ dɔ *ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

NEHEMI 9:29 Referans Kwoze

NEHEMI 9:16

Banī kaají gə̄ ɔjən̄ rɔ̄də́ ō, rāān̄ dɔ ngan̄g ō, yá̰a̰ gə̄ ń ə́dádə́ kadə̄ rāān̄ ní oōn̄ aĺ ō.

LEBI GƏ̄ 18:5

Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

NEHEMI 9:10

Ī-rāā yá̰a̰ gə̄ kə́ yā kɔjəń yá̰a̰ gə̄ ō, yá̰á̰ kə́ to kɔr kum gə̄ ō, dɔ Parao̰ tə́ ō, ngé rāā kəla yān gə̄ tə́ ō, de gə̄ malang kə́ kem ɓē yān tə́ gə̄ ō. Tɔdɔ̄ ī-ger̄ kɔjə ń de kə́ Ejiptə tə́ gə̄ ɔjən̄ rɔ̄də́ dɔ kaají gə̄ tə́ ní. Adə̄ rīí ɓār̄ ngá̰ý. Rī ɓār̄ yāí ní to ɓōólaā ɓáý.

OJEE 6:5

I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.

JEREMI 43:2

Ajaria, ngōn̄ Hosaya ō, Yohanan, ngōn̄ Karea ō, kə ngé ndájə̄ najə̄ gə̄ malang ní, ədan̄ Jeremi na: Najə̄ ń ə́da noó i najə̄ kə́ rɔ̄kum alé, tɔdɔ̄ Kɔ́ɔ̄ɓē Nə́ɓā yājí əlaī kadə̄ ə́dájí na kə jə-lōō kaw̄ ɓɔ̄ɔ̄ rɔ̄jí tə́ Ejiptə tə́ alé.

GALATƏ 3:12

Ba ndū najə̄ teē i tū taā kem tə́ alé, banī deē ń rāā yá̰a̰ gə̄ ń ndū najə̄ əda ní, kɔ́ɔ̄ a ndi kə kumneé i kə ta kūl̄də́.

Makətūbə̄ ń Pol ndang adə̄ Rom gə̄ ní 10:5

Moijə nəkɔ́ ɔr̄ najə̄ kə́ sɔɔ̄ dɔ loo rāā ń ndū najə̄ a rāā de gə̄ kadə̄ télən̄ de kə́ gōtə́ gə̄ ta kum Nə́ɓā tə́ ní. Moijə ndang na deē ń rāā yá̰a̰ gə̄ ń ndū najə̄ ɔjə ní a ndi kə kumneé kə ta kūl̄ ndū najá.

Najə̄ kə́ Majə yā Jeju ń Luk ndang ní 10:28

Loo ń noō tə́ Jeju ədan na: Ī-tūr̄ najə̄ ní i gō tə́ bang. Ī-rāā yá̰a̰ gə̄ ń noō, anī ā ī-ndi kə kumií.

DANIEL 5:20

Ba dan ń ɔjə rɔ̄n ō, gán̄g rɔ̄n ō anī, mbərenən̄ kɔ̄ɔ́ dɔ kōr̄ kāgə̄ mban̄g yān tə́ ō, ɔsən̄ gɔnən to̰ aĺ ō.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.

JEREMI 44:10

Ɓōólaā gə̄gē ní nin̄ ndə̄ngān̄ rɔ̄də́ alé, ɓōlə́n̄ ndílə́ḿ alé. Nin̄ unən̄ gō róbə yāḿ gə̄ aĺ ō, unən̄ gō ndū najə̄ yāḿ gə̄ ń m̄-ndang m-ādə̄sí sḭḭ̄ ō, kaasí gə̄ ō ní aĺ ō.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

2 YÁ̰A̰ GƏ̄ 36:15

Kɔ́ɔ̄ɓē Nə́ɓā yā kaadə́ gə̄ əla ngámbang kəla yān gə̄ adə̄ tāān̄də́ kə kum mbang kə́ majaá ō, tāān̄də́ i kə̄ nja naā tə́ ō. Tām̄ kumən o̰o̰n najə̄ yā gḭ́r deē yān gə̄ tə́ ō, kújə yān tə́ ō.

2 YÁ̰A̰ GƏ̄ 24:19

Gō tə́ anī Kɔ́ɔ̄ɓē əla ngé koō ta yān gə̄ kadə̄ tél reēn̄ sedə́ gogə́ rɔ̄n tə́, banī deē oō najə̄ yādə́ alé.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

MATIYE 19:17

Anī Jeju ədan na: Ī-dəjem̄ najə̄ kə́ dɔ yá̰á̰ kə́ majə tə́ i tām̄ rí tə́? De kə́ majə i kógə̄ḿ beē ngóy. Adə̄ ré ī-gḛy kudə tū ndi kə kumuú tə́ ɓáa, ī-rāā gō míndə gə̄.

2 YÁ̰A̰ GƏ̄ 33:10

Kɔ́ɔ̄ɓē ɔr̄ najə̄ kə mban̄g Manase ō, kə gír deē yān gə̄ ō, banī de kə́ əndā kumən gírí gətóo.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

NEHEMI 13:15

Dan ngeé ń noō tə́ ní m-á̰a̰ Juda gə̄ loo mbə̄sā kan̄ kāgə̄ nduú tə́ kə njadə́ ndɔ̄ sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

JEREMI 42:19

Kɔ́ɔ̄ɓē ədasí, sḭḭ̄ Juda gə̄ ń ī-teēī ta yo tə́ ní na: Ī-lōōī kaw̄ Ejiptə tə́. Ī-gerī majə kadə̄ ɓōólaā mā i de kə́ kum tə́ kə́ ngé kəndā najə̄ dɔsí tə́.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

NGÉ SARYA 6:10

N-ədasí kété na ni i Kɔ́ɔ̄ɓē Nə́ɓā yādə́ ba kə ī-lōōī ɓōĺ ɓesə̄ gə̄ yā Amor gə̄ ń ī-ndiī dɔ nang yādə́ tə́ ní. Banī sḭḭ̄ ōōī tan alé.

2 MBAN̄G 17:14

Banī nin̄ mbātə́n̄ koō yá̰á̰ ń ədan̄də́ ní. Dumə̄n̄ naā tītə̄ yā kaadə́ gə̄ ń taān̄ kem Kɔ́ɔ̄ɓē Nə́ɓā yādə́ aĺ ní.