NEHEMI 9:16 - Bibəl ta Sar̄

¹⁶ Banī kaají gə̄ ɔjən̄ rɔ̄də́ ō, rāān̄ dɔ ngan̄g ō, yá̰a̰ gə̄ ń ə́dádə́ kadə̄ rāān̄ ní oōn̄ aĺ ō.

Bible sar

¹⁶ Banī kaají gə̄ ɔjən̄ rɔ̄də́ ō, rāān̄ dɔ ngan̄g ō, yá̰a̰ gə̄ ń ə́dádə́ kadə̄ rāān̄ ní oōn̄ aĺ ō.

NEHEMI 9:16 Referans Kwoze

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

HEBƏRO 3:15

Tɔdɔ̄ ədan̄ na: Ɓōólaā ré ōōī ndū Nə́ɓā anī, ī-lōōī rāā dɔ ngan̄g tītə̄ kə́ ndɔ̄ kəsō wōn̄g tə́.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

NEHEMI 9:10

Ī-rāā yá̰a̰ gə̄ kə́ yā kɔjəń yá̰a̰ gə̄ ō, yá̰á̰ kə́ to kɔr kum gə̄ ō, dɔ Parao̰ tə́ ō, ngé rāā kəla yān gə̄ tə́ ō, de gə̄ malang kə́ kem ɓē yān tə́ gə̄ ō. Tɔdɔ̄ ī-ger̄ kɔjə ń de kə́ Ejiptə tə́ gə̄ ɔjən̄ rɔ̄də́ dɔ kaají gə̄ tə́ ní. Adə̄ rīí ɓār̄ ngá̰ý. Rī ɓār̄ yāí ní to ɓōólaā ɓáý.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

IJAI 48:18

Ha̰, loo kə́ beē tə́ ə̄ndā i kumií gíŕ yá̰a̰ gə̄ ń m-ɔ́sə sesí ta rāā ní anī, ndi lɔm yāí a to i tītə̄ bā beé ō, ndi majə yāí a to i tītə̄ bəngál bā bo beé ō.

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

PĀ GƏ̄ 81:8

Dan ń rāān̄ kumií ndoō tə́ á ə́ga kɔŕ ní m̄-gān̄g dɔí. Man̄ ndang ngá̰ý, ba m̄-ndigiī kum tə́ loo mundə̄ tə́. m̄-nāāī kadə man̄ kə́ Meriba tə́.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

2 YÁ̰A̰ GƏ̄ 30:8

Ngɔlaā ní ī-lōōī rāā dɔ ngan̄g tītə̄ yādə́ ba ōōī ta Kɔ́ɔ̄ɓē. ī-tél ī-reēī gogə́ loo kə́ táĺ yān ń ɔr̄ kamə̄n tayā kə́ njɔ́ḿ gə̄ tə́ tə́ ní ō, ādə̄ sḭḭ̄ i ngé rāā kəla gə̄ yā Kɔ́ɔ̄ɓē Nə́ɓā yāsí ō. Loo ń noō tə́ wōn̄g ń rāān sesí ngá̰ý ní a tetə.

2 MBAN̄G 17:14

Banī nin̄ mbātə́n̄ koō yá̰á̰ ń ədan̄də́ ní. Dumə̄n̄ naā tītə̄ yā kaadə́ gə̄ ń taān̄ kem Kɔ́ɔ̄ɓē Nə́ɓā yādə́ aĺ ní.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

NDŪ NAJƏ̄ 9:27

Ādə̄ əga kemií dɔ ngé kəla yāí gə̄ ń i Abəraham ō, Isaak ō, Jakob ō ní tə́. Ī-lōō kəndā kumií gō dum̄ naā yā gír de gə̄ ń toō tə́ ō, kem ndul yādə́ tə́ ō, majaĺ yādə́ tə́ ō.

NDŪ NAJƏ̄ 9:13

Ba Kɔ́ɔ̄ɓē tél ədam̄ ɓáý to̰ na: M-á̰a̰ā̰ ní, gír de gə̄ ń toō i gír de kə́ ngé dɔ ngan̄g gə̄.

NDŪ NAJƏ̄ 9:6

Yá̰á̰ ń majə kadə̄ ī-gerī ní, Kɔ́ɔ̄ɓē Nə́ɓā yāsí adə̄sí dɔ nang kə́ majə ń toō i tām̄ kəla rāāsí kə́ gōtə́ tə́ alé, tɔdɔ̄ sḭḭ̄ i gír de kə́ ngé dɔ ngan̄g gə̄.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

Teē Ngán Israel gə̄ 32:9

Kɔ́ɔ̄ɓē əda Moijə na n-a̰a̰ kadə̄ ngán Israel gə̄ na i de kə́ ngé dɔ ngan̄g gə̄.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

EJEKIEL 5:6

De kə́ kemeé gə̄ mbātə́n̄ rāā yá̰a̰ kə gō ń m-ɔ́jəńdə́ kadə̄ rāān̄ ní ō, mbātə́n̄ ndū najə̄ gə̄ ń m-ādə̄də́ ní ō. Nin̄ rāān̄ yá̰a̰ majaĺ tɔȳ yā nápar de kə́ rang gə̄ ń ndin̄ gīrə̄n̄ gidədə́ ní tə́. Tɔdɔ̄ nin̄ mbātə́n̄ rāā yá̰a̰ gə̄ kə gō ń m-ɔ́jəńdə́ ní ō, mbātə́n̄ ndū najə̄ yāḿ gə̄ ō.

2 YÁ̰A̰ GƏ̄ 29:6

Tɔdɔ̄ bɔbə̄jí gə̄ rāān̄ yá̰á̰ kə́ gōtə́ aĺ ō, rāān̄ majaĺ ta kum Kɔ́ɔ̄ɓē Nə́ɓā yājí tə́ ō, nin̄ əya̰nən̄ kɔ̄ɔ́, unən̄ kumdə́ kɔ̄ɔ́ ta kújə yān tə́ ō, tūrə̄n̄ gidədə́ adə̄nən̄ ō.