NEHEMI 8:9 - Bibəl ta Sar̄

⁹ Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

Bible sar

⁹ Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras *nge tun̄ yá̰á̰ kə́ nge ndóō de gə̄ ndū najə̄ ō, *ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

NEHEMI 8:9 Referans Kwoze

NEHEMI 7:70

Kadə̄ karī gə̄ ń de kə́rēý gə̄ kə́ dɔ gír kojə gə̄ tə́ adə̄n̄ ní i sə́lē lɔ́r 20 000 ō, gində̄ arjā̰a̰ ń adə̄n̄ ní kɔȳn malang i kəlōo 1 100 ō.

NEHEMI 7:65

Loo ń noō tə́ nge ko̰o̰ ɓē ɔgədə́ kəsa yá̰a̰ kə́ táĺ ngá̰ý gə̄ bátə́ kadə̄ ré nge tun̄ yá̰a̰ aw̄ sāā tə́ kə urim ō tumim ō pá tá.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

KOHELET 3:4

Kum mbang kə́ yā kadə̄ deē nōoń i noó ō, ni kə́ yā kadə̄ deē əgōń i noó ō. Kum mbang kə́ yā kadə̄ deē nōoń rɔ̄n i noó ō, ni kə́ yā kadə̄ deē ndāməń i noó ō.

ESDRAS 2:63

Nge ko̰o̰ ɓē ɔgə̄də́ kəsa yá̰á̰ kə́ táĺ ngá̰ý gə̄ bátə́ kadə̄ ré nge tun̄ yá̰á̰ kógə̄ḿ sāā kə urim ō tumim ō pá tá.

NDŪ NAJƏ̄ 12:7

Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.

LEBI GƏ̄ 23:24

kəda ngán Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

Makətūbə̄ ń Pol ndang adə̄ Rom gə̄ ní 7:9

Tām̄ kété dan ń gō míndə gətóó ní, mā m̄-ndi majə. Ba dan ń ndū najə̄ reē ní anī, yá̰á̰ kə́ majaĺ tél ajə ying gogə́,

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

MALASI 2:13

Yá̰á̰ kə́ rang ń ī-rāāī ɓáý to̰ ní n toó: Sḭḭ̄ ī-nōōī adə̄ man̄ kumsí taā loo dɔ loo tun̄ yá̰a̰ yā Kɔ́ɔ̄ɓē tə́. Sḭḭ̄ ī-nōōī kə man̄ kumsí ō, ī-nōōī rɔ̄sí ō, tɔdɔ̄ yá̰a̰ ndējə̄ yāsí gə̄ ní, usə Kɔ́ɔ̄ɓē dɔ tə́ to̰ aĺ ō, ni ndigədə́ to̰ aĺ ō.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

NEHEMI 12:26

Nin̄ rāān̄ kəla yādə́ i ɓāl̄ yā Yoyakim kə́ ngōn̄ Yesua kə́ ngōn̄ Yosadak tə́ ō, Nehemi nge ko̰o̰ ɓē tə́ ō, Esdras nge tun̄ yá̰á̰ kə́ nge ndóō de gə̄ ndū najə̄ tə́ ō.

NEHEMI 10:1

J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā tambō̰o̰ dɔ tə́ ō. Ngār yājí gə̄ ō ngán Lebi yājí gə̄ ō, ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.

ESDRAS 7:11

Najə̄ ń mban̄g Artajerses ndang adə̄ Esdras nge tun̄ yá̰á̰ kə́ ngé ndóō de gə̄ ndū najə̄ ō, kə́ nge ndang yá̰a̰ gə̄ ń Kɔ́ɔ̄ɓē əda kadə̄ yā rāā ní ō, kə́ nge ndang ndū najə̄ gə̄ yā Kɔ́ɔ̄ɓē kə́ tām̄ yā Israel tə́ ō ní, n toó:

2 YÁ̰A̰ GƏ̄ 35:3

Ngán Lebi gə̄ ń əndān̄ kəla ndóō ngán Israel gə̄ yá̰a̰ dɔdə́ tə́ ō. Kɔ́ɔ̄ɓē ɔr̄də́ tayā kə rī kəla yānneé ō ní, ni-ɔr̄ najə̄ sedə́ əda na: Kújə yā Kɔ́ɔ̄ɓē ń Salomo̰ ngōn̄ Dabid mban̄g kə́ Israel tə́ rāā ní, ré ə̄ndāī sandúkə́ kə́ táĺ i kemeé anī ā ōtōniī dɔ bɔ̄gə̄sí tə́ to̰ alé. Ngɔlaā ní ī-rāāī kəla yā Kɔ́ɔ̄ɓē Nə́ɓā yāsí ō, yā deē yān gə̄ ń i Israel gə̄ ní ō.

2 YÁ̰A̰ GƏ̄ 34:21

Āwī āw̄ ōōī ta Kɔ́ɔ̄ɓē tām̄ yāḿ tə́ ō, tām̄ yā gotə Israel gə̄ ń na̰yn̄ ní tə́ ō, Juda gə̄ tə́ ō, sɔɔ̄ń najə̄ gə̄ yā makətūbə̄ ń teēn̄ dɔ tə́ ní. Tɔdɔ̄ wōn̄g ń rāā Kɔ́ɔ̄ɓē sejí ní i wōn̄g kə́ ngá̰ý, tām̄ kaají gə̄ rāān̄ yá̰á̰ ń Kɔ́ɔ̄ɓē əda ní alé, tɔdɔ̄ rāān̄ yá̰a̰ malang ń i kə́ ndang kem makətūbə̄ ń toō tə́ ní alé.

2 YÁ̰A̰ GƏ̄ 34:19

Dan ń mban̄g oō najə̄ gə̄ kə́ kem makətūbə̄ ndū najə̄ ní tə́ oy anī, rə́yā̰ kūbə̄ gə̄ kə́ rɔ̄n tə́ kɔ̄ɔ́

2 YÁ̰A̰ GƏ̄ 30:22

Ngán Lebi gə̄ malang ń gerə̄n̄ yá̰a̰ yā Kɔ́ɔ̄ɓē majə ní, Ejekias ɔr̄ najə̄ sedə́ adə̄ńdə́ tɔ́gə. De gə̄ rāān̄ nāā ndɔ̄ sīrí, ndējə̄n̄ yá̰a̰ tun̄ gə̄ kə́ tām̄ yā kem kógə̄ḿ tə́ ō, ndadə̄ adə̄n̄ Kɔ́ɔ̄ɓē Nə́ɓā yā kaadə́ gə̄ ō.

2 YÁ̰A̰ GƏ̄ 15:3

Israel gə̄ ndin̄ kanjə̄ Nə́ɓā kə́ rɔ̄kum ō, kanjə̄ nge tun̄ yá̰á̰ kə́ yā ndóōdə́ yá̰a̰ ō, kanjə̄ ndū najə̄ ō, dan i ngá̰ý.

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

2 MBAN̄G 22:11

Dan ń mban̄g oō najə̄ kə́ kem makətūbə̄ ndū najə̄ tə́ oy anī, rə́yā̰ kūbə̄ gə̄ kə́ rɔ̄n tə́.

NDŪ NAJƏ̄ 26:14

Dan ń m̄-rāā ndoō deē yāḿ kə́ koy ní, m-ə́sá yá̰á̰ ní aĺ ō, dan ń m̄-tél de kə́ yḛr ní, m-ɔ̄r̄ yá̰á̰ kógə̄ḿ tū tə́ aĺ ō, m-ún m-ādə̄ de kə́ koy kɔ̄ɔ́ aĺ ō. M-ōō ndū Kɔ́ɔ̄ɓē Nə́ɓā yāḿ, adə̄ m̄-rāā yá̰a̰ malang ń ədam̄ kadə̄ m̄-rāā ní.

JAKƏ 4:9

Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.