NEHEMI 9:14 - Bibəl ta Sar̄

¹⁴ Ī-rāā ādə̄ gerə̄n̄ ndɔ̄ sabat ń i ndɔ̄ yāí kə́ kɔr̄ kam̄ tayā ní ō, ə́dádə́ yá̰a̰ gə̄ kə́ kadə̄ rāān̄ gə̄ ō, ɔ́jə́də́ jī bēl̄ loo rāā yá̰a̰ gə̄ ō, ādə̄də́ ndū najə̄ ō, kə ta kūl̄ nge kəla yāí Moijə.

Bible sar

¹⁴ Ī-rāā ādə̄ gerə̄n̄ ndɔ̄ *sabat ń i ndɔ̄ yāí kə́ kɔr̄ kam̄ tayā ní ō, ə́dádə́ yá̰a̰ gə̄ kə́ kadə̄ rāān̄ gə̄ ō, ɔ́jə́də́ jī bēl̄ loo rāā yá̰a̰ gə̄ ō, ādə̄də́ ndū najə̄ ō, kə ta kūl̄ nge kəla yāí Moijə.

NEHEMI 9:14 Referans Kwoze

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

TA KƏLA 2:3

Nə́ɓā ɔr̄ najə̄ kə́ majə dɔ ndɔ̄ kə́ nge ko̰ sīrí tə́. Ni-ɔr̄ kamə̄n tām̄ yān nəkɔ́ tə́, tɔdɔ̄ i ndɔ̄ ń ni-ɔrə̄ń koō gō kəla malang ń ni-rāā tə́ ní.

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.

Teē Ngán Israel gə̄ 16:29

Na yá̰á̰ ń majə kadə̄ gerə̄n̄ ní n toó, na n-adə̄də́ ndɔ̄ sabat i yā kadə̄ kə ɔrə̄n̄neé koō, na i tām̄ najə̄ ń noō tə́ n na n-adə̄ńdə́ yá̰a̰ kəsa kum ta ndɔ̄ jōó kə ndɔ̄ kə́ nge ko̰ mehḛ́ ní. Kə ndɔ̄ kə́ nge ko̰ sīrí anī, kə ndin̄ gotə kógə̄ḿ, kadə̄ deē teē ndágá alé.

Teē Ngán Israel gə̄ 16:23

Anī Moijə ədadə́ na i yá̰á̰ ń Kɔ́ɔ̄ɓē ɔjə ní n noó. Tɔdɔ̄ bírí i ndɔ̄ sabat, i ndɔ̄ kɔr̄ koō kə́ kɔr̄ kam̄ tayā tām̄ yā Kɔ́ɔ̄ɓē tə́. Kə ndīrə̄n̄ yá̰á̰ ń majə kadə̄ ndīrə̄n̄ ní ō, kə nēgə́n̄ yá̰á̰ ń majə kadə̄ nēgə́n̄ ní ō. Ba gotən ń na̰y ní kə əndān̄ kadə̄ loo tīī dɔ tə́.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

NEHEMI 1:8

Ɓá tā ba ādə̄ əga kemií dɔ najə̄ ń ə̄ndā ta nge kəla yāí Moijə tə́ ādə̄ əda ní. Ni ədají na ré jə-ra dɔ ndūjí ń j-ənī j-adī tə́ ní aĺ anī ḭ̄ na ā ī-tə̄ndā yā tḭ̄ḭ̄jí kə̄ loo gə̄ tə́ dan gír de gə̄ tə́.

NDŪ NAJƏ̄ 5:31

Banī ḭ̄ ī-ndi gogə́ rɔ̄ḿ tə́ laā. M-ā m-ɔ́jiī gō míndə gə̄ ō, ndū najə̄ gə̄ ō, jī-bēl̄ loo rāā yá̰a̰ gə̄ ō malang. Ā ī-ndóōdə́ kadə̄ unən̄ gō dɔ nang ń m-ā m-ādə̄də́ kadə̄ taān̄ jī madə̄ ba̰ā̰də́ gə̄ tə́ ní.

NDŪ NAJƏ̄ 4:5

Ī-gerī kadə̄ m-ɔ́jə́sí ndū najə̄ gə̄ ō, jī-bēl̄ loo rāā yá̰a̰ gə̄ ō, tītə̄ ń Kɔ́ɔ̄ɓē Nə́ɓā yāḿ ədam̄neé na kə m-ɔ́jə́sí ní, yā kadə̄ ré ūgī dɔ nang ń ā ī-taāī tə́ ní anī, ī-rāāī tītə̄ ń m-ɔ́jəńsí ní.

LEBI GƏ̄ 27:34

Ndū najə̄ gə̄ ń Kɔ́ɔ̄ɓē adə̄ Moijə dɔ mbal̄ Sinai tə́ tām̄ yā ngán Israel gə̄ tə́ ní n noó.

Teē Ngán Israel gə̄ 24:12

Kɔ́ɔ̄ɓē əda Moijə na kə al̄ kə̄ rɔ̄n tə́ dɔ mbalá dɔɔ́, kə ndi nang tə́ noō kadə̄ n-adə̄n bar mbal̄ gə̄ ń na n-ndang ndū najə̄ gə̄ ō, gō míndə gə̄ ō gidə tə́ yā ndóō ngán Israel gə̄ ní.

LEBI GƏ̄ 19:3

Ī-ɓōlíī ndíĺ kó̰ó̰sí gə̄ ō, bɔbə̄sí ō, ī-ngɔ̄mī ndɔ̄ sabat yāḿ gə̄ ō. Mā i Kɔ́ɔ̄ɓē Nə́ɓā yāsí.

NEHEMI 10:32

Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.