NEHEMI 9:23 - Bibəl ta Sar̄

²³ Ādə̄də́ ngán gə̄ ō, ngán kaadə́ gə̄ ō, kutədə́ i ngá̰ý tītə̄ tə́yō̰ gə̄ kə́ dɔ rā̰ tə́ ō. Ɔ́r nodə́ āw̄ sedə́ dɔ nang ń ə́da kaadə́ gə̄ kadə̄ aw̄ taān̄ ní tə́ ō.

Bible sar

²³ Ādə̄də́ ngán gə̄ ō, ngán kaadə́ gə̄ ō, kutədə́ i ngá̰ý tītə̄ tə́yō̰ gə̄ kə́ dɔ rā̰ tə́ ō. Ɔ́r nodə́ āw̄ sedə́ dɔ nang ń ə́da kaadə́ gə̄ kadə̄ aw̄ taān̄ ní tə́ ō.

NEHEMI 9:23 Referans Kwoze

TA KƏLA 15:5

Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

1 YÁ̰A̰ GƏ̄ 27:23

De gə̄ ń ɓāl̄də́ ḭḭ dɔ kutə jōó tə́ ba tél kum kə̄ nang tə́ ní Dabid tə́da kutədə́ alé, tɔdɔ̄ Kɔ́ɔ̄ɓē əda kété na n-a n-rāā kadə̄ kutə Israel gə̄ a reē ngá̰ý tītə̄ yā kutə tə́yō̰ kə́ dɔ rā̰ tə́ gə̄.

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

NDŪ NAJƏ̄ 28:62

Sḭḭ̄ ń kutəsí asə naā kə kutə tə́yō̰ gə̄ kə́ dɔ rā̰ tə́ ní, ā ī-tél ā ī-na̰yiī i sḛ́ý beē, tɔdɔ̄ ōō ta Kɔ́ɔ̄ɓē Nə́ɓā yāí alé.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

Teē Ngán Israel gə̄ 1:12

Ba dan ń sāān̄ kadə̄ kutə ngán Israel gə̄ tél kə̄ nang tə́ anī, i loo ń noō tə́ n a aw̄ i kə̄ kété ō, a taān̄ i loo kum kə̄ kété ō, ní. Adə̄ de gə̄ ndin̄ i kə sōlōó kekəre najə̄ yā ngán Israel gə̄ tə́.