NEHEMI 8:12 - Bibəl ta Sar̄

¹² Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

Bible sar

¹² Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

NEHEMI 8:12 Referans Kwoze

PĀ GƏ̄ 119:174

Kɔ́ɔ̄ɓē, m̄-gḛy kadə̄ ájəm̄ kə jīí, ndū najə̄ yāí nel̄ kemḿ ngá̰ý.

Najə̄ kə́ Majə yā Jeju ń Luk ndang ní 24:32

Anī nin̄-tél a ədan̄ naā na: Dan ń ni a ɔr̄ najə̄ sejí róbó ō, a ɔr̄jí kum yá̰a̰ gə̄ kə́ ndangən̄ kem makətūbə̄ gə̄ tə́ ō ní, kemjí təngājí piling piling aĺ a?

PĀ GƏ̄ 119:171

Ādə̄ taḿ ɓōkíī tɔ̄ȳ, tɔdɔ̄ ī-ndóōm̄ yá̰a̰ gə̄ ń kadə̄ yā rāā ní.

PĀ GƏ̄ 119:130

Najə̄ yāí kə́ teē dɔ tə́ teē kum deē dɔ yá̰á̰ tə́, rāā adə̄ ngé kum gān̄g aĺ gə̄ gerə̄n̄ kəndā ma̰ȳ yá̰a̰.

PĀ GƏ̄ 119:127

Nelə̄m̄ kə gō míndí gēé tɔȳ lɔ́r, tɔȳ lɔ́ŕ kə́ unjə̄ njáý njáý.

PĀ GƏ̄ 119:111

Yá̰a̰ gə̄ ń ə́dá ní i yá̰a̰ kənge yāḿ gə̄ kə́ njɔ́ḿ gə̄ tə́, nin̄ rāān̄ adə̄ kemḿ nelə̄m̄.

PĀ GƏ̄ 119:97

Ndū najə̄ yāí nelə̄m̄ ngá̰ý. m̄-gír̄ dɔ tə́ kə dɔ ndɔ̄ gə̄ malang.

PĀ GƏ̄ 119:72

Ndū najə̄ kə́ teē taí tə́ majə ngá̰ý tām̄ yāḿ tə́ tɔȳ yá̰a̰ gə̄ dūbú ngá̰ý kə́ rāā kə lɔ́rɔ́ ō kə arjā̰a̰á̰ ō.

PĀ GƏ̄ 119:16

Yá̰a̰ gə̄ ń ī-ndang kadə̄ yā rāā ní nelə̄m̄ ngá̰ý. dɔḿ ndígə̄nal najə̄ yāí alé.

PĀ GƏ̄ 119:14

M-ə́nge rɔ̄nel̄ loo rāā yá̰a̰ gə̄ ń ə́dá tə́ ní, tītə̄ rɔ̄nel̄ yá̰a̰ kənge kə́ ngá̰ý beē.

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

Makətūbə̄ ń Pol ndang adə̄ Rom gə̄ ní 7:18

Dan ń mā i ɓəlo yā yá̰á̰ kə́ majaĺ kɔ̄ɔ́ ɓá ní, tɔ́gə́ḿ sḛ́ý kə́ kadə̄ m̄-rāań yá̰á̰ kə́ majə gətóo. m̄-gḛy rāā yá̰á̰ kə́ majə ngá̰ý ɓá tā, ba loo rāān dumə̄m̄ kɔ̄ɔ́.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

NEHEMI 8:11

Ngán Lebi gə̄ sɔlə̄n̄ kem de gə̄ ō, nin̄ ədan̄ na: Ī-raī tasí mbóo! Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Nə́ɓā tə́. Ādī wursí ɔlsí alé.

NEHEMI 8:13

Teē kə ndɔ̄ kə́ nge ko̰ jōó anī, de kə́ dɔ gír kojə gə̄ yā ngán Israel gə̄ tə́ malang ō, ngé tun̄ yá̰a̰ gə̄ ō, ngán Lebi gə̄ ō, kánə̄n̄ naā rɔ̄ Esdras nge ndóō de gə̄ ndū najə̄ tə́ yā kəndā ma̰ȳ najə̄ gə̄ ń ndū najə̄ əda ní yā ger̄ kum kə gōó majə.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

1 YÁ̰A̰ GƏ̄ 29:22

Ndɔ̄ ń noō tə́ əsan̄ yá̰a̰ ō, a̰ȳn̄ ō, kə rɔ̄nel̄ kə́ ngá̰ý ta kum Kɔ́ɔ̄ɓē tə́, ba əndān̄ Salomo̰ ngōn̄ Dabid mban̄g nja kə́ nge ko̰ jōó ō, urən̄ yibə̄ mban̄g dɔn tə́ tām̄ yā Kɔ́ɔ̄ɓē tə́ ō, urən̄ yibə̄ dɔ Sadok tə́ kadə̄ ni i nge tun̄ yá̰a̰ ō.