NEHEMI 9:1 - Bibəl ta Sar̄

¹ Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

Bible sar

¹ Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán *Israel gə̄ kánə̄n̄ naā yā *ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

NEHEMI 9:1 Referans Kwoze

ESDRAS 8:23

Adə̄ jə-*ndi ɓō tām̄ yā Nə́ɓā tə́, jə-dəjeń Nə́ɓā yājí kadə̄ rāā kem majə sejí ba kə ngɔ̄m̄jí. Anī ni-rāā yá̰á̰ ń jə-dəjen ní.

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

1 SAMUEL 4:12

De kógə̄ḿ kə́ gír ɓē yā Benjamḛ tə́ a̰ȳ ta rɔ̄ɔ̄ tə́ aw̄ ugə̄ Silo ndɔ̄ nəkɔ́ ń noō tə́. Kūbə̄ kə́ rɔ̄n tə́ i kə́ rə́yā̰ kɔ̄ɔ́ ō, dɔn i bumbə́rú malang ō.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

Makətūbə̄ yā Job 2:12

Nin̄ unən̄ kumdə́ kə̄ dɔɔ́ a̰a̰nən̄ sa̰y anī, ger̄nən̄ alé. Anī unən̄ ndūdə́ kə̄ dɔɔ́ nōōnəń. Nin̄ kógə̄ḿ kógə̄ḿ kə dɔdə́ gēé ní rə́yā̰n̄ kūbə̄ kə́ dɔ madə̄ gə̄ tə́ kə́ rɔ̄də́ tə́ kɔ̄ɔ́, ba ɔyn̄ bumbə́ru ɓōkə́n̄ kə̄ dɔɔ́ adə̄ tél dəse pul pul dɔdə́ tə́.

ESTER 4:3

Tá gō nang gə̄ kógə̄ḿ kógə̄ḿ ń yá̰a̰ ń mban̄g ndang kadə̄ yā rāā ní ugə̄ tū tə́ ní, Jipə gə̄ ń ndin̄ tū tə́ ní əhɔn̄ ndoō ngá̰ý: Nin̄ ndin̄ ɓō tām̄ yā Nə́ɓā tə́, nōōn̄ kə man̄ kumdə́ ō, nōōn̄ rɔ̄də́ ō. Ngá̰ý gə̄ o̰ō̰n̄ kūbə̄ kəhɔ ndoō ō, ton̄ dɔ bū tə́ ō.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

2 YÁ̰A̰ GƏ̄ 7:10

Kə ndɔ̄ kə́ nge ko̰ kutə jōó gidə i mətá yā nāā kə́ nge ko̰ sīrí anī, mban̄g əya̰ ngán Israel gə̄ adə̄ teēn̄ kə̄ ɓē yādə́ gə̄ tə́. Nin̄ aw̄n̄ kə rɔ̄nelēé ō, kemdə́ nel̄də́ ō, tɔdɔ̄ Kɔ́ɔ̄ɓē rāā majə kə Dabid ō, kə̄ Salomo̰ ō, kə ngán Israel gə̄ ń i gír deē yān gə̄ ní ō.

2 SAMUEL 1:2

Kə ndɔ̄ kə́ nge ko̰ mətá anī deē kógə̄ḿ ḭḭ gérger yā Saul tə́ reē ugə̄. Kūbə̄ kə́ rɔ̄n tə́ i kə́ rə̄yā̰ kɔ̄ɔ́ ō, nán̄g i dɔn tə́ ō. Dan ń deē ní reē ugə̄ ngɔr rɔ̄ Dabid tə́ anī əsō ɔsə non nang tə́.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

LEBI GƏ̄ 23:39

Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí ní, ré ī-sāāī kōō kə́ ndɔr̄ yāsí gə̄ tə́ oy anī, ā ī-rāāī nāā kə́ ndɔ̄ sīrí yā rɔȳń Kɔ́ɔ̄ɓē. Ndɔ̄ kə́ ta kəga dɔ ō, ndɔ̄ kə́ nge ko̰ sɔ́sɔ́ ō, i ndɔ̄ kɔr̄ koō gə̄.

LEBI GƏ̄ 23:34

kəda ngán Israel gə̄ ndū najə̄ gə̄ ń toō: Kə ndɔ̄ kə́ nge ko̰ kutə gidə i mí yā nāā kə́ nge ko̰ sīrí ngeé ń toō ní, ā ī-rāāī nāā kújə́ kámbə ndɔ̄ sīrí yā rɔȳməń.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

1 SAMUEL 7:6

Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.