NEHEMI 9:17 - Bibəl ta Sar̄

¹⁷ Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

Bible sar

¹⁷ Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

NEHEMI 9:17 Referans Kwoze

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

Makətūbə̄ ń Pol ndang adə̄ Rom gə̄ ní 9:15

Tɔdɔ̄ Nə́ɓā nəkɔ́ əda Moijə tītə̄ ń toō beé na: M-á̰a̰ kum tō ndoō yā deē ń m̄-gḛy ka̰a̰ kum tō ndoō yān ní ō, kumḿ a o̰o̰m̄ kə deē ń m̄-gḛy kadə̄ kumḿ o̰o̰m̄ seneé ní ō.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

1 MBAN̄G GƏ̄ 6:13

M-ā m̄-reē yā ndi dan ngán Israel gə̄ tə́ kem kújə́ ń toō tə́ ō, m-ā m-ə́ya̰ Israel gə̄ ń i gír deē yāḿ gə̄ ní kɔ̄ɔ́ aĺ ō.

PĀ GƏ̄ 106:7

Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.

PĀ GƏ̄ 78:11

Dɔdə́ ndígə̄nal yá̰á̰ kə́ to rī ɓār̄ gə̄ ń ni-rāā ní ō, yá̰á̰ kə́ majə kə́ to kɔr kum gə̄ ń ni ɔjədə́ ní, dɔdə́ ndígə̄nal kɔ̄ɔ́ ō.

1 MBAN̄G GƏ̄ 8:57

Ní, ādə̄ Kɔ́ɔ̄ɓē Nə́ɓā yājí i sejí naā tə́ tītə̄ ń ni i naā tə́ kə kaají gēé kété ní. Ādə̄ ni-mbātə́jí aĺ ō, əya̰jí kɔ̄ɔ́ aĺ ō.

PĀ GƏ̄ 106:13

Dɔdə́ ndígə̄nal yá̰a̰ rāān gə̄ láẃ ngá̰ý kɔ̄ɔ́, ngóōn̄ yā ka̰ā̰ ké a sāā i rāā rí kə́ rang wa alé.

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

KƏLA RĀĀ 7:39

Banī kaají gə̄ gḛyn̄ koō tan alé, nin̄-mbātə́nən̄ ba sāān̄ tél kaw̄ gogə́ Ejiptə tə́.

Gōsə̄ najə̄ gə̄ 1:24

Banī m̄-ɓāŕsí anī ī-mbātíī ɓār̄ yāḿ ō, m-ə́la jīḿ kə̄ rɔ̄sí tə́ anī de kə́ usən dɔ tə́ gətóo ō,

TƏ́DA 16:14

I ɓē kə́ mba ō, yibə̄ tejə ō i ngá̰ý tū tə́ n ī-reē sejí tū tə́ ní alé. I ndɔr̄ gə̄ kə kāgə̄ nduú gə̄ n ādə̄jí kadə̄ i yá̰a̰ kənge yājí ní alé. Ɔ́jəń na de gə̄ ń toō i de kə́ kum tɔ̄ɔ̄ gə̄ a? J-a j-aw̄ alé.

TƏ́DA 14:41

Moijə ədadə́ na: Ā ī-rāāī i rí n noó? Sḭḭ̄ ī-mānī i dɔ ndū Kɔ́ɔ̄ɓē, adə̄ a majə sesí alé.

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

NEHEMI 9:31

Banī kumií o̰o̰ī ngá̰ý, adə̄ ə́ya̰də́ ādə̄ nujən̄ sedə́ kɔ̄ɔ́ malang aĺ ō, ə́yá̰də́ kɔ̄ɔ́ aĺ ō. Tɔdɔ̄ ḭ̄ i Nə́ɓā kə́ nge kem majə ō, kə́ kumií a o̰o̰ī adə̄ ā ī-mā̰ȳ rɔ̄í ō.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

EJEKIEL 5:6

De kə́ kemeé gə̄ mbātə́n̄ rāā yá̰a̰ kə gō ń m-ɔ́jəńdə́ kadə̄ rāān̄ ní ō, mbātə́n̄ ndū najə̄ gə̄ ń m-ādə̄də́ ní ō. Nin̄ rāān̄ yá̰a̰ majaĺ tɔȳ yā nápar de kə́ rang gə̄ ń ndin̄ gīrə̄n̄ gidədə́ ní tə́. Tɔdɔ̄ nin̄ mbātə́n̄ rāā yá̰a̰ gə̄ kə gō ń m-ɔ́jəńdə́ ní ō, mbātə́n̄ ndū najə̄ yāḿ gə̄ ō.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

Teē Ngán Israel gə̄ 32:9

Kɔ́ɔ̄ɓē əda Moijə na n-a̰a̰ kadə̄ ngán Israel gə̄ na i de kə́ ngé dɔ ngan̄g gə̄.

LEBI GƏ̄ 26:44

Nəkɔ́ ń a ndinəń kem ɓē yā madə̄ ba̰ā̰də́ gə̄ tə́ noō, n-ā tūr̄ gidəḿ tadə́ tə́ aĺ ō, m-ā m̄-kídə̄də́ bátə́ yā tɔ̄ləńdə́ kɔ̄ɔ́ malang aĺ ō, yā nujəń madə̄ naā ń m-ə́hɔ sedə́ ní aĺ ō, tɔdɔ̄ mā i Kɔ́ɔ̄ɓē Nə́ɓā yādə́.

1 SAMUEL 12:22

Kɔ́ɔ̄ɓē a əya̰sí kɔ̄ɔ́ alé. Tɔdɔ̄ i nəkɔ́ n ndigə rāāsí gír deē yān gə̄ tə́ tām̄ yā rīn kə́ to kɔsə gɔn ngá̰ý tə́ ní.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

PĀ GƏ̄ 78:10

i tɔdɔ̄ nin̄ ngɔ̄mə̄n̄ madə̄ naā yā Nə́ɓā alé, nin̄ mbātə́n̄ rāā yá̰á̰ ń ndū najə̄ yān əda ní.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.