NEHEMI 9:20 - Bibəl ta Sar̄

²⁰ Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.

Bible sar

²⁰ Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ *mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.

NEHEMI 9:20 Referans Kwoze

PĀ GƏ̄ 143:10

Ī-ndóōm̄ loo rāā yá̰á̰ ń kemií ndigə ní, tɔdɔ̄ ḭ̄ i Nə́ɓā yāḿ. Ndílí i Ndíĺ kə́ majə, ādə̄ njə̄rā seḿ dɔ róbə́ kə́ gidə asə naā majə tə́!

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

IJAI 48:21

Kem dəla loo ń ni-ɔr̄ Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

PĀ GƏ̄ 105:41

Ni njar mbal̄ anī man̄ teē tū tə́, nūgə́ kem dəla loo tə́ tītə̄ bā beé.

JOJUE 5:12

Dan ń əsan̄ kum kōō kə́ dɔ nang ní tə́ kɔ̄ɔ́ ɓá ní, teē kə ndɔ̄ kə́ nuū anī gíŕ mána gān̄g kɔ̄ɔ́, ngán Israel gə̄ əngen̄ mána to̰ alé. Kem ɓāl̄ ń nuū tə́ əsan̄ i yá̰á̰ kə́ teē dɔ nang kə́ Kanaan tə́.

Teē Ngán Israel gə̄ 17:6

Na n-a n-ra kété non tə́ loo ń noō tə́ dɔ mbal̄ kə́ Horeb tə́, na a ənda mbal̄ ní kadə̄ man̄ teē tū tə́ kadə̄ de gə̄ a̰ȳn̄. Moijə rāā tītə̄ ń noō ta kum kum kɔɔ̄ gə̄ yā ngán Israel gə̄ tə́.

Teē Ngán Israel gə̄ 16:15

Ngán Israel gə̄ a̰a̰n̄ yá̰á̰ ní banī gerə̄n̄ yá̰á̰ ní alé, adə̄ dəjen̄ naā dɔ dáńdə́ tə́ na ké yá̰á̰ ń noō ké i rí wa. Anī Moijə ədadə́ na: I yá̰á̰ ń Kɔ́ɔ̄ɓē adə̄sí kadə̄ ə́saī ní.

NEHEMI 9:30

Ī-tə́gā taí dɔdə́ tə́ ɓāl̄ ngá̰ý. Ī-ndán̄gdə́ dɔ háĺdə́ kə́ majaĺ tə́ kə ta kūl̄ Ndílí, tɔdɔ̄ ə̄ndā najə̄ ta ngé koō ta yāí gə̄ tə́ adə̄ ədan̄də́, banī nin̄ nēlə̄n̄ mbīdə́ oōn̄neé najə̄ ní alé. Adə̄ ə́ládə́ kem jī de gə̄ kə dɔ ɓē kə́ rang gə̄ tə́.

Makətūbə̄ ń Pol ndang adə̄ Rom gə̄ ní 15:30

Banī ngákó̰ó̰ḿ gə̄, yá̰á̰ ń m̄-dəjesí, kə ta kūl̄ Kɔ́ɔ̄ɓē yājí Jeju Kərist ō, kə ta kūl̄ táŕ ń Ndíĺ a adə̄ deē ō ní n toó: Ī-rɔ̄ɔ̄ī naā tə́ seḿ, kə ta kūl̄ ndɔ̄ȳ Nə́ɓāá tām̄ yāḿ tə́.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

Teē Ngán Israel gə̄ 16:35

Ngán Israel gə̄ əsan̄ mána ɓāl̄ kutə sɔ́. Əsan̄ bátə́ ugə̄n̄neé dɔ nang kə́ de gə̄ ndin̄ tū tə́ tə́. I mána n əsan̄ bátə́ ugə̄n̄neé dɔ nang kə́ Kanaan tə́ ní.

1 KORḚNTƏ 10:3

Nin̄ malang ní əsan̄ yá̰a̰ yā Nə́ɓā kə́ kógə̄ḿ beē ō,

Makətūbə̄ yā Aje 2:5

Ni-ənī ndūn ń toō adə̄sí i dan ń ī-teēīneé kɔ̄ɔ́ kem ɓē kə́ Ejiptə tə́ ní. Tá ndílən i dansí tə́, adə̄ ī-lōōī ɓōĺ!

Teē Ngán Israel gə̄ 16:4

Kɔ́ɔ̄ɓē əda Moijə na n-a n-rāā kadə̄ yá̰a̰ kəsa ḭḭ dɔ rā̰ tə́ edə tītə̄ man̄ beé dɔdə́ tə́. De gə̄ na a teēn̄ yā kaw̄ kɔy, ba na a ɔyn̄ i kə́ kum ta kəsa ndɔ̄ kógə̄ḿ ngóy kə dɔ ndɔ̄ gə̄. Na n-a n-nāādə́ i tītə̄ ń noō yā ka̰a̰ń ké a rāān̄ yá̰á̰ ń ndū najə̄ yān əda ní aké a rāān̄ aĺ wa.

Teē Ngán Israel gə̄ 17:3

Kəndā man̄ rāā ngán Israel gə̄ ngá̰ý adə̄ tə́dan̄ najə̄ dɔ Moijə tə́ ədan̄ na ké teē sedə́ kem ɓē kə́ Ejiptə tə́ kɔ̄ɔ́ i tām̄ yā rí tə́ wa. Ké i yā reē sedə́ loo ń toō tə́ kadə̄ kəndā man̄ kə tɔ̄l̄də́ kə ngáńdə́ gə̄ ō, yá̰a̰ kul̄ yādə́ gə̄ ō wa.