NEHEMI 9:22 - Bibəl ta Sar̄

²² Ḭ̄ ə́la ɓē ko̰o̰ ō, gír de gə̄ ō, kem jīdə́ tə́. Nin̄ táān̄ dɔ nang kə́ kadə dɔ nang yādə́ tə́, adə̄ i dɔ nang yā Sihon mban̄g kə́ Hesəbon ō, dɔ nang yā Og mban̄g kə́ Basan ō.

Bible sar

²² Ḭ̄ ə́la ɓē ko̰o̰ ō, gír de gə̄ ō, kem jīdə́ tə́. Nin̄ táān̄ dɔ nang kə́ kadə dɔ nang yādə́ tə́, adə̄ i dɔ nang yā Sihon mban̄g kə́ Hesəbon ō, dɔ nang yā Og mban̄g kə́ Basan ō.

NEHEMI 9:22 Referans Kwoze

PĀ GƏ̄ 105:44

Adə̄də́ dɔ nang yā nápar de kə́ rang gə̄. Nin̄-teēn̄ dɔɔ́ kə tətō de kə́ rang gə̄ ń rāān̄ kəla ní,

PĀ GƏ̄ 78:65

Kɔ́ɔ̄ɓē ndól̄ tītə̄ de kə́ ndól̄ dɔ ɓīī tə́ beē, tītə̄ go̰ rɔ̄ɔ̄ kə́ kasə gán̄g kumən tə́ beē.

JOJUE 11:23

Adə̄ Jojue taā dɔ nang malang tītə̄ ń Kɔ́ɔ̄ɓē ədań Moijə ní. Gō tə́ anī ni-adə̄ Israel gə̄ dɔ nang ní kə́ yādə́ tə́. Ni-gán̄g dɔ nang ní adə̄də́ i kə dɔ gír ɓē yādə́ gēé. Loo ń noō tə́ ngán Israel gə̄ ndin̄ lɔm tām̄ rɔ̄ɔ̄ gətóo tā.

JOJUE 10:11

Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

NDŪ NAJƏ̄ 1:4

Moijə tetə Sihon mban̄g yā Amor gə̄ ń ndi Hesəbon ní rɔ̄ɔ̄ ō, tetə Og, mban̄g kə́ Basan ń ndi Asətarot ní rɔ̄ɔ̄ kem ɓē kə́ Edrey tə́ ō, pá tá əla gír kɔjə ngán Israel gə̄ ndū najə̄ ń toō gidə bā Jurdḛ tə́, dɔ nang kə́ Moab tə́ ɓáý.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

NDŪ NAJƏ̄ 4:46

Dan ń noō tə́ ní nin̄ i gidə bā Jurdḛ kə́ dām̄ kə́ gír ɓē tə́, kum wól loo ń ra sɔɔ̄n̄ ta naā kə Bet Peor ní tə́, dɔ nang yā Sihon mban̄g yā Amor gə̄ tə́. Mban̄g Sihon ndi i Hesəbon. Banī Moijə nin̄ kə ngán Israel gə̄ tetənən̄ rɔ̄ɔ̄ kɔ̄ɔ́ ba taān̄ dɔ nang yān.

NDŪ NAJƏ̄ 4:47

Nin̄ taān̄ dɔ nang yā Og mban̄g kə́ Basan ō. Mban̄g kə́ jōó gə̄ ń toō o̰o̰n̄ ɓē i gidə bā Jurdḛ kə́ dām̄ kə́ dūn̄ ɓē tə́. Nin̄ i Amor gə̄.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.